គម្រោងរបស់​ទីភ្នាក់ងារ​ណាសា ក្នុងការ​បញ្ជូន​យាន​ទៅកាន់ព្រះចន្ទ ដែល​ត្រូវ​បាន​ផ្អាក​ម្តង កាល​ពីថ្ងៃចន្ទ២៩សីហា ត្រូវបាន​លើកពេល​សាជាថ្មីម្តងទៀត កាល​ពីថ្ងៃ​សៅរ៍៣កញ្ញា ដោយ​លើកនេះ គេនៅមិនទាន់​កំណត់​​អំពី​កាល​បរិច្ឆេទ​ថ្មី​នៅឡើយ។ ការពន្យារពេល​ម្តងហើយ​ម្តងទៀតនេះ គឺ​ជា​សម្ពាធ​មួយ​ទៅលើ​ទីភ្នាក់ងារណាសា ក្នុងពេល​ដែល​អាមេរិក កំពុង​ស្ថិត​ក្នុង​ការប្រជែង​អវកាស​ថ្មីមួយទៀត ជាពិសេស គឺ​ប្រជែង​ជាមួយចិន។