Kɛnɛya jɛmukan

Nin dɔgɔkun in na, kɛnɛya jɛmukan be tali kɛ lamɛninfɛnw "écouteurs" kɔlɔlɔw de kan, an tulow ma. Sarata CAMARA.

Mai kalo tile 28 ye musow ka kalo labɔli tɔgɔladon kɛrɛn-kɛrɛnen de ye. Cogo min na u bɛ se k'u ka kalo labɔ kɛ saniya kɔnɔ. Kuma ma teli ka kɛ min kan, an ka sigidaw la. Sarata CAMARA n'a ka mɔgo weelelenw bɛ maasala kɛ o de kan. 

Nin dɔgɔkun in na, kɛnɛya jɛmukan b’i sennabɔ Dakar dugu kɔnɔ ka tali kɛ Sénégal dɔgɔtɔrɔsoba "Hopital principal" ka lajɛrɛw la, (journées médicales). O min baabu bɛ tali kɛ musow n'u denw ka kɛnɛya kan. Baabu nafamanba don, bawo, ONU ka fɔla avirilikalo tɛmɛnen, miniti fila o fila, muso dɔ bɛ faatu  jigili waati la. Sarata CAMARA bɛ taa n’an ye.

Nin dɔgɔkun in na, kɛnɛya jɛmukan b’i sennabɔ Dakar dugu kɔnɔ ka tali kɛ Sénégal dɔgɔtɔrɔsoba "Hopital principal" ka lajɛrɛw la, (journées médicales). O min baabu bɛ tali kɛ musow n'u denw ka kɛnɛya kan. Baabu nafamanba don, bawo, ONU ka fɔla avirilikalo tɛmɛnen, miniti fila o fila, muso dɔ bɛ faatu  jigili waati la. Sarata CAMARA bɛ taa n’an ye.

Dɔgɔtɔrɔ minnu bɛ furakɛliw ɲɛnabɔ n'a bɛ fɔ "infirmier" tubabukan na, olu minnu ye musow ye, olu tɔgɔladon de ye bi ye, mɛkalo tile 12. O la, kɛnɛya jɛmukan bɛ kumaolu ka baara de kan, baara min ka gɛlɛn, wa a nafa ka bon. Sarata Camara n'a ka mɔgɔ welelenw bɛ masaala anw ye o kɛnɛya tigilamɔgɔ ninnu  jɔyɔrɔ de  kan, an ka dɔgɔtɔrɔsow kɔnɔ.

Dɔgɔkun in na, kɛnɛya jɛmukan bɛ tali kɛ HPV banaw de kan, olu minnu ka yɛlɛmani ka telin. U lakodɔnnen tɛ i n'a fɔ VIH bana misali la, wa u bɛ banajugu wɛrɛw lase mɔgɔw ma i n'a fɔ Cancer banaw. Sarata CAMARA n'a ka mɔgɔ welelenw bɛ ɲɛfɔli kɛ an ye

Ka kɛɲɛ ni sumayabana kɛlɛlilon kɛrɛnkɛrɛnnen ye, avirilikalo tile 25, kɛnɛya jɛmukan bɛ  tali kɛ bolocifuraw ka lahalaya de kan an ka manden jamanaw kɔnɔ. Kabi san tɛmɛnen, farafinjamana dɔw ye denmisɛnw bolocili daminɛ sumayabana kama. Yala ɲɛtaga jumɛn sɔrɔla a ko la ? Sarata CAMARA n'a ka mɔgɔ welelenw b'an jaabi.

Denmisɛnw bɛ to ka fɛn minnu ta ka don u da la, n'o fɛn ninnu bɛ tila k'u kɛlɛ, an bɛ kuma olu de kan bi.  Sarata CAMARA n'a ka mɔgɔ welelenw bɛ faamuyali di an ma.

Densɔrɔbaliya  sababu ye mun de ye ? fɛɛrɛ jumɛnw de bɛ se ka sɔrɔ a la ? Bi Kɛnɛya jɛmukan baabu bɛ tali kɛ o de kan. Diɲɛ kɛnɛyako tɔnba OMS ka jatew la, diɲɛ kɔnɔ mɔgɔ wɔɔrɔ o mɔgɔ wɔɔrɔ kan, denko gɛlɛya bɛ sɔrɔ kelen na. Wa a ko kɛlen don degunba ye kɛrɛnkɛrɛnnenya la Farafinna.

Tuma caman den sɔrɔli gɛlɛya tuuru bɛ da musow de kun kasɔrɔ cɛw fana nɔ bɛ se ka ye a ko la kosɔbɛ. Walasa ka faamuyali jɔnjɔn sɔrɔ nin ko bɛɛ lajɛlen kan Sory IBRAHIM ye weele sama musofurakɛdɔgɔtɔrɔ (Gynécologie) Dr Djédi Kaba Diakité de ma ka bɔ Mali la.

Dɔgɔkun in na, kɛnɛya jɛmukan bɛ kuma "sinusite" bana de kan. Bana don min bɛ se ka kɔlɔlɔbaw lase mɔgɔw ma, n'a ma furakɛ. Sarata CAMARA n'a ka mɔgɔ welelenw b'a ɲɛfɔ anw ye.