ប្រឈម​នឹងភាព​គំរា​មកំហែង​សន្តិសុខសុវត្ថិភាព ដែល​ដចេញពី​សង្គ្រាម​នៅអ៊ុយក្រែន គឺបាន​ជំរុញ​ឲ្យ​ប្រទេស​តំបន់​អឺរ៉ុប​​នាំគ្នា​ស្ទុះស្ទាររក​បង្អែក​ការពារ។ ខែល​ការពារនោះ គឺ​សម្ព័ន្ធ​មិត្ត​អង្គការ​អូតង់​​។ នៅថ្ងៃព្រហស្បតិ៍​ ទី​១២ឧសភា​ ប្រធានាធិបតី និង​នាយករដ្ឋមន្រ្តី​ហ្វាំងឡង់​ ប្រកាស​គាំទ្រ​ការ​សុំចូល​ជា​សមាជិក​អូតង់ ក៏ប៉ុន្តែ គឺ​រដ្ឋាភិបាល​ជា​អ្នក​សម្រេច​ចុងក្រោយ នៅថ្ងៃ​អាទិត្យ។ កាលពីថ្ងៃពុធ​១១ឧសភា អង់គ្លេស​បាន​ចុះកិច្ចព្រមព្រៀង​ការពារជាតិ​ជាមួយហ្វាំងឡង់ ក៏ដូចជាជាមួយស៊ុយអែត ដើម្បី​ជាការធានា​ដល់ប្រទេសទាំងពីរ សម្រាប់​ដំណាក់កាល​អន្តរកាល ចាប់ពីពេល​សុំចូល​អូតង់ រហូត​ដល់​បាន​ក្លាយ​ជា​សមាជិកពេញលេញ ហើយ​ទទួល​បាន​ការការពារពេញលេញ​ពីអូតង់។