Iris Aniar

Bunaíodh an eagraíocht 'Worldwise Global Schools' in 2013 agus ó shin tá siad tar éis a bheith ag obair le timpeall trí chéad caoga iar-bhunscoil ar fud na tíre. Ar an Aoine seo caite bhí a gcéad comhdháil lán-Ghaeilge acu do mhúinteoirí iarbhunscoile. Beidh comhdháil eile acu amárach i bPáirc an Chrócaigh.

Tá Tearmann Éanna ar an Tulaigh ag obair le trí bliana anuas chun líon a dtithe sóisialta a mhéadú ó tríocha dó go dtí caoga seacht de bharr cistí caipitil ar bhfiú ós cionn €4 milliún a bheith ceadaithe ag an Stát dhóibh. Tá siad ag cuartú conraitheoirí leis an obair a dhéanamh ar Theach an Phosta in Indreabhán faoi láthair.

Róisín Ní Chualáin, Príomhoide Scoil Choláin. Fionn Ó Maoilchiaráin, ó rang a sé, John Joe Mac Cormaic ó rang a ceithre agus Gráinne Ní Chualáin ó rang a ceithre. Lisa Nic Cormaic, iarscoláire. Eilís Bn Uí Chualáin, as Muigh-Inis, mamó Ghráinne Ní Chualáin.

Tá Karen Penny as siúl cósta Chonamara faoi láthair mar chuid de thuras siúlóide timpeall ar chóstaí na hÉireann agus na Breataine ar mhaithe le airgead a bhailiú do thaighde ar Alzheimers. Cé go bhfuil sí ag caitheamh roinnt oícheanta ag campáil tá daoine ag tairiscint leaba di in áiteanna freisin, Ailish mar dhuine acu.

Tá Cumann Duán na hÉireann ag iarraidh meabhrú do dhaoine cé chomh tábhachtach agus atá sé labhairt lena muintir faoi céard ar mhaith leo a dhéanamh lena gcuid orgáin dá dtarlóidh tada tubaisteach dhóibh agus freisin meabhrú do dhaoine cárta deontóra orgán a iompar.

D'oscail an dráma Jingle Bang Jangle le Pádraig Ó Giollgáin sa Taibhdhearc aréir. Is dráma é seo atá bunaithe ar an scéal 'The Miller's Tale' de chuid Chaucer féin. Tá moladh mór ag Bernie den dráma ó thaobh an aisteoireacht grinn, seit agus í ag moladh do dhuine ar bith ós cionn chúig bhliana déag dul ag breathnú ar an dráma.

Beidh na cloig dhá n-athrú an Domhnach seo agus am an tsamhraidh ag teacht isteach. Tá cinneadh déanta ag Coiste Iompair agus Turasóireachta an Aontas Eorpach go mbeidh deireadh ar fad a chur leis an athrú ama. Tá ar gach ball stáit cinneadh a dhéanamh faoi Aibreáin 2020 agus beidh orthu cloí leis an am a roghnófar as sin amach.

Tá teacht le chéile á eagrú ag Cumann Lúthchleas Gaeil an Spidéil anocht sa Droighneáin Donn ag a 7 a chlog agus iad ag déanamh ceiliúradh ar na foirne buacacha a bhuaigh Craobhacha Sóisearacha Iomána Bhord Iarthar na Gaillimhe in 1968, '69 agus '70.

Tá Eoghan linn arís ar maidin agus neart scéalta aisteacha aige ó Éireann agus ar fud an domhain.

Is cosúil go bhfuil míchothromaíocht ag baint leis an bpáigh agus coinníollacha fostaíochta atá ag rúnaithe scoile dár le Cathal Ó Conchúir. Bhí cruinniú i nGaillimh Dé Luain seo caite a bhí eagraithe ag Ceardchumann Fóras le plé a dhéanamh ar an scéal seo agus bhí Cathal i láthair ag an gcruinniú.