ប្រមុខ​រដ្ឋាភិ​បាល​កម្ពុជា កាលពី​ថ្ងៃ​ទី​១៥​ខែ​សីហា ឆ្នាំ​២០២៤​ បាន​ថ្លែង​ថា ​គម្រោង​អភិវឌ្ឍន៍​ត្រីកោណ​កម្ពុជា ឡាវ និង​វៀតណាម (CLV)គឺ​តំណាង​រាស្ត​គណ​បក្ស​ប្រឆាំង​បាន​ចូល​រួម​ដឹង​ឭ ​តាម​រយៈ​គណៈ​កម្ម​ការ​កិច្ច​ការ​បរទេស​របស់​រដ្ឋ​សភាដែល​ដឹក​នាំ​ដោយ លោក ឈាង វុន ​តាំង​ពី​ជាង​១០​ឆ្នាំមុន​។​ តែ​ លោក​ ហ៊ុន ម៉ាណែត បាន​ចោទ​សួរ​ថា ​ហេតុ​អ្វី​បាន​បក្ស​ប្រឆាំង​មិន​តវ៉ា​កាល​ពី​ពេល​នោះ​។​ សម្រាប់​អតីត​សមា​ជិក​សភា​ម្នាក់​របស់​គណ​បក្ស​ប្រ​ឆាំង ​លោក ឡុង រី​ អះអាង​ថា​ លោក​​មិន​បាន​ដឹង​ថា​ ខាង​រដ្ឋ​សភា​បាន​បញ្ចូល​ឈ្មោះ​របស់ខ្លួន​​ទៅ​ក្នុង​គណៈ​កម្មការ​ នោះ​ឡើយ​។