នៅ​ក្នុង​ប្រទេស​លីបង់ កៅអី​ប្រធានាធិបតី​កំពុង​នៅ​ទំនេរ ព្រោះ​អាណត្តិ​ប្រធានាធិបតី​លោក​មីស្ហែល អាអ៊ូន​បាន​ចប់​ត្រឹម​ថ្ងៃទី៣១ តុលា។ អវត្តមាន​ប្រធានាធិបតី​ថ្មី​ដោយសារ​តែ​សភា​បន្ត​និយាយ​មិន​ចុះ​សម្រុង​គ្នា​ក្នុង​ការ​ជ្រើសរើស​បេក្ខជន​ប្រធានាធិបតី​ថ្មី។ ក្នុង​ពេល​ជាមួយ​គ្នា រដ្ឋាភិបាល​សព្វថ្ងៃ​ក៏​ជា​រដ្ឋាភិបាល​ចាំ​ផ្ទះ ព្រោះ​តាំង​ពី​ក្រោយ​ការ​បោះឆ្នោត​សភា​នា​និទាឃរដូវ​កន្លង​មក រដ្ឋាភិបាល​ថ្មី​មួយ​នៅ​មិន​ទាន់​អាច​បង្កើត​បាន​នៅ​ឡើយ​ទេ។ ទន្ទឹម​នឹង​វិបត្តិ​ជាប់គាំង​នយោបាយ លីបង់​ក៏​កំពុង​ផុង​ខ្លួន​កាន់​តែ​ជ្រៅ​ទៅ​ក្នុង​វិបត្តិ​សេដ្ឋកិច្ច។ តើ​វិបត្តិ​ដែល​លីបង់​កំពុង​ជួប​ពេល​នេះ​នឹង​ជះផលវិបាក​អ្វី​ខ្លះ​ដល់​ប្រទេស និង​ថា ហេតុអ្វី​បាន​ជា​លីបង់​ជា​ប្រទេស​ដែល​ពិបាក​គ្រប់គ្រង ឬ​មិន​អាច​គ្រប់គ្រង​បាន?។