ថ្ងៃអង្គារ៍ទី​២៤ឧសភា ថ្នាក់​ដឹកនាំ​ក្រុម​ប្រទេសបក្សសម្ព័ន្ធ ក្វាដ (Quad) មានដូចជា ​សហរដ្ឋអាមេរិក-ជប៉ុន-អូស្រ្តាលី-ឥណ្ឌា បាន​ជួបជុំ​​គ្នា​ នៅក្រុង​តូក្យូ​ ដើម្បី​ជជែក​គ្នា​រក​ផ្លូវ​ដោះស្រាយ​ស្ថានការណ៍​ប្រឈម​ចំពោះ​មុខ ពិសេស​គឺ​រក​ច្រកផ្លូវ​ទប់​ទល់នឹង​កំណើន​​ឥទ្ធិពល​សេដ្ឋកិច្ច​និង​យោធា​របស់​មហាយក្ស ​ចិន នៅក្នុង​តំបន់​ឥណ្ឌូ-ប៉ាស៊ីហ្វិក។​ ជំនួប​កំពូល​នេះ ត្រូវ​គេ​មើល​ឃើញ​ថា​ ជួន​ចំពេល​ដែល​ ទី​ក្រុង​ប៉េកាំង ​កំពុងតែ​ពង្រឹង​កម្លាំង​យោធា​ និង​ធ្វើ​សមយុទ្ធយោធា កាន់តែ​ញឹក​និងកាន់តែ​ច្រើន​ នៅ​កៀកក្បែរ​តំបន់​ជម្លោះ​ ពិសេស​ម្តុំ​កោះ​តៃវ៉ាន់។ ​