ប្រឈម​នឹង​តម្លៃ​ប្រេង​ឡើង​ថ្លៃ និង​តម្រូវការ​ថាមពល​កើន​ឡើង សមាជិក​អាស៊ាន​ចំនួន ៣ប្រទេស​នៅ​អាស៊ីអាគ្នេយ៍ គឺ​ឥណ្ឌូណេស៊ី វៀតណាម និង​ហ្វីលីពីន​ចង់​គិតគូរ​ឡើង​វិញ​លើ​ថាមពល​បាន​ពី​នុយក្លេអ៊ែរ។ តែ​ក្រុម​អ្នកជំនាញ​ហាក់​មិន​សូវ​មាន​សុទិដ្ឋិនិយម និង​បាន​លើក​ឡើង​នូវ​បញ្ហា​ប្រឈម​មួយ​ចំនួន។ គួរ​បញ្ជាក់​ថា​បច្ចុប្បន្ន​នេះ ថាមពល ៨០% នៅ​អាស៊ីអាគ្នេយ៍​បាន​មក​ពី​ការ​ប្រើ​ប្រេង និង​ធ្យូងថ្ម​ដែល​សុទ្ធសឹង​ជា​វត្ថុធាតុដើម​បញ្ចេញ​ឧស្ម័ន​កាបូនិក។