ឆ្លងកាត់​ការប្រជុំកាលពីថ្ងៃសុក្រទី២០មករា​ នៅឯមូលដ្ឋានទ័ពអាមេរិក​ក្នុងទឹកដី​អាល្លឺម៉ង់ Ramstein ក្រុមប្រទេស​សម្ព័ន្ធមិត្ត​លោកខាងលិច បានសន្យា​ផ្តល់គ្រឿងសព្វាវុធបន្ថែមទៀត ទៅឲ្យ​អ៊ុយក្រែន ដើម្បីប្រយុទ្ធយកឈ្នះ។ ក៏ប៉ុន្តែ ទន្ទឹមគ្នានេះ អ៊ុយក្រែនបាន​បន្ត​ទទូចស្នើសុំរថក្រោះប្រយុទ្ធធុនធ្ងន់ ដែលអ៊ុយក្រែន​អះអាងថា គឺជាមធ្យោបាយ​មិនអាចខ្វះបាន ដើម្បីយកឈ្នះ​លើ​រុស្ស៊ី។ សំពាធត្រូវបាន​ដាក់កាន់តែខ្លាំង ទៅលើរដ្ឋាភិបាល​អាល្លឺម៉ង់ ដែល​បន្តបដិសេធ មិនព្រមប្រគល់រថក្រោះប្រយុទ្ធ Leopard 2 របស់ខ្លួន​ទៅឲ្យ​អ៊ុយក្រែន។