នៅប្រទេស​ជប៉ុន ពិធីបុណ្យសព​អតីតនាយករដ្ឋមន្រ្តី លោក​ស្ហ៊ីនហ្សូ អាបេ​បាន​ប្រព្រឹត្ត​ទៅ នៅព្រឹកថ្ងៃអង្គារ​ទី ២៧ កញ្ញា ២០២២ ដោយមានការចូលរួម​ពីថ្នាក់ដឹកនាំ​នៅក្នុង​ពិភពលោក​ជាច្រើនរូប ដែលនៅក្នុងនោះ មានផងដែរ លោកនាយករដ្ឋមន្រ្តីហ៊ុន សែន។ លោក​ស៊្ហីនហ្សូ អាបេ ត្រូវ​បាន​ខ្មាន់កាំភ្លើង​បាញ់ សម្លាប់ នៅទីក្រុង ណារ៉ា កាលពីថ្ងៃទី ៨ កក្កដា នៅពេល​លោក​កំពុង​ថ្លែង នៅក្នុង​យុទ្ធនាការ​ឃោសនាបោះឆ្នោត​ព្រឹទ្ធសភា។ ពិធីបុណ្យសពថ្នាក់ជាតិ របស់​លោក​ស្ហ៊ីនហ្សូ អាបេ​មិនត្រឹមទាក់ទាញ អ្នកមានសមានចិត្ត គោរពស្រឡាញ់​លោកអាបេ ប៉ុន្តែ វា​បានទាក់ទាញ​ផងដែរ បាតុកម្ម​ប្រឆាំង នៅប្រទេស​ជប៉ុន។