ក្រសួង​ធម្មការ និង​សាសនា បាន​រៀប​ចំ​ធ្វើ​សេចក្តី​ព្រាង​ច្បាប់​ស្តី​ពី​សាសនា ដែល​នៅ​ក្នុង​នោះ​មាន​មាត្រា​មួយ​ចំនួន រឹត​បន្តឹង​ចំពោះ​ព្រះសង្ឃ​ក្នុង​ព្រះ​ពុទ្ធ​សានា ដែល​មាន​ចេតនា​ចូល​រួម​ធ្វើ​បាតុកម្ម កូដកម្ម កុបកម្ម ដើម្បី​ប្រឆាំង​ជាមួយ​គណបក្ស​នយោបាយ​ណា​មួយ។ អង្គការ​សង្គម​ស៊ីវិល​ថា ការ​បង្កើត​ច្បាប់​នេះ ប៉ះពាល់​ដល់​សិទ្ធិ​មនុស្ស ប៉ុន្តែ​អ្នក​នាំ​ពាក្យ​ក្រសួង​ធម្មការ​បក​ស្រាយ​ថា នេះ​គ្រាន់​តែ​ជា​សេចក្តី​ព្រាង។ និង​ថា ខ្លួន​ស្វាគមន៍​រាល់​មតិ​យោបល់​ពី​គ្រប់​ភាគី​។