​​ជំនួប​កំពូល​ G20 នៅបាលី ត្រូវ​​​គ្រប​ដណ្តប់​ដោយ​ព្រឹត្តិការណ៍​សង្គ្រាម​អ៊ុយក្រែន តាមរយៈ​មីស៊ីល ​ធ្លាក់​នៅ​ប្រទេស​ប៉ូឡូញ។ នៅពេលនេះ​ ក្នុងជំនួបកំពូល APEC នៅ​ទីក្រុងបាងកក ​ថ្នាក់ដឹកនាំ​អន្តរជាតិ ក៏អាច​នឹង​លើកឡើង​រឿង ​អ៊ុយក្រែន នេះបន្តទៀត​។ ក្នុងប្រទេសថៃខ្លួនឯង​ ប្រជា​ពលរដ្ឋថៃ បានជួបប្រជុំនៅកណ្តាលរាជធានី ដើម្បី​សម្តែងមតិប្រឆាំង និងអំពាវនាវឲ្យគោរពសិទ្ធិមនុស្ស ហើយ​និងសុំ​ឲ្យ​លុបចោល​ច្បាប់ជេរប្រមាថព្រះមហាក្សត្រ។ អ្នកខ្លះក៏លើកបដា ប្រឆាំងនឹងចិន ដែលធ្វើទុក្ខបុកម្នេញនៅហុងកុង ជាដើម។ សំណុំ​រឿង​ក្តៅៗ​ផ្សេងទៀត គឺ​វិបត្តិ​ឧបទ្វីបកូរ៉េ ដែល​ជាព្រឹត្តិការណ៍​ធំ​ ពីព្រោះតែ ថ្ងៃព្រហស្បតិ៍ ទី​១៧វិច្ឆិកា  កូរ៉េ​ខាងជើង បាន​​បាញ់​មីស៊ីល​ ជាថ្មីបន្ថែមទៀត​។