ប្រទេស​ហុងឌូរ៉ាស ប្រកាសឈប់ទទួលស្គាល់កោះតៃវ៉ាន់ ហើយងាកទៅភ្ជាប់ចំណងការទូតជាមួយចិនជាផ្លូវការ។ ការ​ប្រកាស​ទទួល​ស្គាល់​ទំនាក់​ទំនង​ជាមួយ​ចិន​ប៉េកាំង នៅ​ថ្ងៃអាទិត្យ​ គឺក្រោយ​តែប៉ុន្មាន​ម៉ោង​តែប៉ុណ្ណោះ ដែល​​​ ប្រទេស​​ហុង​ឌូរ៉ាស់ ​ផ្ញើ​សេចក្តីប្រកាស​ឈប់​ទាក់ទង​ជាមួយ​តៃវ៉ាន់ និង ​ព្រម​ទទួល​ស្គាល់​«គោលការណ៍​ចិន​តែមួយ»។​ ជាប្រតិកម្ម​ឆ្លើយតប​ ការិយាល័យ​ប្រធានាធិបតីតៃវ៉ាន់ អ្នកស្រី សៃ អ៊ីងវេន បាន​រិះគន់រ​ដ្ឋអំណាច​ចិន​ថា ជាយូរ​មកហើយ​ ដែល ​ចិន​ ព្យាយាម​កាត់​ផ្តាច់​តួនាទី​របស់​ក្រុងតៃប៉ិលើ​ឆាក​អន្តរជាតិ ហើយ​ទង្វើនេះ​ បង្កគ្រោះថ្នាក់ខ្លាំង​​ដល់​សន្តិភាពនិង​ស្ថិរភាព​នៅក្នុង​តំបន់​ទាំង​មូល។​