កម្មវិធីព័ត៌មានពេលរាត្រី - វីអូអេ podcast - Page 122

December 03, 2021 ព័ត៌មានពេលរាត្រី៖ ៣ ធ្នូ ២០២១ - ធ្នូ 03, 2021

ព័ត៌មានអំពីកម្ពុជាមាន ក្រុមសិទ្ធិមនុស្សរិះគន់ចំណាត់ការនាយករដ្ឋមន្រ្តីដែលលើកឡើងថា ប្រសិនបើ«សារភាពរួចខ្លួន»ពាក់ព័ន្ធនឹងរឿងទន្រ្ទានដីបឹងទន្លេសាប។ អ្នកវិភាគថា ការប្រកាសរបស់លោក ហ៊ុន សែន គាំទ្រឲ្យកូនប្រុសធ្វើជានាយករដ្ឋមន្រ្តីគឺដើម្បីស្ទង់ចរន្តគាំទ្រ។ បទសម្ភាសន៍៖ កេរដំណែលក្រោយការសោយទិវង្គតព្រះអង្គម្ចាស់ នរោត្តម រណឫទ្ធិ។ រីឯព័ត៌មានអន្តរជាតិវិញមាន ការបិទព្រំដែនពេលវិបត្តិកូវីដ១៩ធ្វើឱ្យពាណិជ្ជកម្មនៅនឹងនិងមានប្រយោជន៍ដល់គោលដៅស្ថានភាពខ្លួនទីពឹងខ្លួនរបស់ចិន។ ចំណងទាក់ទងចិនត្រូវបានគេមើលឃើញថា ជាប្រភពនៃភាពវឹកវរនៅតំបន់ប៉ាស៊ីហ្វិកខាងត្បូង។ លោកស្រី Ressa ម្ចាស់ពានរង្វាន់ណូបែលសន្តិភាពបដិសេធមិនភៀសខ្លួនដោយសារការចោទប្រកាន់របស់ហ្វីលីពីនទេ។ អ្នកប្រកបអាជីវកម្មក្នុងប្រទេសអាហ្រ្វិកខាងត្បូងបារម្ភអំពីការបិទខ្ទប់ប្រទេសសាជាថ្មីដោយសារវីរុសបំប្លែងថ្មី៕

1 hr

December 02, 2021 ព័ត៌មានពេលរាត្រី៖ ២ ធ្នូ ២០២១ - ធ្នូ 02, 2021

ព័ត៌មានអំពីកម្ពុជាមាន លោក ហ៊ុន សែនថា រដ្ឋាភិបាលលែងឲ្យមានដំណើរទស្សនកិច្ចនៅមូលដ្ឋានទ័ពជើងទឹករាម ។ លោក ហ៊ុន សែន ប្រកាសគាំទ្រកូនប្រុសច្បងឲ្យធ្វើជានាយករដ្ឋមន្ត្រី បន្ទាប់ពីលោកឈប់ឈរឈ្មោះ។ លោក ហ៊ុន សែន ប្រកាសត្រៀមទៅប្រទេសមីយ៉ាន់ម៉ា មុនពេលកម្ពុជាធ្វើជាប្រធានអាស៊ាន។ ព្រះសង្ឃខ្មែរមួយអង្គត្រូវប៉ូលិសថៃចាប់ផ្សឹក ខណៈមានការបារម្ភអំពីការបញ្ជូនមកកម្ពុជា។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី «ក្ដីរំពឹងរបស់ប៉េកាំង ពេលភ្នំពេញធ្វើប្រធានអាស៊ាន២០២២»។ រីឯព័ត៌មានអន្តរជាតិវិញមានដូចជា រដ្ឋមន្ត្រីការបរទេសអាមេរិកនិងរុស្ស៊ីនឹងជួបពិភាក្សាគ្នា នៅចំពេលដែលមានភាពតានតឹងរវាងរុស្ស៊ីនិងអ៊ុយក្រែន។ សហរដ្ឋអាមេរិកនិងកូរ៉េខាងត្បូងពិភាក្សាអំពីបញ្ហាសន្តិសុខនៅអាស៊ី។ សហរដ្ឋអាមេរិករកឃើញករណីដំបូងនៃការឆ្លងវីរុសកូវីដ១៩ បំប្លែងថ្មី Omicron និងព័ត៌មានផ្សេងទៀត៕

