Kɛnɛya jɛmukan

Bi sigidaɲɛtaa  kɔnɔ an bɛ na taga Mali la ka kuma fiɲɛkolonci kɔlɔlɔw kan togodaduguw kɔnɔ foonɛnɛ wagati in na.
Bɛlɛdugu mara kɔnɔ misali la, jamana in marayɔrɔ filanan na, olu y'a seereya ko fiɲɛci in kɔlɔlɔ ka bon u ka sɔrɔkow kan ani fɛn caman wɛrɛw

A laɲininen don mɔgɔw fɛ, u ka taa sɛgɛsɛgɛliw kɛ dɔgɔtɔrɔso la yanni u ka furu ɲɔgɔn ma. O ka ɲi u yɛrɛ ma, wa o ka ɲi denw fana ma. Nga, mɔgɔw tɛ a ko dɔn ka caya. Sarata CAMRA n'a ka mɔgɔ welelenw bɛ faamuyali di an ma.

Dɔgɔkun in na kɛnɛya jɛmukan bɛ tali kɛ magan de kan. Nisɔn in, min be bɔ kunnafoni dumanw ni kunafoni gomanw la. A bɛ se ka faamu cogo di ? Ani fana, a bɛ ladon cogo di ? An ka jabi sɔrɔ Sarata CAMARA n'a ka mɔgɔ welelenw fɛ.

Bana in sababu, a taamaserew, a furakɛcogo an'a ɲɛkɔrɔtigɛfɛɛrɛw, Sarata CAMARA n'a ka mɔgɔ welelenw b'o walawala

Banabagatɔw kunbɛnni dɔtɔrɔsow la, o ye waati nafamaba de ye, u ladonni hukumu kɔnɔ. Nga, makasiliw tɛ ka kɔtigɛ k'a ɲɛsin o kunbɛnniyɔrɔw baarakɛcogo ma. O de kama, dɔgɔkun in na, kɛnɛya jɛmukan bɛ tali kɛ banabagatɔw kunbɛncogo n'u ladoncogow de kan, an ka dɔgɔtɔrɔsow kɔnɔ.

An ka jɛmukan tako filanan sidabana kan. Bi, kɛnɛya jɛmukan bɛ tali kɛ ɲɛtagaw de kan, ɲininw la, sidabana kɛlɛli hukumu kɔnɔ. Nin bana in fura jɔnjɔn ma sɔrɔ fɔlɔ, banabagatɔw bɛ se k’u ka diɲɛlatigɛ kɛ nɔgɔya kɔnɔ, ɲininw ka ɲɛtaga barika la. Sarata CAMARA n'a ka mɔgɔ welelenw b’o walawala

Desanburukalo tile fɔlɔ tɛmɛnen tun ye sidabana kɛlɛlon kɛrɛnkɛrɛnen  ye. O hukumu kɔnɔ, kɛnɛya jɛmukan bɛ kɛnɛ fila sigi a ko kan. Bi, taa bɛna kuma SIDA banabagatɔw de yɛrɛ kan, yala ou bɛ se k’u ka diɲɛlatigɛ kɛ ni bana in ye lafiya la cogo di ?

Novanburukalo tɛmɛnen tile 19 tun ye ɲɛgɛnw tɔgɔladon kɛrɛnkɛrɛnen de ye. O hukumu kɔnɔ bi, kɛnɛya jɛmukan bɛ tali kɛ ɲɛgɛn nɔgɔlenw kɔlɔlɔw de kan, ɲɛgɛn latagalaw kan. Seereyaw ani dɔgɔtɔrɔw ka ɲɛfɔliw, sarata CAMARA ka nin jɛmukan labɛnnen kɔnɔ.

Bi, novanburukalo tile 25 ye "16 jours d'activisme" tile fɔlɔ  ye. Diɲɛ tɔnba ka tile 16 sugandininw walasa ka tɔɔrɔyawalew kɛlɛ minnu be ɲɛsin musow ma. O hukumu kɔnɔ bi, kɛnɛya jɛmukan bɛ kuma o tɔɔrɔyawalew kɔlɔlɔ de kan, musow kan, hakili sirafɛ. Muso tɔɔrɔlenw ka seereyaw, ani dɔgɔtɔrɔw ka ɲɛfɔliw, Sarata Camara ka jɛmukan in kɔnɔ.

Novanburukalo tile 14 tun ye sukarobana tɔgɔlalon kɛrɛnkɛrɛnen  ye, o hukumu kɔnɔ, kɛnɛya jɛmukan bɛ kuma di sukarobana banabagatɔw n'a furakɛdɔgɔtɔrɔw ma, yasa ka nin ɲininkali jabi: yala mɔgɔ bɛ se k’i ka diɲɛlatigɛ kɛ ka sukarobana to i la cogo di ?