ការស៊ើបអង្កេត​ធ្វើឡើង​ដោយ​បណ្តាញសារព័ត៌មាន​អន្តរជាតិ បាន​បង្ហាញថា ក្រុមហ៊ុន​ដឹកអ្នកដំណើរ​Uber ដែលមានទីស្នាក់ការ​នៅ​ទីក្រុង​សាន់ហ្វា្រន់ស៊ីស្កូ បាន​ប្រើវិធីសាស្រ្ត​បែបព្រៃ និង​ពេលខ្លះបំពាន​ច្បាប់ ដើម្បី​បាន​សិទ្ធិ​ធ្វើ​ជំនួញ នៅក្នុង​ប្រទេស​ជាច្រើន ក្នុងពិភពលោក។ ការស៊ើបអង្កេត​របស់​បណ្តាញ​សារព័ត៌មាន​អន្តរជាតិ ពឹងផ្អែក​លើ​ឯកសារ ដែល​បែកលេចធ្លាយ​ជាង ១សែន​ឯកសារ ដែល​កាសែត​អង់គ្លេស the Guardian បាន​ទទួល និង​ចែករំលែក​ជាមួយ​សារព័ត៌មានបរទេស។ នៅក្នុងរបាយការណ៍​ស៊ើបអង្កេត ក្រុមហ៊ុន​Uber បាន​រងការចោទប្រកាន់​ថា បាន​ប្រើ​វិធីសាស្រ្ត​បែបព្រៃ ចាប់បង្ខំ នៅក្នុងពេលធ្វើជំនួញ។ តើអ្វីទៅ​ជា​វិធីសាស្រ្តបែបព្រៃ​របស់​ក្រុមហ៊ុនអាមេរិកាំង Uber?