សមាសភាព​រដ្ឋាភិបាល​បន្តវេន​របស់​គណបក្ស​ប្រជាជន​កម្ពុជា​ អាច​នឹង​ដឹងជាផ្លូវ​ការ​នៅថ្ងៃទី​២៤ធ្នូ​ខាងមុខ​ បន្ទាប់​ពី​គណបក្ស​កាន់អំណាច​ចាស់វស្សា​មួយ​នេះ​បោះឆ្នោត​ផ្ទៃក្នុងបក្ស។​ ដោយ​គ្រាន់​តែ​ដឹងថា​ លោក ហ៊ុន ម៉ាណែត​ គឺជា​មនុស្ស​សំខាន់​ម្នាក់​នៅជួរ​រដ្ឋាភិបាល​បន្តវេន​នោះ​ សម្រាប់​សមាស​ភាព​មនុស្ស​ដទៃទៀត​គ្មាន​នណាដឹង​ឡើយ​ក្រៅពីថ្នាក់​ដឹកនាំ​ជាន់​ខ្ពស់មួយ​ចំនួនតូច​របស់គណ​បក្សនេះ។​ ប៉ុន្តែ​សំណួរ​ដែល​ចោទ​ឡើង​នៅពេល​នេះ​ ហេតុអ្វី​គណបក្ស​កាន់អំណាច​ត្រូវរៀប​ចំ​សមាសភាព​រដ្ឋាភិបាល​បន្តវេនតាំង​ពីពេល​ឥឡូវ​ទៅ ខណៈ ​លោក ហ៊ុន សែន​ ប្រកាស​កាន់​អំណាច​រហូត​ដល់​២អាណត្តិ​ទៅមុខទៀត?​