នៅ​ក្នុង​កិច្ច​ប្រជុំ​គណៈ​រដ្ឋ​មន្ត្រី ថ្ងៃ​ទី​២៣​ ខែ​ឧសភា​ ឆ្នាំ​២០២៥ ​ប្រមុខ​រដ្ឋាភិ​បាល​កម្ពុជា បាន​ណែនាំ​ឲ្យក្រសួង​ធម្មការ​ និង​សាសនា ​ទប់​ស្កាត់​សកម្ម​ភាព​របស់​បុគ្គល​មួយ​ចំនួន​ដែល​តាំង​ខ្លួន​ជា​អ្នក​មាន​បារមី ​និង​ដែល​បាន និង​កំពុង​តែ​ប្រើ​ប្រាស់​បណ្តាញ​សង្គម​ដើម្បី ​បង្ហាញ​ពី​សកម្ម​ភាព​របស់​ពួកគេ​។ ​លោក​នា​យក​រដ្ឋ​មន្ត្រី ​ហ៊ុន ​ម៉ាណែត ​ចាត់​ទុក​សកម្ម​ភាព​នេះ​ថា​បង្ក​ឲ្យមាន​ភាព​ច្របូល​​ច្រ​បល់​ក្នុង​សង្គម​។ ​ ហេតុ​អ្វី​សកម្ម​ភាព​បុគ្គល​ដែល​តាំង​ខ្លួន​ជា​«គ្រូបារមី»​នៅ​តែ​បន្ត​កើត​មាន​ ខណៈ​ដែល​វិធានការ​ត្រូវបាន​ដាក់​ចេញ​ជា​បន្ត​បន្ទាប់​នាពេល​កន្លងមក?