នៅក្នុងមួយរយៈកាលចុងក្រោយ​នេះ យើងសង្កេតឃើញ​មានការ​ទាមទារ​កាន់តែច្រើន ទាំងពី​សំណាក់ថ្នាក់ដឹកនាំ​ទីភ្នាក់ងារ​អវកាស និង​ពី​សំណាក់អវកាសយានិក ​ឲ្យ​អឺរ៉ុប​​អភិវឌ្ឍ​កម្មវិធី​ផលិត​យាន​អវកាស ដែល​អាច​ដឹក​អវកាសយានិក​ដោយ​ខ្លួនឯង។ ជាការពិត​ មកទល់​នឹង​សព្វថ្ងៃនេះ អឺរ៉ុប​​មិនមាន​យានអវកាសដឹកអវកាសយានិក​ដោយខ្លួនឯង​នោះទេ ហើយ​រាល់​ការ​បញ្ជូន​អវកាសយានិក​ទៅ​កាន់ទីអវកាស​​ត្រូវ​ពឹងផ្អែក​លើ​អ្នក​ដទៃ ជាពិសេស ពឹងលើសហរដ្ឋ​អាមេរិក និង​រុស្ស៊ី។ តើហេតុអ្វីបាន​ជា​អឺរ៉ុប​ដែល​ជា​មហាអំណាច​អវកាស​មួយដែរ ក៏ប៉ុន្តែ បែរជា​មិន​មានសមត្ថភាព​ផលិតយានដឹកអវកាសយានិក​ដោយ​ខ្លួនឯងបែបនេះ​ទៅវិញ?