Sign up to save your podcasts
Or
Share ការបង្អត់អាហារមួយពេល ពិតជាមានប្រសិទ្ធភាព ជួយឱ្យចុះស្គមមែនឬ?
Share to email
Share to Facebook
Share to X
Share to email
Share to Facebook
Share to X
Or
ការបង្អត់អាហារមួយពេល ពិតជាមានប្រសិទ្ធភាព ជួយឱ្យចុះស្គមមែនឬ?
ចង់បញ្ចុះទម្ងន់ ចង់មានអាយុវែង ចង់ថែបំប៉នសុខភាព ចង់ជាពីជំងឺ ចង់បានរាងស្វែល ស្គម ខ្លាចធាត់ ... ជំនឿមានច្រើនណាស់ជុំវិញរបៀបរបបហូបចុក។ នារយៈពេលប៉ុន្មានឆ្នាំចុងក្រោយមកនេះ ការបង្អត់អាហារមួយពេល Fasting បានក្លាយជម្រើសមួយ យ៉ាងពេញនិយម។ ការផ្សព្វផ្សាយមានច្រើនអនេក ជាពិសេសនៅតាមបណ្តាញសង្គម ដែលពេលខ្លះមានអមដោយព័ត៌មានមិនត្រឹមត្រូវជាច្រើនផង។ ចុះតើផ្នែកវេជ្ជសាស្ត្រយល់យ៉ាងណាទៅវិញ ចំពោះរបបបង្អត់អាហារមួយពេលនេះ?
ជាវិធីសាស្ត្របញ្ចុះទម្ងន់ សម្រកគីឡូ និងដើម្បីភាពប្រសើរឡើងនៃសុខភាព ការបង្អត់អាហារមួយពេល ឬហៅជាភាសាអង់គ្លេស Fasting ជាការអត់ មិនទទួលទានអាហារក្នុងរយៈពេលកំណត់ណាមួយ។ វិធីអត់អាហារដើម្បីសុខភាពនេះ កំពុងពេញនិយមខ្លាំងណាស់ ប៉ុន្តែវិធីសាស្ត្រនេះ មិនមែនថ្មីស្រឡាងនោះឡើយ។ ទម្លាប់អត់អាហារ មួយរយៈ ជាប្រពៃណីបុរាណតាំងពីយូរលង់មកហើយ នៅឥណ្ឌា នៅរ៉ូម ... ជាសរុប ការមិនទទួលទានអាហារមួយពេល-មួយរយៈ មានកំណត់នៅក្នុងស្ទើរគ្រប់គម្ពីរសាសនា តាំងពីសាសនាគ្រិស្ត ទៅអ៊ីស្លាម ព្រាហ្មណ៍ ទៅព្រះពុទ្ធសាសនា។ ឧទាហរណ៍ សាសនិកជនអ៊ីស្លាម តបអាហារពេញមួយថ្ងៃរយៈពេលមួយខែ។ តាមវិន័យសាសនាព្រះពុទ្ធ ព្រះសង្ឃមិនឆាន់ចាប់ពីថ្ងៃត្រង់រហូតដល់ថ្ងៃរះឡើងវិញ។ អ្នកសុំសីល៨ មិនបរិភោគអាហារចាប់ពីថ្ងៃត្រង់រហូតដល់ថ្ងៃរះឡើងវិញដែរ តែជារៀងរាល់ថ្ងៃសីល ។ល។ និង។ល។
បច្ចុប្បន្ននេះ ការបង្អត់អាហារខ្លួនឯងក្នុងរយៈពេលកំណត់ណាមួយ មិនមែនធ្វើឡើងព្រោះជំនឿសាសនាតែមួយម្យ៉ាងទេ តែដើម្បីជាប្រយោជន៍សម្រាប់សុខភាព។ ការប្រកាន់របបអត់អាហារ អាចមានច្រើនសណ្ឋាន និងខ្លះត្រូវបានទទួលស្គាល់ តាមបែបវេជ្ជសាស្ត្រនិងវិទ្យាសាស្ត្រ។
- ជម្រើស១-២ គឺបរិភោគធម្មតាមួយថ្ងៃអត់មួយថ្ងៃ
- ជម្រើស៥-២ បរិភោគធម្មតារយៈពេល៥ថ្ងៃក្នុងមួយសប្តាហ៍ ហើយពីរថ្ងៃទៀត (មិនជាប់គ្នា) អត់ទទួលទានសោះ ឬបរិភោគតែសាលាដពីរបីសន្លឹក
- វិធីសាស្ត្រ ១៦-៨ គឺជាជម្រើសបរិភោគធម្មតារយៈពេល៨ម៉ោងក្នុងមួយថ្ងៃ២៤ម៉ោង។ ហើយ១៦ម៉ោងទៀតមិនទទួលទានអាហារទេ។
