អាល្លឺម៉ង់​បាន​បិទមជ្ឈមណ្ឌល​​​នុយក្លេអ៊ែរចំនួន​បី​ ដែល​នៅ​សេសសល់​ចុងក្រោយ​ កាល​ពីថ្ងៃ​សៅរ៍ ដោយ​បញ្ឈប់​ទាំងស្រុង​នូវ​រាល់​ការ​ផលិត​អគ្គិសនី​ពី​ថាមពល​នុយក្លេអ៊ែរ។ ការដកខ្លួន​ចេញ​ពី​ថាមពល​នុយក្លេអ៊ែរ​នេះ កំពុង​បង្កើត​ឲ្យ​មាន​ជា​បញ្ហា​ចម្រូងចម្រាស និង​ការខ្វែងយោបល់​គ្នា នៅ​ក្នុង​ចំណោម​ប្រជាជន​អាល្លឺម៉ង់​ខ្លួនឯងផ្ទាល់ ដោយសារ​តែ​បច្ចុប្បន្ន​នេះ ពិភពលោក​កំពុង​ស្វះស្វែង​កាត់បន្ថយ​ការ​ប្រើ​ថាមពលផូស៊ីល​ ដើម្បី​ទប់ស្កាត់​ការឡើងកម្តៅផង ហើយ​​​ក្នុង​ពេល​ជាមួយគ្នា ​វិបត្តិ​ថាមពល​ក៏​កំពុង​កើតឡើង ​ដោយ​សារ​សង្គ្រាម​អ៊ុយក្រែន​ផង។ តើមាន​ដំណើរហេតុអ្វី​ ដែល​ជំរុញ​ឲ្យ​អាល្លឺម៉ង់​ប្តូរផ្តាច់​បោះបង់​ចោល​ថាមពល​នុយក្លេអ៊ែរ​បែបនេះ?