Bhí oibrithe agus iar-oibrithe de chuid An Post thiar san Acadamh ar an gCeathrú Rua an tseachtain seo caite ag freastal ar ranganna Gaeilge. Ar dhuine acu sin bhí Séamús Ó Marcacháin, a bheas 90 bliain d'aois go gairid agus Seosamh Mac Tréinfhir, atá ag freastal ar na ranganna Gaeilge san Acadamh le blianta fada.

Thug lucht ceoil, amhráin agus na healaíne traidisiúnta a n-aghaidh ar an Spidéal ar an deireadh seachtaine d'fhéile mhór Traid Phicnic. Bhí idir ceol, amhráin, seoltaí dlúthdhioscaí cúrsaí drámaíochta, ealaíne agus imeachtaí go leor eile ar siúl ann. D'fhreastal Mairéad ar roinnt de na himeachtaí agus rinne sí cur síos orthu.

Tá na geallta báid seoil faoi lántseoil anois ar fud Chonamara agus ag éirí go breá leo. Labhair Donncha ar son Chumann Húicéirí na Gaillimhe faoin gcostas atá ar choistí a riaraíonn Rásaí na mBád. Bhí Tommy ag caint faoi rásaí Chill Chiaráin a bhí ar siúl inné.

Clár Speisialta as Inis Mór, Árainn.

Tá Met Éireann ag cur podchraoltaí i nGaeilge agus i mBéarla ar fáil anois ar líne ón tseachtain seo caite. Beidh podchraoladh nua a fhoilsiú acu ar líne chuile mhí.Beidh ceol agus amhráin ó chór Met Éireann, 'Na Isobars' le cloisteáil i chuile podchraoladh chomh maith céanna.

Níl ach go dtí Dé Luain ag scoláirí a n'intinn a athrú i dtaobh na cúrsaí triú léibhéal atá uathu. Beidh sé seo ar an deis deireanach acu an rogha cinniúnach a dhéanamh.

Tá sé tugtha le fios don Teachta Dála Ó Cuív go bhfuil clár ama nua aontaithe ag an Údarás Náisiúnta Iompair agus Bus Éireann ina mbeidh níos mó seirbhísí ag dul chomh fada leis an gCeathrú Rua agus Leitir Mealláin. Cuirfear tús leis na seirbhísí bréise i mí Mheán Fómhair.

Bhí cruinniú poiblí i Halla an Tulaigh aréir faoin gCóras Cóireála Séarachais a bhfuil cead pleanála faighte ag Údarás na Gaeltachta dhó le tógáil ar an Tulaigh.

Beidh leacht cuimhneacháin á nochtadh ar an Satharn ag Scoil Bhriocáin sa Ghort Mhóir, i gcuimhne ar Alice Ní Chonghaile, aistritheoir fraincise sa Chéad Dáil.

Fógraíodh inne gur iad daltaí bliain 1,2 agus 3 as Coláiste Ghobnait in Inis Oírr, buaiteoirí Gradam Sheosaimh Mhic Dhonncha.Sharon Uí Dhomhnaill, múinteoir i gColáiste Ghobnait. Jackie Ní Uallacháin, Roisín Ní Dhomhnaill, Mairéad Ní Chonghaile, Patrick Ó Domhnaill agus Jack Ó Domhnaill,Coláiste Ghobnait.