សំណុំរឿងអ៊ុយក្រែន កាន់តែក្តៅគគុក​ឡើង ក្រោយ​ការ​ផ្ទុះអាវុធកាន់តែខ្លាំងទៅៗ​​ រវាង​ក្រុមឧទ្ទាម​បំបែក​ទឹក​ដី​ភាគខាងកើត និង​កងទ័ពជាតិ​អ៊ុយក្រែន។ គិតត្រឹមថ្ងៃសៅរ៍ទី ១៩កុម្ភៈនេះ​ មានទាហានអ៊ុយក្រែនម្នាក់បានស្លាប់។ ហើយ​កាលពីថ្ងៃសុក្រ ការបាញ់ប្លោងបានបណ្តាល​ឲ្យ​ផ្ទុះ​បណ្តាញបំពងបង្ហូរឧស្ម័​ន ​នៅទីក្រុងលូហ្កាន់ ហើយ​ប្រជាជន​ជាច្រើនពាន់នាក់នៅតំបន់នោះ បានភៀសខ្លួនទៅកាន់ទឹកដី​រុស្ស៊ី។ ហើយនៅព្រឹកថ្ងៃសៅរ៍នេះ មេដឹកនាំតំបន់​ផ្តាច់​ខ្លួន​ទាំង​២ នៅភាគខាង​កើតអ៊ុយក្រែន បាន​ប្រកាស​ ប្រមូលកម្លាំងទ័ពជាទូទៅ ដើម្បីត្រៀម​ប្រយុទ្ធជាមួយ​អ៊ុយក្រែន។ ចំណែក​​ លោក​ ចូ បៃដិនវិញ​ បានលើកឡើងថា​លោកជឿជាក់ ថា​លោក ពូទីន ប្រាកដជានឹង ប្រើកម្លាំងទ័ព​ វាយ​ប្រហារ​អ៊ុយក្រែន ក្នុងពេល​ឆាប់ៗនេះ។