របបបង្អត់អាហារ១៦/៨នេះ មានអ្នកជ្រើសរើសអនុវត្តច្រើនជាងគេ និងទទួលស្គាល់ដោយក្រុមអ្នកវេជ្ជសាស្ត្រនិងវិទ្យាសាស្ត្រទៀតផង។ ធម្មជាតិមនុស្សមិនបរិភោគនៅពេលយប់ទេ។ ក្នុងរយៈពេលអត់អាហារនោះ អត្រាជាតិស្ករ ជាតិខ្លាញ់ ប្រែប្រួលបន្តិច តែគ្មានការធ្លាក់ចុះជាគំហុកនាំព្រួយបារម្ភឡើយ។ ឯការបង្អត់អាហារ១៦-៨ គ្រាន់តែជាពន្យាររយៈពេលអត់អាហារ ឱ្យវែងជាងច្បាប់ធម្មជាតិបន្តិចតែប៉ុណ្ណោះ។ នៅពេលអត់អាហារយូរលើសធម្មតា សរីរាង្គកាយនឹងឃ្លាន ពោលគឺនឹងទៅទាញស្រូបយកជាតិខ្លាញ់ ពីស្តុក ទើបបរិមាណជាតិខ្លាញ់ត្រូវថយចុះ ហើយយើងមានអារម្មណ៍ថាស្រកទម្ងន់ និងចុះស្គមនោះ។
អ៊ីចឹងហើយបានជា អ្នកជ្រើសរើសធ្វើFasting ១៦/៨ បានអួតអាងអំពីប្រសិទ្ធភាព និងភាពវិជ្ជមាននៃការអត់អាហារមួយពេលថាពិតជាបានធ្វើស្រកគីឡូ មានអត្រាជាតិស្ករ ជាតិខ្លាញ់ ក្នុងឈាមដើរទៀងទាត់ល្អ បញ្ចុះសម្ពាធឈាម និងមិនសូវមានរោគរលាក។ លោកសាស្ត្រាចារ្យវេជ្ជបណ្ឌិត Gabriel Perlemuter ប្រធានផ្នែកជំងឺក្រពះពោះវៀននិងថ្លើម ព្រមទាំងអាហារូបត្ថម្ភនៅមន្ទីរពេទ្យ Antoine Béclère de Clamart ក្បែរក្រុងប៉ារីស និងជាអ្នកនិពន្ធសៀវភៅ Jeûner en mangeant “បង្អត់អាហារដោយការបរិភោគ” ទទួលស្គាល់គុណប្រយោជន៍នៃការធ្វើរបបបង្អត់អាហារមួយពេល ថាជាការរក្សាសេរីភាពក្នុងការហូបចុកខ្លះ មិនសូវតឹងតែង និងផ្តល់ផលល្អដល់ប្រព័ន្ធមេតាបូលិករបស់សរីរាង្គកាយ ព្រោះរបៀបរបបរស់នៅសម័យថ្មី បរិភោគច្រើនជ្រុល។ ការទទួលទានឥតឈប់ឈរ ច្រើនជ្រុល ជាមូលហេតុនាំមានជំងឺជាច្រើន មានជាអាទិ៍ខ្លាញ់ក្នុងថ្លើម។ ប៉ុន្តែការបង្អត់អាហារមិនត្រូវដោយហួសហេតុនិងដោយគ្មានរបៀបរបបទេ។ សម្រាប់លោកសាស្ត្រាចារ្យ របបបង្អត់អាហារFasting មានឬ គ្មានប្រសិទ្ធភាព អាស្រ័យទៅលើរបៀបអនុវត្ត ហើយបុគ្គលគ្រប់រូបមិនមែនសុទ្ធតែអាចធ្វើបានឡើយ។
តើការបង្អត់អាហារមួយពេលមានប្រសិទ្ធភាពយ៉ាងណា?
លោកសាស្ត្រាចារ្យ Perlemuter ៖ “ការបង្អត់អាហារមានប្រសិទ្ធភាពអាស្រ័យទៅលើកត្តាសុខភាពច្រើនយ៉ាង ដូចជា ទម្ងន់ សម្ពាធឈាម លំនឹងជាតិស្ករ ជាតិខ្លាញ់ សភាពចាស់របស់បុគ្គលម្នាក់ៗផង និងរបៀបអត់អាហារផង។ ការបង្អត់អាហារសុខភាពមិនមែនចេះតែធ្វើតាមចិត្តនឹកឃើញឡើយ។ ការបង្អត់អាហារក៏មិនប្រាកដថានឹងធ្វើឱ្យយើងចុះស្គមដែរ។ យើងចាំបាច់ត្រូវយល់ដឹងអំពីរបៀបបង្អត់អាហារ ថាតើត្រូវចាប់ផ្តើមយ៉ាងដូចម្តេច? តើត្រូវទទួលទានអាហារបែបណាពេលផុតម៉ោងបង្អត់អាហារ?
