នៅ​ក្នុង​ប្រទេស​ភូមា ចំនួន​ប្រជាជន​បម្លាស់ទី​ផ្ទៃក្នុង​បាន​កើន​ឡើង​គួរ​ឲ្យ​កត់សម្គាល់។ តាំង​ពី​ក្រោយ​រដ្ឋប្រហារ​យោធា​ទម្លាក់​របប​ស៊ីវិល​ក្នុង​ថ្ងៃទី១ កុម្ភៈ ឆ្នាំ ២០២១ មាន​ប្រជាជន​បម្លាស់ទី​ថ្មី​ពី​នៅ​ក្នុង​ស្រុក​ជាង ១លាននាក់។ យោង​តាម​ការិយាល័យ​សម្របសម្រួល​កិច្ចការ​មនុស្សធម៌​របស់​អង្គការ​សហប្រជាជាតិ មាន​ប្រជាជន​ភូមា​ចំនួន ១៥លាន២សែននាក់​កំពុង​ស្ថិត​ក្នុង​ស្ថានភាព​អសន្តិសុខស្បៀង។ ចំណែក​អត្រា​ចាក់​វ៉ាក់សាំង​លើ​កុមារ​បាន​ធ្លាក់​ពី ៩០% នៅ​មុន​រដ្ឋប្រហារ​មក​នៅ​ក្រោម ៥០% នា​ពេល​នេះ។