ជន​ជាតិ​ដើម​ភាគ​តិច​នៅ​កម្ពុជា កំពុង​ប្រឈម​នឹង​ការ​បាត់បង់​អត្តសញ្ញាណ​របស់​ខ្លួន ដោយសារ​តែ​ដំណើរការ​ដ៏​យឺតយ៉ាវ​នៃ​នីតិវិធី​ផ្តល់​ប័ណ្ណ​កម្មសិទ្ធិ​ដី​សមូហភាព​របស់​រដ្ឋាភិបាល។ តំណាង​អង្គការ​សហប្រជាជាតិ អង្គការ​សង្គម​ស៊ីវិល​ក្នុង​ស្រុក និង​សហគមន៍​ជន​ជាតិ​ដើម​ភាគ​តិច ជំរុញ​ឱ្យ​រដ្ឋាភិបាល​ដោះស្រាយ​វិបត្តិ​មួយ​នេះ ដើម្បី​លើក​ស្ទួយ​សិទ្ធិ​ជន​ជាតិ​ដើម​ភាគតិច។ មន្ត្រី​រដ្ឋាភិបាល​បកស្រាយ​ថា ភាព​យឺតយ៉ាវ​នេះ​បង្ក​ឡើង​ដោយ​វិបត្តិ​ជំងឺ​កូវីដ-១៩។