នៅ​ថ្ងៃ​អង្គារ ទី២៦ មេសា មហាសន្និបាត​អង្គការសហប្រជាជាតិ​បាន​អនុម័ត​លើ​សេចក្តីសម្រេច​មួយ​ស្តីពី​សិទ្ធិវ៉េតូ​ដែល​សមាជិក​អចិន្ត្រៃយ៍​ទាំង ៥ប្រទេស​នៃ​ក្រុមប្រឹក្សាសន្តិសុខ​មាន​សិទ្ធិ​ប្រើ។ នៅ​ក្នុង​សេចក្តីសម្រេច អង្គការ​សហប្រជាជាតិ​បាន​តម្រូវ​ឲ្យ​សមាជិក​អចិន្ត្រៃយ៍​ទាំង ៥ប្រទេស​បង្ហាញ​ហេតុផល​នៅ​ពេល​ប្រើ​សិទ្ធិវ៉េតូ​ម្តងៗ។ គួរ​បញ្ជាក់​ថា សំណើ​ឲ្យ​មាន​កំណែទម្រង់​លើ​សិទ្ធិ​វ៉េតូ​នេះ​ជា​គំនិត​ផ្តួចផ្តើម​របស់​ប្រទេស​លិចតិនស្តាញ​តាំង​ពី​ជាង ២ឆ្នាំ និង​ត្រូវ​បាន​ផ្តល់​សន្ទុះ​បន្ថែម​នៅ​ពេល​ដែល​រុស្ស៊ី​ចូល​ឈ្លានពាន​អ៊ុយក្រែន។