ដូចរាល់គ្រប់មធ្យោបាយព្យាបាលតាមបែបវេជ្ជសាស្ត្រ ការបង្អត់អាហារដើម្បីសុខភាព ក៏មានបម្រាមនិងការហាមឃាត់ខ្លះដែរ។ ក្មេងក្នុងពេញវ័យលូតលាស់មិនត្រូវធ្វើរបបបង្អត់អាហារទេ fastingនេះទេ។ មនុស្សវ័យចំណាស់ អាយុចាប់ពី៦៥ឆ្នាំឡើងទៅ ស្ត្រីមានផ្ទៃពោះ ស្ត្រីមានគម្រោងចង់បានកូន ស្ត្រីបំបៅដោះកូន មិនត្រូវអត់អាហារ ឬធ្វើរបបបង្អត់អាហារឡើយ។ នៅមានលក្ខខណ្ឌជាច្រើនទៀត ដែលមិនអំណោយផលខាងបង្អត់អាហារ ដូចជាអ្នកមានជំងឺរ៉ាំរ៉ៃ ជំងឺទឹកនោមផ្អែម ប្រភេទទីមួយ ឬប្រភេទទីពីរដែលប្រើថ្នាំព្យាបាលពពួកបញ្ចុះជាតិស្ករ។”
មិនមែនត្រឹមតែជាការសង្កេតទៀតទេ! បើតាមលោកសាស្ត្រាចារ្យPerlemuter ការសិក្សាតាមបែបវិទ្យាសាស្ត្របានបង្ហាញយ៉ាងច្បាស់អំពីប្រសិទ្ធភាពខុសគ្នានៃការធ្វើរបបអាហារ៖ អត់មិនស្រស់ស្រូបអាហារពេលព្រឹក និងអត់បាយល្ងាច ផ្តល់ឥទ្ធិពលផ្សេងគ្នាសម្រាប់សរីរាង្គកាយ។
មិនស្រស់ស្រូបអាហារពេលព្រឹកឬអត់បាយល្ងាច?
លោកសាស្ត្រាចារ្យ Perlemuter ៖ “នៅពេលអ្នកសម្រេចចិត្តធ្វើរបបអាហារ ដោយមិនបរិភោគនៅពេលល្ងាច យើងនឹងកំរិតការបញ្ចេញអាំងស៊ុយលីន និងសកម្មភាពរំលាយអាហារ។ ដូច្នេះគ្មានទេស្ទុះឡើងខ្លាំងជ្រុលនៃជាតិស្ករ ជាតិអាំងស៊ុយលីននៅពេលសំរាន្តទេ។ ជាលទ្ធផលប្រព័ន្ធប្រឆាំងនឹងការរោលរលាកនៅខ្លាំង មានប្រសិទ្ធភាពបានយូរ និងមិនងាយចាស់។ ផ្ទុយទៅវិញបើអ្នកសម្រេចចិត្តអត់អាហារ ដោយមិនស្រស់ស្រូបនៅពេលព្រឹក យើងច្បាស់ជាបំពេញកង្វះខាត ឬសេចក្តីឃ្លានខ្លាំង នៅពេលបាយថ្ងៃត្រង់ និងនៅពេលល្ងាច។ ប្រព័ន្ធរំលាយត្រូវធ្វើការច្រើន អាំងស៊ុយលីនអាចនឹងស្ទុះឡើងខ្ពស់ខ្លាំង នៅពេលល្ងាចឬយប់ ដែលជាវេលា ដែលជាពេលវេលាត្រូវសម្រាក និងមិនត្រូវការថាមពលច្រើន។ ទង្វើបែបនេះអាចជះឥទ្ធិពលមិនល្អដល់ប្រព័ន្ធមេតាបូលិក។
ដូច្នេះប្រសិនបើអ្នកពិតជាសម្រេចចិត្តចង់ធ្វើរបបបង្អត់អាហារតាមវិធីសាស្ត្រ១៦-៨ ៖ បរិភោគរយៈពេល៨ម៉ោង និងមិនបរិភោគរយៈពេល១៦ម៉ោង អ្នកគួរតែជ្រើសរើសមិនទទួលទាន ឬបន្ថយអាហារនៅល្ងាច។ តាមទ្រឹស្តី ដើម្បីមានសុខភាពល្អ ត្រូវ បរិភោគដូចស្តេចនៅពេលព្រឹក ដូចសេដ្ឋីនៅពេលថ្ងៃ និងដូចអ្នកក្រនៅពេលល្ងាច។”
ដើម្បីអាចទាញប្រយោជន៍ពិតពីការបង្អត់អាហារក្នុងរយៈពេលកំណត់មួយ គួរតែមានការតាមដាននិងការណែនាំពីគ្រូពេទ្យជំនាញបន្ថែមទៀត ជាពិសេសចំពោះអ្នកដែលមានបញ្ហាសុខភាពប្រចាំកាយ។ សូមចងចាំថាមនុស្សម្នាក់ៗត្រូវការអាហារូបត្ថម្ភ និងលក្ខខណ្ឌសុខភាពពិសេសជារបស់ខ្លួនដែលមិនត្រូវមើលរំលងបានទេ។ ការធ្វើរបបបង្អត់អាហារមួយពេល ក៏មិនមែនជាដំណោះស្រាយសាកលដែរ។ នេះជាសារណែនាំរបស់លោកសាស្ត្រាចារ្យ ដែលសូមផ្តល់អនុសាសន៍ឱ្យអ្នកសម្រេចចិត្តធ្វើរបបអាហារ១៦-៨ ប្រុងប្រយ័ត្នបន្ថែមចំពោះចំណីអាហារដែលត្រូវបរិភោគមុនគេបន្ទាប់ពីអត់អស់រយៈពេល១៦ម៉ោង។
តើត្រូវបរិភោគអ្វីមុនគេ បន្ទាប់ពីពោះទទេអស់១៦ម៉ោង?
