សកម្មភាព​បង្ក​ហិង្សា​វាយ​កាប់​គ្នា​រវាង​ក្មេង​ទំនើង​ រាប់​ទាំង​នៅ​សាលា​រៀន​ និង​ទីសា​ធារណៈ​ កំពុង​កើត​ឡើង​ច្រើន​នា​រយៈ​ពេល​ចុង​ក្រោយនេះ​។ ​អ្នក​តាម​ដាន​សង្គម​កត់​សំគាល់ថា  បញ្ហា​នេះ​អាច​មក​ពីការ​ប្រើ​គ្រឿង​ញៀន ​ការ​អប់រំ​សីលធម៌​សង្គម​ធ្លាក់​ចុះ​ រួម​ផ្សំ​នឹង​ការ​រង​ឥទ្ធិពល​អវិជ្ជ​មាន​នៅ​តាម​បណ្តាញ​សង្គម​។ យោង​តាម​ការ​សិក្សា​របស់​អង្គការ​យូនីសេស​បង្ហាញថា​ ក្មេង​ជំទង់​៥២% ​និយាយថា​ មាន​មិត្ត​ភ័ក្ត​ក្នុង​ក្រុម​គឺ​ជា​ក្មេង​ទំនើង​។ ​តាម​ការ​ស្ទង់​មតិ​នេះ ​បង្ហាញ​ទៀត​ថា​ ៨១% ​នៃ​ក្មេង​ជំទង់​ពួកគេ​ធ្លាប់​ផឹក​គ្រឿង​ស្រវឹង​ ខណៈ​៤៤% ​និយាយថា​ ពួកគេ​ធ្លាប់​ប្រើ​គ្រឿង​ញៀន​ម្តង​ក្នុង​មួយ​ឆ្នាំ​។