ថ្ងៃអាទិត្យ ទី១៣វិច្ឆិកា ​​ក្នុង​បរិបទ​ប្រជុំ​កំពូល​​អាស៊ាន​ នៅ​​រាជធានីភ្នំពេញ​ ថ្នាក់ដឹកនាំ​សហរដ្ឋអាមេរិក ជប៉ុន និង​កូរ៉េ​ខាងត្បូង​ ឆ្លៀត​​ជួប​ប្រជុំ​គ្នាក្រៅផ្លូវ​ ដើម្បី​ពិភាក្សាគ្នា​សំណុំ​រឿង​កូរ៉េ​ខាង​ជើង​។ នេះ​ជា​សំណើ​របស់​ភាគី​ទីក្រុង​សេអ៊ូល​។ ជំនួប​ត្រីភាគីនេះ គឺ​ជាចលករ​ជំរុញ​បន្ថែម​ ជុំវិញ​បញ្ហា​ឧបទ្វីប​កូរ៉េ មុ​ននឹង​​ប្រធានាធិបតី​​សហរដ្ឋអាមេរិក ត្រូវ​ជួប​ពិភាក្សា​ផ្ទាល់​ជាមួយ​នឹង​ប្រមុខរដ្ឋ​ចិន ​នៅ​កោះបាលី។ ​លោក​ ចូ បៃដិន ​ប្តេជ្ញាចិត្ត​ថានឹង​ជជែក​ជាមួយ​លោក ស៊ី ជីនពីង ដើម្បី​ឲ្យ​ចិន​ដាស់តឿន​ កូរ៉េខាងជើង ឲ្យ​ឈប់​សកម្មភាព​បង្កគ្រោះថ្នាក់​ដល់​តំបន់​។