លោកសាស្ត្រាចារ្យ Perlemuter ៖ “ជម្រើសអាហារត្រូវបរិភោគ ក្រោយពីអត់ នៅពោះទទេអស់១៦ម៉ោង សំខាន់ខ្លាំងណាស់ ! ពីព្រោះវាអាចធ្វើឱ្យរបបបង្អត់អាហារគ្មានប្រយោជន៍ ហើយខូចសុខភាពទៅវិញ។ បើខំអត់អាហាររាប់ម៉ោងរួច រត់ទៅរកភេសជ្ជៈប៉ូវកម្លាំង អាហារសម្បូរជាតិខ្លាញ់ ជាតិស្ករ មកបំប៉នប៉ូវវិញ ច្បាស់ថាការតបអាហារនឹងគ្មានប្រសិទ្ធភាព។ គ្មានប្រយោជន៍ហើយធ្វើខូចសុខភាពទៀត ព្រោះវាបានធ្វើឱ្យសេចក្តីត្រូវការរបស់សរីរាង្គកាយឡើងចុះខ្លាំងពេក។ ហេតុដូច្នេះហើយបានជាខ្ញុំសរសេរសៀវភៅមួយពន្យល់អំពីរបៀបបង្អត់អាហារ ដែលមានទម្រង់ជាការឆ្លើយបំភ្លឺនឹងសំណួររបស់អ្នកជំងឺ កុំឱ្យជឿតាមការផ្សាយមិនត្រឹមត្រូវតាមបណ្តាញសង្គម។
នៅពេលចាប់ទទួលទានអាហារវិញ គួរតែជ្រើសរើសអាហារសម្បូរជាតិសរសៃ ជាតិម្សៅ ដូចបាយឬនំប៉័ងធ្វើអង្ករសម្រូម ដើម្បីឱ្យជាតិស្ករជ្រាបយ៉ាងសន្សឹមៗទៅក្នុងខ្លួន។ ចៀសវាងការបរិភោគអាហារដែលងាយដំឡើងអត្រាអាំងស៊ុយលីន ពោលគឺអាហារ-ភេសជ្ជៈផ្អែម ទឹកផ្លែឈើ ដំណាប់។ ការសិក្សាបានបង្ហាញយ៉ាងច្បាស់ដែរអំពីឥទ្ធិពលបញ្ច្រាស អវិជ្ជមាន និងអាក្រក់ នៃការធ្វើរបបបង្អត់អាហារ ដោយបរិភោគមិនត្រឹមត្រូវ។ បង្អត់អាហារដើម្បីសុខភាព ផ្តល់ផលល្អ ឬផលអាក្រក់ អាស្រ័យយ៉ាងហោចក៏មួយភាគដែរទៅលើរបៀបនិងអ្វីដែលយើងបរិភោគឡើងវិញ៕”
View all episodes
By RFI ខេមរភាសា / Khmerចង់បញ្ចុះទម្ងន់ ចង់មានអាយុវែង ចង់ថែបំប៉នសុខភាព ចង់ជាពីជំងឺ ចង់បានរាងស្វែល ស្គម ខ្លាចធាត់ ... ជំនឿមានច្រើនណាស់ជុំវិញរបៀបរបបហូបចុក។ នារយៈពេលប៉ុន្មានឆ្នាំចុងក្រោយមកនេះ ការបង្អត់អាហារមួយពេល Fasting បានក្លាយជម្រើសមួយ យ៉ាងពេញនិយម។ ការផ្សព្វផ្សាយមានច្រើនអនេក ជាពិសេសនៅតាមបណ្តាញសង្គម ដែលពេលខ្លះមានអមដោយព័ត៌មានមិនត្រឹមត្រូវជាច្រើនផង។ ចុះតើផ្នែកវេជ្ជសាស្ត្រយល់យ៉ាងណាទៅវិញ ចំពោះរបបបង្អត់អាហារមួយពេលនេះ?
