នៅ​សហរដ្ឋអាមេរិកថ្ងៃសៅរ៍ ​​ប្រធានាធិបតីនិង​អនុប្រធានាធិបតី ​ហើយ​និង​អតីតប្រធានាធិបតីទាំង​ពីរ លោក បារ៉ាក់ អូបាម៉ា និង​លោក ដូណាល់ ត្រាំ​ សុទ្ធសឹង​តែនាំគ្នា​​សង្វាត​ចុះ​ឃោសនា​បោះឆ្នោតពាក់​កណ្តាល​អាណត្តិ ដែល​នឹង​ប្រព្រឹត្ត​ទៅ នា​​​​៣ថ្ងៃទៀត។ ​នៅថ្ងៃអង្គារ ៨វិច្ឆិកា សហរដ្ឋអាមេរិក​ នឹងរៀបចំ​​បោះឆ្នោត​ជ្រើស​រើស​អ្ន​កតំណាង​រាស្ត្រ​សម្រាប់​រដ្ឋសភា និង​ រុះរើសផ្លាស់ប្តូរ​​សមាជិក ​១/៣ នៃ​ព្រឹទ្ធសភា។​ ជាការ​កត់​សម្គាល់ «ការ​បោះ​ឆ្នោត​ពាក់​កណ្តាល​អាណត្តិ»នេះ គឺ​ច្រើនតែ​មិន​សូវ​បាន​ផល​ល្អ សម្រាប់​រដ្ឋាភិបាល​ដែល​កំពុង​កាន់​អំណាច​​ទេ។ ​​នេះជាការ​សង្កេត​របស់អ្នក​វិភាគ​ស្ថានការណ៍​នយោបាយ​អាមេរិក ដែល​គេ​មើល​ឃើញនិង​ផ្ទៀងផ្ទាត់ ​​ចាប់តាំងពីជាង​ឆ្នាំ​១៨៨០ ​មកម្ល៉េះ។