កងទ័ពថៃ និងកម្ពុជាបានប៉ះទង្គិចគ្នាដោយអាវុធមួយប្រាវកាលពីទៀបភ្លឺថ្ងៃទី២៨ ខែឧសភា ឆ្នាំ២០២៥ នៅចំណុចមុំ៣ នៃខេត្តព្រះវិហារក្នុងទឹកដីកម្ពុជាដោយបណ្តាលឲ្យស្លាប់ទាហានខ្មែរម្នាក់។ តាមក្រសួងការពារជាតិកម្ពុជា ទាហានថៃជាអ្នកលួចវាយឆ្មក់លើទាហានខ្មែរមុន។ អ្នកតាមដានសភាពការណ៍ព្រំដែនកម្ពុជា-ថៃ មើលឃើញថា នេះជាទង្វើបង្កឡើងដោយនយោបាយផ្ទៃក្នុងថៃ និងដែលកម្ពុជាចាំបាច់ត្រូវអភិវឌ្ឍន៍ខ្លួនឯងឲ្យបានខ្លាំងលើវិស័យការពារជាតិ។ ចំណែកអ្នកវិភាគខ្លះទៀត បានទទូចឲ្យកម្ពុជាប្រើប្រាស់យន្តការច្បាប់ដោះស្រាយជាមួយថៃដើម្បីបញ្ចប់វិវាទព្រំដែននៃប្រទេសទាំងពីរ៕