ស្ថានការណ៍​កំពុង​បន្ត​តានតឹង និង​ពុះកញ្រ្ជោល​ខ្លាំង​នៅ​ទីលានវិហារ​អ៊ីស្លាម​ក្នុង​ក្រុង​ហ្សេរ៉ុយសាឡឹមខាងកើត។ ក្នុង​រយៈពេល​ប៉ុន្មាន​ថ្ងៃ​ចុង​ក្រោយ​នេះ ភាព​ប្រទូស្រា្តយ​រវាង​ប្រជាជន​ប៉ាឡេស្ទីន និង​ប្រជាជន​អ៊ីស្រាអែល រួម​ទាំង​ការ​ប្រឈម​មុខ​ដាក់​គ្នា​រវាង​បាតុករ​ប៉ាឡេស្ទីន និង​កម្លាំង​ប៉ូលិស​អ៊ីស្រាអែល​បាន​បណ្តាល​ឲ្យ​មាន​អ្នក​រងរបួស​ជិត ២០០នាក់។ ហេតុការណ៍​នេះ​កំពុង​ធ្វើ​ឲ្យ​រដ្ឋាភិបាល​ចម្រុះ​អ៊ីស្រាអែល​របស់​នាយករដ្ឋមន្រ្តី​លោក​ណាវតាលី ប៊ែននែត​ជួប​ការ​លំបាក។ ហេតុអ្វី​បាន​ជា​ដូច្នេះ និង​ថា ហេតុអ្វី​បាន​ជា​ទីលានវិហារ​អ៊ីស្លាម​ក្នុង​ក្រុង​ហ្សេរ៉ុយសាឡឹមខាងកើត​កំពុង​បន្ត​ចិញ្ចឹម​ភាព​តានតឹង​រវាង​អ៊ីស្រាអែល និង​ប៉ាឡេស្ទីន?