លោកស្រីណាន់ស៊ី ប៉េឡូស៊ី ប្រធានសភាសហរដ្ឋអាមេរិក បានអញ្ជើញទៅដល់​ទីក្រុងតូក្យូហើយ​ នៅព្រឹកថ្ងៃសុក្រនេះ ដែលជាគោលដៅចុងក្រោយ​នៃទស្សនកិច្ច បន្ទាប់ពីលោកស្រី​បានទៅដល់កោះ​​តៃវ៉ាន់ និង​កូរ៉េខាងត្បូង។ ជាដំណើរទស្សនកិច្ច​ ដែលបានបង្កឲ្យ​មាន​ភាពតានតឹងជាខ្លាំង ខណៈដែល​ចិន ​បានចាប់ផ្តើមធ្វើសមយុទ្ធយោធាទ្រង់ទ្រាយធំមិនធ្លាប់ នៅជុំវិញកោះតៃវ៉ាន់ ដើម្បី​បង្ហាញពី​​ការ​កើតទុក្ខមិនសុខចិត្ត ចំពោះដំណើរទៅដល់តៃវ៉ាន់ របស់​​លោកស្រី​​ប្រធាន​សភា​អាមេរិក​។ ជប៉ុន​ដែល​ស្ថិត​នៅមិន​ឆ្ងាយ​​ប៉ុន្មាន​​ពី​តៃវ៉ាន់ កំពុងតែ​ទទួល​​រងសំពាធ​នេះ​ជាខ្លាំង បន្ទាប់​ពី​​មីស៊ីល​​បាលីស្ទីក​របស់​ចិន ចំនួន​​យ៉ាង​ហោច​៥គ្រាប់ បានធ្លាក់ចូលទៅក្នុងដែនទឹករបស់ជប៉ុន។