ថ្មីៗនេះ​ រដ្ឋាភិបាល​ យល់ព្រម​ឱ្យក្រុមហ៊ុន​ GLOBAL​ GREEN​ (CAMBODIA)​ ENERGY​ DEVELOPMENT​ CO., LTD​. បូមខ្សាច់​ផ្គត់ផ្គង់​ក្នុង​ស្រុក​ ហើយ​ ក៏​អនុញ្ញាត​ឱ្យនាំ​ចេញ​ទៅក្រៅ​ប្រទេស​។​ គិតត្រឹម​ឆ្នាំ​២០២១នេះ​ ក្រសួង​រ៉ែ​និងថាមពល​ បាន​ផ្តល់​អាជ្ញាបណ្ណ​ បូមខ្សាច់​ ស្តារផ្លូវ​នាវាចរណ៍​តាម​ដងទន្លេ​ ដល់​ក្រុម​ហ៊ុន ចំនួន​ជាង ​៥០។​ ជាផ្លូវការ​ គឺ​មាន​ក្រុម​ហ៊ុន​ពីរ​ប៉ុណ្ណោះ​ ដែល​មាន​សិទ្ធិនាំខ្សាច់​ចេញ​ ហើយ​ត្រូវនាំចេញ​ តាម​ច្រកតែមួយ​គត់​ គឺ​ច្រក​ក្អមស្រណ។​ ជុំវិញ​ការ​បូមខ្សាច់​នៅស្រុក​ខ្មែរ​នេះ អ្នកធ្វើការ​ខាង​បរិស្ថាន និង​សកម្មជន​ធម្មជាតិ គឺព្រួយ​បារម្ភក្នុង​ចិត្ត​ និង​រំពឹងចង់​​ឃើញ​«មាន​តម្លាភាព» ហើយ​និងមាន​ការ​លាត​ត្រដាងការ​វាយតម្លៃហេតុប៉ះពាល់ផ្នែក​បរិស្ថាន​និង​សង្គម ឲ្យ​បាន​ច្បាស់​លាស់។​ ចំណែក​ខាង​អាជ្ញាធរ​រដ្ឋ គឺ​អះអា​ង​ថា ការវាយ​តម្លៃ​ផលប៉ះពាល់​ បាន​ប្រព្រឹត្ត​ទៅតា​មនីតិវិធី​ច្បាស់​លាស់​។ បន្ថែ​មលើស​ពីនេះ​ ក្រសួង​រ៉ែ​និងថាមពល ក៏​បញ្ជាក់ដែរ​ថា ការ​បូមខ្សាច់​ បាន​ជួយ​ដល់​ការ​អភិវឌ្ឍ​ ពិសេស​ផ្នែ​ក​ខាងសាងសង់​ និងជា​ប្រភព​ចំណូល​ចូល​ជាតិ​ និងជួយស្តារ​ទន្លេ។