ជាវិធីសាស្ត្របញ្ចុះទម្ងន់ សម្រកគីឡូ និងដើម្បីភាពប្រសើរឡើងនៃសុខភាព ការបង្អត់អាហារមួយពេល ឬហៅជាភាសាអង់គ្លេស Fasting ជាការអត់ មិនទទួលទានអាហារក្នុងរយៈពេលកំណត់ណាមួយ។ វិធីអត់អាហារដើម្បីសុខភាពនេះ កំពុងពេញនិយមខ្លាំងណាស់ ប៉ុន្តែវិធីសាស្ត្រនេះ មិនមែនថ្មីស្រឡាងនោះឡើយ។ ទម្លាប់អត់អាហារ មួយរយៈ ជាប្រពៃណីបុរាណតាំងពីយូរលង់មកហើយ នៅឥណ្ឌា នៅរ៉ូម ... ជាសរុប ការមិនទទួលទានអាហារមួយពេល-មួយរយៈ មានកំណត់នៅក្នុងស្ទើរគ្រប់គម្ពីរសាសនា តាំងពីសាសនាគ្រិស្ត ទៅអ៊ីស្លាម ព្រាហ្មណ៍ ទៅព្រះពុទ្ធសាសនា។ ឧទាហរណ៍ សាសនិកជនអ៊ីស្លាម តបអាហារពេញមួយថ្ងៃរយៈពេលមួយខែ។ តាមវិន័យសាសនាព្រះពុទ្ធ ព្រះសង្ឃមិនឆាន់ចាប់ពីថ្ងៃត្រង់រហូតដល់ថ្ងៃរះឡើងវិញ។ អ្នកសុំសីល៨ មិនបរិភោគអាហារចាប់ពីថ្ងៃត្រង់រហូតដល់ថ្ងៃរះឡើងវិញដែរ តែជារៀងរាល់ថ្ងៃសីល ។ល។ និង។ល។
បច្ចុប្បន្ននេះ ការបង្អត់អាហារខ្លួនឯងក្នុងរយៈពេលកំណត់ណាមួយ មិនមែនធ្វើឡើងព្រោះជំនឿសាសនាតែមួយម្យ៉ាងទេ តែដើម្បីជាប្រយោជន៍សម្រាប់សុខភាព។ ការប្រកាន់របបអត់អាហារ អាចមានច្រើនសណ្ឋាន និងខ្លះត្រូវបានទទួលស្គាល់ តាមបែបវេជ្ជសាស្ត្រនិងវិទ្យាសាស្ត្រ។
- ជម្រើស១-២ គឺបរិភោគធម្មតាមួយថ្ងៃអត់មួយថ្ងៃ
- ជម្រើស៥-២ បរិភោគធម្មតារយៈពេល៥ថ្ងៃក្នុងមួយសប្តាហ៍ ហើយពីរថ្ងៃទៀត (មិនជាប់គ្នា) អត់ទទួលទានសោះ ឬបរិភោគតែសាលាដពីរបីសន្លឹក
- វិធីសាស្ត្រ ១៦-៨ គឺជាជម្រើសបរិភោគធម្មតារយៈពេល៨ម៉ោងក្នុងមួយថ្ងៃ២៤ម៉ោង។ ហើយ១៦ម៉ោងទៀតមិនទទួលទានអាហារទេ។
របបបង្អត់អាហារ១៦/៨នេះ មានអ្នកជ្រើសរើសអនុវត្តច្រើនជាងគេ និងទទួលស្គាល់ដោយក្រុមអ្នកវេជ្ជសាស្ត្រនិងវិទ្យាសាស្ត្រទៀតផង។ ធម្មជាតិមនុស្សមិនបរិភោគនៅពេលយប់ទេ។ ក្នុងរយៈពេលអត់អាហារនោះ អត្រាជាតិស្ករ ជាតិខ្លាញ់ ប្រែប្រួលបន្តិច តែគ្មានការធ្លាក់ចុះជាគំហុកនាំព្រួយបារម្ភឡើយ។ ឯការបង្អត់អាហារ១៦-៨ គ្រាន់តែជាពន្យាររយៈពេលអត់អាហារ ឱ្យវែងជាងច្បាប់ធម្មជាតិបន្តិចតែប៉ុណ្ណោះ។ នៅពេលអត់អាហារយូរលើសធម្មតា សរីរាង្គកាយនឹងឃ្លាន ពោលគឺនឹងទៅទាញស្រូបយកជាតិខ្លាញ់ ពីស្តុក ទើបបរិមាណជាតិខ្លាញ់ត្រូវថយចុះ ហើយយើងមានអារម្មណ៍ថាស្រកទម្ងន់ និងចុះស្គមនោះ។
