ចាប់​ពី​ថ្ងៃទី២៧ មីនា ឆ្នាំ ២០២៣ ទៅ នៅ​សល់​តែ ១៣ប្រទេស​ប៉ុណ្ណោះ​ដែល​កំពុង​បន្ត​មាន​ទំនាក់ទំនង​ការ​ផ្លូវទូត​ផ្លូវការ​ជាមួយ​កោះ​តៃវ៉ាន់ ឬ​ហៅ​ដោយ​សាមញ្ញ​ថា​ចិនតៃវ៉ាន់។ ហុងឌូរ៉ាស​ជា​ប្រទេស​ចុង​ក្រោយ​ដែល​ទើប​បាន​ផ្តាច់​គ្រប់​ទំនាក់ទំនង​ការទូត​ជាមួយ​ចិនតៃវ៉ាន់ និង​បាន​ងាក​រក​ចិនដីគោក​វិញ។ នេះ​ជា​ជោគជ័យ​ថ្មី​មួយ​ទៀត​របស់​ក្រុង​ប៉េកាំង​ដែល​បាន​ប្រើ​យុទ្ធសាស្រ្ត​គ្រប់បែប​ម្យ៉ាង​ដើម្បី​ខ្ទប់​ក្រុង​តៃប៉ិក​ឲ្យ​ឯកោ​ផ្លូវទូត​នៅ​លើ​ឆាកអន្តរជាតិ។ ហេតុ​អ្វី​បាន​ជា​ហុងឌូរ៉ាស​ដែល​បាន​រួមរស់​ជាមួយ​តៃវ៉ាន់​អស់​រយៈពេល​ជាង ៨០ឆ្នាំ​បែរ​ជា​សម្រេច​ដើរ​ចេញ​ពី​តៃវ៉ាន់​នៅ​ពេល​នេះ​ទៅ​វិញ?។