បន្ទាប់​ពី​បាន​ធ្វើ​ដំណើរទៅ​ទីក្រុង​ឡុងដ៍​ប្រទេស​អង់គ្លេស និង​ទីក្រុង​ប៉ារីស​ប្រទេស​បារាំង កាលពីថ្ងៃពុធ លោក​ប្រធានាធិបតី​អ៊ុយក្រែន វ៉្លូឌីមៀរ ហ្សេឡេនស្គី បានបន្តដំណើរ​ទៅកាន់​ទីក្រុង​ព្រុចស៊ែល នៅ​ព្រហស្បតិ៍​នេះ ដើម្បី​ចូលរួម​ក្នុង​ជំនួបកំពូល​សហភាព​អឺរ៉ុប។ នៅក្នុង​ដំណើរទស្សនកិច្ច​មក​កាន់អឺរ៉ុប​នៅពេលនេះ ចំណុចសំខាន់មួយ ដែល​លោក​ប្រធានាធិបតី​អ៊ុយក្រែន​​បាន​ទទូច​ម្តងហើយ​ម្តងទៀត គឺ​ស្នើសុំ​យន្តហោះចម្បាំង។