អ៊ីចឹងហើយបានជា អ្នកជ្រើសរើសធ្វើFasting ១៦/៨ បានអួតអាងអំពីប្រសិទ្ធភាព និងភាពវិជ្ជមាននៃការអត់អាហារមួយពេលថាពិតជាបានធ្វើស្រកគីឡូ មានអត្រាជាតិស្ករ ជាតិខ្លាញ់ ក្នុងឈាមដើរទៀងទាត់ល្អ បញ្ចុះសម្ពាធឈាម និងមិនសូវមានរោគរលាក។ លោកសាស្ត្រាចារ្យវេជ្ជបណ្ឌិត Gabriel Perlemuter ប្រធានផ្នែកជំងឺក្រពះពោះវៀននិងថ្លើម ព្រមទាំងអាហារូបត្ថម្ភនៅមន្ទីរពេទ្យ Antoine Béclère de Clamart ក្បែរក្រុងប៉ារីស និងជាអ្នកនិពន្ធសៀវភៅ Jeûner en mangeant “បង្អត់អាហារដោយការបរិភោគ” ទទួលស្គាល់គុណប្រយោជន៍នៃការធ្វើរបបបង្អត់អាហារមួយពេល ថាជាការរក្សាសេរីភាពក្នុងការហូបចុកខ្លះ មិនសូវតឹងតែង និងផ្តល់ផលល្អដល់ប្រព័ន្ធមេតាបូលិករបស់សរីរាង្គកាយ ព្រោះរបៀបរបបរស់នៅសម័យថ្មី បរិភោគច្រើនជ្រុល។ ការទទួលទានឥតឈប់ឈរ ច្រើនជ្រុល ជាមូលហេតុនាំមានជំងឺជាច្រើន មានជាអាទិ៍ខ្លាញ់ក្នុងថ្លើម។ ប៉ុន្តែការបង្អត់អាហារមិនត្រូវដោយហួសហេតុនិងដោយគ្មានរបៀបរបបទេ។ សម្រាប់លោកសាស្ត្រាចារ្យ របបបង្អត់អាហារFasting មានឬ គ្មានប្រសិទ្ធភាព អាស្រ័យទៅលើរបៀបអនុវត្ត ហើយបុគ្គលគ្រប់រូបមិនមែនសុទ្ធតែអាចធ្វើបានឡើយ។
តើការបង្អត់អាហារមួយពេលមានប្រសិទ្ធភាពយ៉ាងណា?
លោកសាស្ត្រាចារ្យ Perlemuter ៖ “ការបង្អត់អាហារមានប្រសិទ្ធភាពអាស្រ័យទៅលើកត្តាសុខភាពច្រើនយ៉ាង ដូចជា ទម្ងន់ សម្ពាធឈាម លំនឹងជាតិស្ករ ជាតិខ្លាញ់ សភាពចាស់របស់បុគ្គលម្នាក់ៗផង និងរបៀបអត់អាហារផង។ ការបង្អត់អាហារសុខភាពមិនមែនចេះតែធ្វើតាមចិត្តនឹកឃើញឡើយ។ ការបង្អត់អាហារក៏មិនប្រាកដថានឹងធ្វើឱ្យយើងចុះស្គមដែរ។ យើងចាំបាច់ត្រូវយល់ដឹងអំពីរបៀបបង្អត់អាហារ ថាតើត្រូវចាប់ផ្តើមយ៉ាងដូចម្តេច? តើត្រូវទទួលទានអាហារបែបណាពេលផុតម៉ោងបង្អត់អាហារ?
