ការ​ចូល​សំចត​របស់​នាវា​ចិន​នៅ​កំពង់ផែ​សមុទ្រ​រាម​ បាន​ញាំង​ឲ្យ​សហរដ្ឋ​អាមេរិក​ដាក់​ក្រសែ​ភ្នែក​យ៉ាង​យក​ចិត្ត​ទុក​ដាក់​លើ​បញ្ហា​ភូមិ​សាស្ត្រ​នយោ​បាយ​មួយ​នេះ​។​ អ្នក​វិភាគ​ខ្លះ ​បាន​ហៅ​ទង្វើ​របស់​ចិន​នេះ​ថា​ ជា​ការ​សាក​ល្បង​ប្រើប្រាស់​ទី​តាំង​នេះ​នៅ​ពេល​អនាគត ​និង​ជា​ការ​វាស់​ស្ទង់​ប្រតិកម្ម​ពី​ប្រទេស​លោក​ខាង​លិច​។ ​ប៉ុន្តែ ​រដ្ឋ​មន្រ្តី​ការ​ពារ​ជាតិ​កម្ពុជា ​តាម​រយៈ​ហ្វេសប៊ុក​អះអាង​ថា ​ការ​ចូល​សំចត​របស់​នាវា​ចិន​ កាល​ពី​ថ្ងៃ​ទី​៣ខែ​ធ្នូ​នោះ ​ធ្វើ​ឡើង​ក្នុង​គោល​បំណង​ហ្វឹកហ្វឺន​កង​ទ័ព​កម្ពុជា​តែ​ប៉ុណ្ណោះ​។​