1 hr

December 01, 2021 ព័ត៌មានពេលរាត្រី៖ ១ ធ្នូ ២០២១ - ធ្នូ 01, 2021

ព័ត៌មានអំពីកម្ពុជាមាន លោក កឹម សុខា ថា លោកធ្វើអ្វីដោយ«ឆន្ទៈពិត» ក្រោយពីលោក សម រង្ស៊ី ហៅលោកថា ជា«ចំណាត់ខ្មាំង»នយោបាយ។ គ.ជ.ប.បញ្ចប់យុទ្ធនាការចុះឈ្មោះបោះឆ្នោត ដោយមានពលរដ្ឋជាង៤៤ម៉ឺននាក់ចុះឈ្មោះ ស្មើប្រមាណ២៧%នៃផែនការ។ យ៉ាងតិចដីព្រៃលិចទឹកបឹងទន្លេសាប១ម៉ឺន៥ពាន់ហិកតាត្រូវបានដកហូត ខណៈបញ្ជូនមនុស្សមួយចំនួនទៅតុលាការ។ បទសម្ភាសភាគទីមួយជាមួយនឹងលោក ចាប ញ៉ាលីវុធ អនុប្រធានគណបក្សហ៊្វុនស៊ិនប៉ិចអំពីកេរដំណែលរបស់សម្តេចក្រុមព្រះ នរោត្តម រណឫទ្ធិ។ រីឯព័ត៌មានអន្តរជាតិមានដូចជា អង្គការអូតង់បង្ហាញសាមគ្គីភាពប្រឆាំងនឹងភាពគឃ្លើនរបស់រុស្ស៊ីលើអ៊ុយក្រែន។ អ្នកជំនាញកំពូលអាមេរិកផ្នែកជំងឺឆ្លងថា វ៉ាក់សាំងកូវីដ១៩ អាចទប់ទល់នឹងវីរុសបំប្លែងថ្មី Omicron បានខ្លះ។ សហរដ្ឋអាមេរិក គាំទ្រការបង្កើតកិច្ចព្រមព្រៀងជាសាកលស្តីពីជំងឺរាតត្បាតនិងព័ត៌មានដទៃទៀត៕

1 hr

November 30, 2021 ព័ត៌មានពេលរាត្រី៖ ៣០ វិច្ឆិកា ២០២១ - វិច្ឆិកា 30, 2021

ព័ត៌មានអំពីកម្ពុជាមានដូចជា សកម្មជនតំបន់ឡពាងម្នាក់ ត្រូវបានចោទប្រកាន់ពីបទប្រើប្រាស់អំពើហិង្សា ខណៈគ្រួសារថា ជារឿងអយុត្តិធម៌។ កម្ពុជាទទួលបានការគាំទ្រពីរដ្ឋាភិបាលក្រុងវៀងចន្ទន៍ជាប្រធានអាស៊ាន និងផ្តល់ជំនួយមួយចំនួនដល់ភាគីឡាវ។ សាលារាជធានីភ្នំពេញ បានអនុញ្ញាតឲ្យបើកដំណើរការអាជីវកម្មខារ៉ាអូខេវិញ ខណៈនៅបន្តព្រួយបារម្ភអំពីវីរុសថ្មី។ រីឯព័ត៌មានអន្តរជាតិវិញមានដូចជា វីរុសកូវីដ១៩បំប្លែងថ្មី Omicron បានឆ្លងដល់ប្រទេសកាន់តែច្រើន។ លោក Biden ជំរុញពលរដ្ឋអាមេរិកកាំងឲ្យចាក់វ៉ាក់សាំង ស្របពេលវីរុសកូវីដ១៩ បំប្លែងថ្មី Omicron កំពុងរាលដាលលើពិភពលោក។ រដ្ឋមន្ត្រីការបរទសអាមេរិក ចូលរួមកិច្ចប្រជុំអង្គការអូតង់ស្ដីពីបញ្ហាសន្តិសុខ។ តុលាការមីយ៉ាន់ម៉ាពន្យារពេលប្រកាសសាលក្រមសម្រាប់បណ្តឹងប្រឆាំងអ្នកស្រី Suu Kyi និងព័ត៌មានដទៃទៀត៕

1 hr

November 29, 2021 ព័ត៌មានពេលរាត្រី៖ ២៩ វិច្ឆិកា ២០២១ - វិច្ឆិកា 29, 2021

ព័ត៌មានអំពីកម្ពុជាមាន ព្រះអង្គម្ចាស់នរោត្តមរណឫទ្ធិសោយទិវង្គតនាំឲ្យមានការសោកស្តាយ ខណៈជីវិតនយោបាយរបស់ទ្រង់ក៏រងការរិះគន់ផងដែរ។ លោក ហ៊ុន សែន បញ្ជាឲ្យរឹបអូសដីព្រៃលិចទឹកបឹងទន្លេសាប និងចាប់ខ្លួនអ្នកទន្ទ្រាន។ មន្ត្រីបក្សប្រឆាំងថា សារលោក កឹម សុខា រិះគន់លោក សម រង្ស៊ី មិនមែនចេញពីឆន្ទៈរបស់លោកឡើយ។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«ការចុះឈ្មោះបោះឆ្នោ និងការបោះឆ្នោតក្រុមប្រឹក្សាឃុំសង្កាត់ឆ្នាំ២០២២»។ រីឯព័ត៌មានអន្តរជាតិវិញមានដូចជា វីរុសកូវីដ១៩ បំប្លែងថ្មី Omicron បានជំរុញប្រទេសនានាឱ្យបិទព្រំដែនរបស់ខ្លួន។ ការចរចាស្តីពីកិច្ចព្រមព្រៀងនុយក្លេអ៊ែរអ៊ីរ៉ង់ បានបន្តជាថ្មីនៅប្រទេសអូទ្រីស។ ប្រធានាធិបតីតៃវ៉ាន់ថា តៃវ៉ាន់និងអឺរ៉ុបត្រូវតែការពារលទ្ធិប្រជាធិបតេយ្យជាមួយគ្នានិងព័ត៌មានដទៃទៀត៕

