នៅ​ក្នុង​ប្រទេស​ជប៉ុន អតីត​នាយករដ្ឋមន្រ្តី​លោក​ស្ហ៊ីនហ្សូ អាបេ​បាន​ទទួល​មរណភាព​ក្នុង​ថ្ងៃ​សុក្រ ទី៨ កក្កដា​ក្រោយ​ពី​បាន​រង​របួសធ្ងន់​ដោយ​គ្រាប់​កាំភ្លើង។ មាន​អាយុ ៦៧ឆ្នាំ លោក​អាបេ​ត្រូវ​បាន​ខ្មាន់កាំភ្លើង​បាញ់​នៅ​ពេល​ដែល​លោក​កំពុង​ថ្លែង​ក្នុង​ទីក្រុង​ណារ៉ា​នា​ពេល​ធ្វើ​យុទ្ធនាការ​ឃោសនា​បោះឆ្នោត​ជ្រើសរើស​សមាជិក​ព្រឹទ្ធសភា។ គួរ​រម្លឹក​ថា លោក​អាបេ​ជា​នាយករដ្ឋមន្រ្តី​ដែល​បាន​កាន់​តំណែង​យូរ​ជាង​គេ​នៅ​ក្នុង​ប្រទេស​ជប៉ុន និង​មាន​សមិទ្ធិផល​ជា​ច្រើន​ដែល​លោក​បាន​ធ្វើ​សម្រាប់​ប្រទេស និវង​ប្រជាជន​ជប៉ុន។