សង្រ្គាម​រុស្ស៊ី​លើ​អ៊ុយក្រែន​បាន​ឈាន​ចូល​ដល់​សប្តាហ៍​ទី៣ នា​ថ្ងៃ​ព្រហស្បតិ៍ ទី១០ មីនា ហើយ​ក្នុង​ថ្ងៃ​នេះ​ដដែល ប្រមុខ​ការទូត​រស្ស៊ី និង​អ៊ុយក្រែន​បាន​ជួប​ជជែក​គ្នា​នៅ​ក្នុង​ប្រទេស​តួកគី។ ជំនួប​កម្រិត​នេះ​ជា​ជំនួប​លើកទី១ តាំង​ពី​រុស្ស៊ី​បាន​បើក​ការ​វាយប្រហារ​លើ​អ៊ុយក្រែន​ក្នុង​ថ្ងៃទី២៤ កុម្ភៈ។ ដោយឡែក​ចាប់​ពី​ថ្ងៃ​ព្រហស្បតិ៍ ទី១០ មីនា សហភាព​អឺរ៉ុប​រៀបចំ​ជំនួបកំពូល​រយៈពេល ២ថ្ងៃ​ក្នុង​ប្រទេស​បារាំង។ សង្រ្គាម​អ៊ុយក្រែន​ជា​ប្រធានបទ​មួយ​ក្នុង​ចំណោម​ប្រធានបទ​អាទិភាព​មួយ​ចំនួន​ដែល​សមាជិក​អឺរ៉ុប​ទាំង ២៧ប្រទេស​ត្រូវ​លើក​យក​ទៅ​ជជែក។