នៅថ្ងៃទី៣០ ខែកក្កដា ឆ្នាំ២០២៤ លោកស សុខា រដ្ឋមន្ដ្រីក្រសួងមហាផ្ទៃបានទុកពេលឱ្យស្នងការនគរបាលរាជធានីខេត្តទាំងអស់ត្រឹម ១សប្ដាហ៍ដើម្បីរៀបចំផែនការបង្ក្រាបគ្រឿងញៀននៅតាមទីតាំងកម្សាន្ដរាត្រី។ ការចេញបញ្ជានេះធ្វើឡើង ក្រោយលោកពិនិត្យឃើញថា ស្ថានភាពគ្រឿងញៀននៅកម្ពុជាមានការវិវត្តខ្លាំងគួរឱ្យកត់សម្គាល់ និងព្រួយបារម្ភ។ អ្នកតាមដានសង្គមយល់ថា ការផ្តោតការបង្រ្កាបគ្រឿងញៀននៅតាមក្លឹបកម្សាន្តរាត្រីនេះព្រោះថាក្លឹបកម្សាន្តរាត្រីជាទីកន្លែង និងជាប្រភពចែកចាយគ្រឿងញៀនមួយដ៏សំខាន់។