កូរ៉េខាងជើង​បន្ត​ផ្គើន​សហគមន៍​អន្តរជាតិ​ដោយ​បាន​បាញ់​សាកល្បង​មីស៊ីលបាលីស្ទិក​ថ្មី​ទៀត។ នៅ​ព្រលឹម​ស្រាងៗ​ព្រឹក​ថ្ងៃ​អង្គារ ទី៤ តុលា ក្រុង​ព្យុងយ៉ាង​បាន​បាញ់​សាកល្បង​មីស៊ីលបាលីស្ទិក​ដែល​បាន​ហោះ​រំលង​ទឹកដី​ជប៉ុន​ប៉ែក​ខាងជើង មុន​នឹង​ធ្លាក់​ចូល​សមុទ្រ​ប៉ាស៊ីហ្វិក។ នេះ​ជា​លើកទី១ គិត​តាំង​ពី​ឆ្នាំ ២០១៧ ដែល​មាន​មីស៊ីល​កូរ៉េខាងជើង​បាន​ហោះ​រំលង​ទឹកដី​ជប៉ុន។ សហគមន៍​អន្តរជាតិ​បាន​ពួតដៃ​គ្នា​ថ្កោលទោស​កូរ៉េខាងជើង។ គួរ​បញ្ជាក់​ថា ក្នុង​រយៈពេល ១០ថ្ងៃ​ចុង​ក្រោយ​នេះ កូរ៉េខាងជើង​បាន​បាញ់​សាកល្បង​មីស៊ីល​ដល់​ទៅ ៥លើក។