នៅក្នុង​កាលៈទេសៈ​ដែល​ពិភពលោក​កំពុង​រំជើបរំជួល​ដោយ​សង្រ្គាមរុស្ស៊ី ឈ្លានពាន​អ៊ុយក្រែន និង​ភាពតានតឹង​នៅ​ឧបទ្វីបកូរ៉េ ប្រទេស​មហាអំណាច​គិត​តែពីប្រឹងផ្តោត​ធ្វើ​ទំនើបកម្ម​សព្វាវុធ។ បន្ទាប់ពី អាមេរិក បង្ហាញ​យន្តហោះទម្លាក់គ្រាប់បែក ដែល​ចេះបំបាំងកាយ និង​ប្រទេសអឺរ៉ុបបី បារាំង អាល្លឺម៉ង់ និងអេស្ប៉ាញ ចុះកិច្ចព្រមព្រៀងផលិតយន្តហោះចម្បាំងរួមគ្នា ដល់វេន អង់គ្លេស និង​អ៊ីតាលី ចាប់ដៃ​ជាមួយគ្នា​ម្តង ដើម្បី​ផលិត​យន្តហោះចម្បាំងទំនើបចុងក្រោយ នឹងគេ​ដែរ។ នៅក្នុង​សេចក្តីថ្លែងការណ៍រួម នៅថ្ងៃ​សុក្រនេះ ប្រទេស​ទាំងបី អង់គ្លេស អ៊ីតាលី និងជប៉ុន​ប្រកាស​សហការរួមគ្នាផលិត​យន្តហោះចម្បាំង ទំនើបចុងក្រោយ ជំនាន់ទី៦ ដែល​អាច​ដាក់​ឲ្យដំណើរការប្រើប្រាស់ នៅ​ឆ្នាំ ២០៣៥។