តាំងពីថ្ងៃ​ព្រហស្បតិ៍​ ​​ថ្នាក់ដឹកនាំសំខាន់ៗ របស់​សហភាព​អឺរ៉ុប បាន​អញ្ជើញ​​​ទៅ​​​រដ្ឋធានី​​កៀវ របស់​អ៊ុយក្រែន ដើម្បី​រៀប​ចំ​ជំនួបកំពូល នៅថ្ងៃសុក្រ​ ទី​៣កុម្ភៈ​​។ ជាថ្មីម្តងទៀត ​សហភាពអឺរ៉ុប បាន​សម្តែង​ការ​គាំទ្រ​​ ទាំង​ស្មារតី​ ទាំង​អាវុធយោធា និងថវិកា ឲ្យ​​ដល់​អ៊ុយក្រែន ក្នុងការ​ទប់ទល់​នឹង​សង្គ្រាម​ឈ្លានពាន​ពីសំណាក់​រុស្ស៊ី។ ក្នុង​​ជំនួប​កំពូល​នេះ ក៏​បាន​លើកឡើង​​​ការ​ពន្លឿន​ដំណើរការចូលជាសមាជិកសហភាពអឺរ៉ុប ពី​សំណាក់​អ៊ុយក្រែន​ ដែរ​។​​