ដូចរាល់គ្រប់មធ្យោបាយព្យាបាលតាមបែបវេជ្ជសាស្ត្រ ការបង្អត់អាហារដើម្បីសុខភាព ក៏មានបម្រាមនិងការហាមឃាត់ខ្លះដែរ។ ក្មេងក្នុងពេញវ័យលូតលាស់មិនត្រូវធ្វើរបបបង្អត់អាហារទេ fastingនេះទេ។ មនុស្សវ័យចំណាស់ អាយុចាប់ពី៦៥ឆ្នាំឡើងទៅ ស្ត្រីមានផ្ទៃពោះ ស្ត្រីមានគម្រោងចង់បានកូន ស្ត្រីបំបៅដោះកូន មិនត្រូវអត់អាហារ ឬធ្វើរបបបង្អត់អាហារឡើយ។ នៅមានលក្ខខណ្ឌជាច្រើនទៀត ដែលមិនអំណោយផលខាងបង្អត់អាហារ ដូចជាអ្នកមានជំងឺរ៉ាំរ៉ៃ ជំងឺទឹកនោមផ្អែម ប្រភេទទីមួយ ឬប្រភេទទីពីរដែលប្រើថ្នាំព្យាបាលពពួកបញ្ចុះជាតិស្ករ។”
មិនមែនត្រឹមតែជាការសង្កេតទៀតទេ! បើតាមលោកសាស្ត្រាចារ្យPerlemuter ការសិក្សាតាមបែបវិទ្យាសាស្ត្របានបង្ហាញយ៉ាងច្បាស់អំពីប្រសិទ្ធភាពខុសគ្នានៃការធ្វើរបបអាហារ៖ អត់មិនស្រស់ស្រូបអាហារពេលព្រឹក និងអត់បាយល្ងាច ផ្តល់ឥទ្ធិពលផ្សេងគ្នាសម្រាប់សរីរាង្គកាយ។
មិនស្រស់ស្រូបអាហារពេលព្រឹកឬអត់បាយល្ងាច?
លោកសាស្ត្រាចារ្យ Perlemuter ៖ “នៅពេលអ្នកសម្រេចចិត្តធ្វើរបបអាហារ ដោយមិនបរិភោគនៅពេលល្ងាច យើងនឹងកំរិតការបញ្ចេញអាំងស៊ុយលីន និងសកម្មភាពរំលាយអាហារ។ ដូច្នេះគ្មានទេស្ទុះឡើងខ្លាំងជ្រុលនៃជាតិស្ករ ជាតិអាំងស៊ុយលីននៅពេលសំរាន្តទេ។ ជាលទ្ធផលប្រព័ន្ធប្រឆាំងនឹងការរោលរលាកនៅខ្លាំង មានប្រសិទ្ធភាពបានយូរ និងមិនងាយចាស់។ ផ្ទុយទៅវិញបើអ្នកសម្រេចចិត្តអត់អាហារ ដោយមិនស្រស់ស្រូបនៅពេលព្រឹក យើងច្បាស់ជាបំពេញកង្វះខាត ឬសេចក្តីឃ្លានខ្លាំង នៅពេលបាយថ្ងៃត្រង់ និងនៅពេលល្ងាច។ ប្រព័ន្ធរំលាយត្រូវធ្វើការច្រើន អាំងស៊ុយលីនអាចនឹងស្ទុះឡើងខ្ពស់ខ្លាំង នៅពេលល្ងាចឬយប់ ដែលជាវេលា ដែលជាពេលវេលាត្រូវសម្រាក និងមិនត្រូវការថាមពលច្រើន។ ទង្វើបែបនេះអាចជះឥទ្ធិពលមិនល្អដល់ប្រព័ន្ធមេតាបូលិក។
ដូច្នេះប្រសិនបើអ្នកពិតជាសម្រេចចិត្តចង់ធ្វើរបបបង្អត់អាហារតាមវិធីសាស្ត្រ១៦-៨ ៖ បរិភោគរយៈពេល៨ម៉ោង និងមិនបរិភោគរយៈពេល១៦ម៉ោង អ្នកគួរតែជ្រើសរើសមិនទទួលទាន ឬបន្ថយអាហារនៅល្ងាច។ តាមទ្រឹស្តី ដើម្បីមានសុខភាពល្អ ត្រូវ បរិភោគដូចស្តេចនៅពេលព្រឹក ដូចសេដ្ឋីនៅពេលថ្ងៃ និងដូចអ្នកក្រនៅពេលល្ងាច។”
ដើម្បីអាចទាញប្រយោជន៍ពិតពីការបង្អត់អាហារក្នុងរយៈពេលកំណត់មួយ គួរតែមានការតាមដាននិងការណែនាំពីគ្រូពេទ្យជំនាញបន្ថែមទៀត ជាពិសេសចំពោះអ្នកដែលមានបញ្ហាសុខភាពប្រចាំកាយ។ សូមចងចាំថាមនុស្សម្នាក់ៗត្រូវការអាហារូបត្ថម្ភ និងលក្ខខណ្ឌសុខភាពពិសេសជារបស់ខ្លួនដែលមិនត្រូវមើលរំលងបានទេ។ ការធ្វើរបបបង្អត់អាហារមួយពេល ក៏មិនមែនជាដំណោះស្រាយសាកលដែរ។ នេះជាសារណែនាំរបស់លោកសាស្ត្រាចារ្យ ដែលសូមផ្តល់អនុសាសន៍ឱ្យអ្នកសម្រេចចិត្តធ្វើរបបអាហារ១៦-៨ ប្រុងប្រយ័ត្នបន្ថែមចំពោះចំណីអាហារដែលត្រូវបរិភោគមុនគេបន្ទាប់ពីអត់អស់រយៈពេល១៦ម៉ោង។
តើត្រូវបរិភោគអ្វីមុនគេ បន្ទាប់ពីពោះទទេអស់១៦ម៉ោង?
