ការសិក្សា​ ចុះផ្សាយ​នៅ​ក្នុងទស្សនាវដ្តីវិទ្យាសាស្រ្ត « Nature » កាល​ពីថ្ងៃទី១៥​សីហា​កន្លងទៅ បង្ហាញឲ្យឃើញ​ថា ប្រឈម​នឹង​ការឡើងកម្តៅផែនដី​ ធនធានទឹក​នៅ​ក្នុង​តំបន់​ខ្ពង់រាបទីបេ​ត្រូវ​ធ្លាក់ចុះ ហើយ​អាច​នឹង​បន្ត​ធ្លាក់ចុះ​កាន់តែខ្លាំង​ថែម​ទៀត​ ទៅថ្ងៃ​អនាគត។ ការបាត់បង់​ប្រភពទឹក ដែល​អាច​នឹង​ធ្វើ​ឲ្យ​ប៉ះពាល់​ដល់​ប្រជាជន​រាប់ពាន់លាននាក់ ដែល​រស់​នៅ​ក្នុង​តំបន់​អាស៊ី។