Tá Jackie linn arís ar maidin agus é ag díriú ar amhrán eile an tseachtain seo as Leabhar Mór na n-Amhrán agus is é 'Amhrán na hEascainne' nó 'An Tiarna Randall' atá faoi chaibidil inniu aige.

D'fhág báid as Ros a Mhíl, as Dug na Gaillimhe, as Cathair na Mart agus as Cill Rois ar an 12ú lá déág don mhí seo agus shroich siad Lorient na Fraince arú aréir, chuig bhád is fiche ar fad a d'fhág Éireann le haghaidh an turas a thóg sé naoi lá an turas a dhéanamh.

Is iomaí albam nua a sheoltar i gcaithimh na bliana ach an bhfuil a fhios agaibh gur féidir dlúthdhiosca a cheannacht sula bhfuil fáil air sna siopaí. Bhuel tá tús curtha ag Ceara le feachtas bailiúchán airgid chun taifead a dhéanamh ar an albam nua atá sí ag obair ar faoi láthair.

Tráthnóna inniu a sheolfar bróisiúr Iorras Aithneach, bróisiúir nua turasóireachta agus is é Steve Ó Cúláin, cathaoirleach Chósta Gaelach Chonamara agus Árann a dhéanfadh an seoladh in Ionad Chuimhneachán na nImirceach i gCarna a cúig a chlog.

Thug Máirtín faoi dhúshlán iomraimh ón Sruthán go hInis Mór ar an Aoine 28 Meitheamh le hairgead a bhailiú do Chúram Ailse an Iarthar. Thug Máirtín le fios go bhfuil €37,252 bailithe ag an bhfeachtas suas go dtí maidin inniu, agus é ag fanacht le cúpla cárta eile a fháil ar ais.

Máirtín Ó Gríofa - Dúshlán iomraimh go hInis Mór:Micheál Ó Clochartaigh - Bróisiúr turasóireachta Iorras Aithneach:Ceara Conway - Albam nua:Cormac Mac Donnacha - Turas bád chuid Lorient na Fraince:Jackie Mac Donncha - Leabhar mór na n-Amhrán.

Is i gCloch na Rón a bhí na rásaí báid an deireadh seachtaine agus tá Tommy ag tabhairt na torthaí agus tá clár na bpointí uilig aige inniu chomh maith agus coimhlint mhór idir na báid ar fad.

Is siar ar an gClochán a thug Kate agus a hiníon Anú a n-aghaidh an tseachtain seo agus tá sí ag insint dúinn na rudaí ar fad atá le déanamh agus le feiceáil ansin.

Is ar an Domhnach seo chugainn a chuirfear tús le Scoil Acla na bliana seo, scoil samhraidh sa gceol agus na healaíona traidisiúnta. Bíonn réimse leathan ranganna á chur ar fáil ag Scoil Acla do dhaoine óga agus fásta, cibé cén cumas ceoil atá acu.

Tá go leor cainte tarraingthe le gairid ar an iarratas atá déanta ag an gcomhlacht MOAG ar cheadúnas le dhul ar thóir mianraí i roinnt bailte i mBarúntacht Bhaile Conaola. Chur an Teachta Ó Cuív ceist dála faoi seo ar an Aire Cumarsáide Athrú Aeráide agus Timpeallachta Richard Bruton le gairid.