Iris Aniar

Tá cnámharlaigh daonna a fritheadh ar shráid na siopaí i nGaillimh le cúpla lá, le tabhairt chomh fada le Árd Mhúsaem na hÉireann, áit a ndéanfar scrúdú dlí-eolaíochta orthu. Fritheadh na cnámha le linn na hoibre atáthar a dhéanamh ar an gcóras draenála ar shráid na siopaí faoi láthair.

Nuair a bhí 'D-Day' a bheartú i 1944, bhí go leor ag brath ar stádas na haimsire mar gheall ar an úsáid a bhí le baint as báid don ionsaí mór. Ba as teach solais an Fhóid Duibh a tháinig an fógra chinntigh nach ar an gcéad lá a bhí beartaithe acu, sé sin seachtú cúig bliain sa lá inniu a thosódh an t-ionsaí, ach an lá ina dhiaidh sin.

Tá feachtas ar bun ó na 90idí ag an tSeirbhís Páirceanna Náisiúta agus Fiadhúlra féachaint lena chinntiú go mairfidh an traonach sa tír seo. Bhí 151 coileach sa tír seo anuraidh agus is i gConamara a bhí scór acu sin agus trí cinn déag is fích eile acu i gContae Mhaigh Eo. Tá €2.4 milliún cainte ag an Stát ó 2012 ag iarraidh an traonach a chaomhnú.

Mar chuid do phlean teanga Ghaeilge Iorrais i limistéar Mhaigh Eo Thuaidh tá tús curtha le feachtas eolais agus iad ag iarraidh go n-úsáideach daoine an Ghaeilge ionas go mairfidh sí sa gceantar. Tá leabhrán eolais curtha le chéile acu agus le seoladh amach chuig 'chuile theach sa limistéar go luath.

Chuala muid uilig faoi fliú na n-éan ach tá fliú eile atá go leor cainte á dhéanamh faoi láthair, sin é Fiabhras Afracach na muc. Is galar é seo a fhaigheann muca clóis agus muca fiáine agus má fhaigheann siad é caithfear iad a mharú láithreach mar gheall go bhfuil sé chomh tógálach.

Amárach a chuirfear tús leis na scrúduithe stáit, scrúdú na hArdteistiméireachta agus scrúdú an Teastais Shóisearaigh. Tá Mártán ag tabhairt comhairle do scoláire agus thuismitheoirí ar maidin.

Beidh Kate ag spaisteoireacht dúinn ar an deireadh seachtaine le linn an tsamhraidh agus í ar thóir rudaí a bheadh le déanamh nó le feiceáil agus a bheadh feiliúnach do ghasúir agus iad ar laethanta saoire nó scoil. Is ar Uachtar Ard a thug sí a haghaidh an tseachtain seo agus ar Fheirm Alpaca.

Beidh lá oscailte ag Scoil Cholmáin i Muighnis Dé Sathairn seo chugainn agus iad ag tabhairt cuireadh do dhaoine atá ag smaoineamh, a gcuid gasúir a chuir ag an scoil i mbliana nó sna blianta amach romhainn, freastal air.

Tá sé an t-am sin den bhliain arís agus na féilte bád agus curach ag tosú. Is i Ros Muc a bhí na rasaí an deireadh seachtaine seo agus tá na torthaí ar fad ag Mícheál agus Tommy dúinn ar maidin.

Seolfaidh an Príomh-Aoire an Rialtais agus Aire Stáit na Gaeltachta, Seán Kyne, Ionad Techspace in Áras na nGael i gcathair na Gaillimhe inniu, ionad atá dírithe ar an óige agus ar chur chun cinn na Gaeilge. Tá réimse leathan áiseanna á chur ar fáil san ionad, idir áiseanna go cúrsaí teicneolaíochta.