លោកសាស្ត្រាចារ្យ Perlemuter ៖ “ជម្រើសអាហារត្រូវបរិភោគ ក្រោយពីអត់ នៅពោះទទេអស់១៦ម៉ោង សំខាន់ខ្លាំងណាស់ ! ពីព្រោះវាអាចធ្វើឱ្យរបបបង្អត់អាហារគ្មានប្រយោជន៍ ហើយខូចសុខភាពទៅវិញ។ បើខំអត់អាហាររាប់ម៉ោងរួច រត់ទៅរកភេសជ្ជៈប៉ូវកម្លាំង អាហារសម្បូរជាតិខ្លាញ់ ជាតិស្ករ មកបំប៉នប៉ូវវិញ ច្បាស់ថាការតបអាហារនឹងគ្មានប្រសិទ្ធភាព។ គ្មានប្រយោជន៍ហើយធ្វើខូចសុខភាពទៀត ព្រោះវាបានធ្វើឱ្យសេចក្តីត្រូវការរបស់សរីរាង្គកាយឡើងចុះខ្លាំងពេក។ ហេតុដូច្នេះហើយបានជាខ្ញុំសរសេរសៀវភៅមួយពន្យល់អំពីរបៀបបង្អត់អាហារ ដែលមានទម្រង់ជាការឆ្លើយបំភ្លឺនឹងសំណួររបស់អ្នកជំងឺ កុំឱ្យជឿតាមការផ្សាយមិនត្រឹមត្រូវតាមបណ្តាញសង្គម។
នៅពេលចាប់ទទួលទានអាហារវិញ គួរតែជ្រើសរើសអាហារសម្បូរជាតិសរសៃ ជាតិម្សៅ ដូចបាយឬនំប៉័ងធ្វើអង្ករសម្រូម ដើម្បីឱ្យជាតិស្ករជ្រាបយ៉ាងសន្សឹមៗទៅក្នុងខ្លួន។ ចៀសវាងការបរិភោគអាហារដែលងាយដំឡើងអត្រាអាំងស៊ុយលីន ពោលគឺអាហារ-ភេសជ្ជៈផ្អែម ទឹកផ្លែឈើ ដំណាប់។ ការសិក្សាបានបង្ហាញយ៉ាងច្បាស់ដែរអំពីឥទ្ធិពលបញ្ច្រាស អវិជ្ជមាន និងអាក្រក់ នៃការធ្វើរបបបង្អត់អាហារ ដោយបរិភោគមិនត្រឹមត្រូវ។ បង្អត់អាហារដើម្បីសុខភាព ផ្តល់ផលល្អ ឬផលអាក្រក់ អាស្រ័យយ៉ាងហោចក៏មួយភាគដែរទៅលើរបៀបនិងអ្វីដែលយើងបរិភោគឡើងវិញ៕”
More shows like នាទីសុខភាពនិងអនាម័យ
View all
ឯកសារប្រវត្តិសាស្ត្រខ្មែរ
14 Listeners
Kou Sopheap's Podcast
106 Listeners
វិភាគរឿងសាមកុក
3 Listeners
ទស្សនៈខ្ញុំគេ
9 Listeners
បទយកការណ៍
1 Listeners
ទស្សនៈព្រឹត្តិការណ៍ពិភពលោក
1 Listeners
ទស្សនៈសារព័ត៌មានខ្មែរ
0 Listeners
ព្រឹត្តិការណ៍អន្តរជាតិប្រចាំថ្ងៃ
1 Listeners
ព្រឹត្តិការណ៍កម្ពុជាប្រចាំថ្ងៃ
0 Listeners
បទសម្ភាស
2 Listeners
ប្រវត្តិសាស្រ្តពិភពលោក
3 Listeners
នាទីខ្ញុំនិយាយពីរភាសា (Chronique bilingue)
0 Listeners
ភូមិសាស្រ្តនយោបាយ
1 Listeners
មេរៀនភាសាបារាំង៖ Parlez-vous Paris?
0 Listeners
Rean Ruos Podcast
9 Listeners
កម្មវិធីព័ត៌មាន
4 Listeners
ទស្សនៈព្រឹត្តិការណ៍ខ្មែរ
0 Listeners
គំនិតប្រសើរ
0 Listeners
总有那么一首歌|可以触动你的心
11 Listeners
San Sochea Official
1 Listeners
ព័ត៌មានប្រចាំថ្ងៃ - ឌឹ ខេមបូឌា ដេលី
0 Listeners
មួយពាន់គំនិតសាមកុក
1 Listeners
Learning English For Work
30 Listeners