អភិបាល​រង​ខណ្ឌ​ជ្រោយ​ចង្វារ​ម្នាក់ ​បាន​អះ​អាង​ថា​ បន្ទាប់​ពី​គាត់​ដើរ​គ្រប់​ផ្សារ​ក្នុង​រាជ​ធានី​ភ្នំពេញ ​គាត់​ហួស​ចិត្ត​ដែល​ឃើញ​ប្រជា​ជន​ខ្មែរ​មួយ​ចំនួន​ នៅ​តែ​ស្វែង​រក​ទិញ​ផលិតផល​ថៃ​មក​ប្រើ​ប្រាស់​ ខណៈ​ដែល​ថៃ​នៅ​បន្ត​ឈ្លាន​ពាន​ទឹក​ដី​កម្ពុជា​ឥត​ឈប់​ឈរ​។​ ចំពោះ​មន្ត្រី​រូប​នេះ ​ប្រសិន​បើ​ពលរដ្ឋ​ខ្មែរ​ស្រុះ​គ្នា​ធ្វើ​ពហិការ​ផលិត​ផល​ថៃ នោះ​សេដ្ឋ​កិច្ច​ថៃ​នឹង​ត្រូវ​ចុះ​ខ្សោយ​ខ្លះ​ ហើយ​យោធា​ថៃ​ក៏​មិន​មើល​ងាយ​ខ្មែរ​ពេក​ដែរ​។​ តែ​សំណួរ​ដែល​ចោទ​ឡើង​នា​ពេល​នេះ​គឺ​ថា ​ហេតុ​អ្វី​បាន​ជា​ពលរដ្ឋ​ខ្មែរ​ខ្លះ​នៅ​តែ​ត្រូវ​ការ​ផលិត​ផល​ថៃ​?