ជន​ចាស់​ជរា​មួយ​ចំនួន​ត្អូញត្អែរ​ថា​ អំឡុង​ពេល​មាន​វិបត្តិ​ជំងឺ​កូវីដ​១៩​​នេះ​បាន​ប៉ះពាល់​យ៉ាង​ខ្លាំង​ដល់​ជីវភាព​រស់​នៅ​របស់​ពួកគាត់ ហើយ​រដ្ឋាភិបាល មិន​បាន​យក​ចិត្ត​ទុកដាក់ ​ចំពោះ​ពួកគាត់​នោះ​ទេ​​។​​ស្ថានភាព​បែប​នេះ​​ធ្វើ​ឱ្យ​​មនុស្ស​ចាស់​ខ្លះ​មាន​​​សុខភាព​ទ្រុឌទ្រោម​ និង​​ខ្លះ​ធ្លាក់​ខ្លួន​ឈឺ​​ដេក​នៅ​នឹង​កន្ទេល​ ដោយសារ​ដោយ​​សារ​ពួកគាត់​ហូប​អាហារ​មិន​គ្រប់​គ្រាន់​​។ មន្ត្រី​សង្គម​ស៊ីវិល​ យល់​ថា រដ្ឋាភិបាល​គួរតែ​​​​ដាក់​ចេញ​គោលនយោបាយ​​​​គាំពារ​សង្គម​ជួយ​ដល់​មនុស្ស​ចាស់ ដើម្បី​​សម្រួល​ដល់​ការ​រស់​នៅ​របស់​ពួកគាត់​​​នៅ​ក្នុង​​វ័យ​ជរា​នេះ​។