1 hr

November 28, 2021 ព័ត៌មានពេលរាត្រី៖ ២៨ វិច្ឆិកា ២០២១ - វិច្ឆិកា 28, 2021

ព័ត៌មានអំពីកម្ពុជាមាន បំណុលជំពាក់ថៅកែឡឥដ្ឋនៅតែជាមូលហេតុធ្វើឲ្យក្មេងៗត្រូវធ្វើការទាំងខុសច្បាប់។ អាកាសធាតុប្រែប្រួលខ្លាំង ទឹកជំនន់ញឹកញាប់ ជាក្តីព្រួយបារម្ភដល់ប្រជាពលរដ្ឋនៅក្រុងព្រះសីហនុ។ សេចក្តីដកស្រង់នៃកម្មវិធី Hello VOA ស្តីពីការចំណាកស្រុករបស់ពលករខ្មែរទៅប្រទេសថៃ ក្រោយកម្ពុជាប្រកាសបើកប្រទេសឡើងវិញ។ រីឯព័ត៌មានអន្តរជាតិវិញមាន ក្រុមនេះកំពុងជួយកសិករស្វែងរកវិធីសាស្ត្រថ្មីក្នុងការបង្កើនទិន្នផលរបស់ពួកគេ ខណៈដែលសង្គ្រោះជម្រកបក្សីដែលជិតផុតពូជពីការរំលោភបំពានរបស់មនុស្ស។ ការប្រយុទ្ធនឹងការប្រែប្រួលអាកាសធាតុដើម្បីជួយសង្គ្រោះឆ្នេរពីការលិចលង់។ ប្រទេសរុស្សីប្រឹងប្រែងពង្រឹងចំណងទាក់ទងជាមួយអាស៊ីដើម្បីទប់ទល់នឹងសម្ព័ន្ធភាពឥណ្ឌូប៉ាស៊ីហ្វិក៕

1 hr

November 27, 2021 ព័ត៌មានពេលរាត្រី៖ ២៧ វិច្ឆិកា ២០២១ - វិច្ឆិកា 27, 2021

ព័ត៌មានអំពីកម្ពុជាមាន បទសម្ភាសន៍ជាមួយអ្នកស្រី ហ៊ឹម ច័ន្ទឫទ្ធី អ្នកនិពន្ធសៀវភៅ When Broken Glass Floats ឬជាភាសាខ្មែរថា «នៅពេលអំបែងអណ្តែត» អំពីការសម្តែងល្ខោនដែលមានចំណងជើងថា Four Children ឬជាភាសាខ្មែរថា«កុមារបួននាក់» ដែលជាការដកស្រង់ចេញពីសៀវភៅ៤ក្បាល រៀបរាប់អំពីបទពិសោធន៍ឆ្លងកាត់សង្គ្រាមរបស់កុមារ៤នាក់មកពីប្រទេសផ្សេងគ្នា។ សេចក្តីដកស្រង់នៃកម្មវិធី Hello VOA ស្តីពី«ការស្តារនយោបាយកម្ពុជាឡើងវិញ ក្រោយវិបត្តិជំងឺរាតត្បាតកូវីដ១៩»។ រីឯព័ត៌មានអន្តរជាតិវិញមាន ក្រុមសកម្មជន រំពឹងថា ទទួលបានលទ្ធផលច្រើនពីការពិភាក្សារវាងលោក Biden និងលោក Xi។ ការជួយធម្មជាតិស្តារសមត្ថភាពឡើងវិញដើម្បីទប់ទល់នឹងការប្រែប្រួលអាកាសធាតុ។ ការឈានជើងចូលរបស់ចិនក្នុងវិស័យឌីជីថលនៅទ្វីបអាហ្រ្វិក ធ្វើឲ្យអ្នកជំនាញព្រួយបារម្ភ៕

1 hr

November 26, 2021 ព័ត៌មានពេលរាត្រី៖ ២៦ វិច្ឆិកា ២០២១ - វិច្ឆិកា 26, 2021

ព័ត៌មានអំពីកម្ពុជាមាន រដ្ឋសភាអនុម័តថវិកាជាតិឆ្នាំ២០២២ត្រៀមស្តារពីផលប៉ះពាល់ជំងឺកូវីដ រៀបចំកិច្ចប្រជុំអាស៊ាន និងការបោះឆ្នោត។ គណបក្សបេះដូងជាតិប្តឹងទៅតុលាការកំពូលពាក់ព័ន្ធនឹងការចុះបញ្ជីគណបក្ស។ លោក រ៉ុង ឈុន មិនទាន់កំណត់ផ្លូវដើរនយោបាយ ខណៈសកម្មជនដទៃប្តេជ្ញាបន្តលើកស្ទួយប្រជាធិបតេយ្យ។ កសិករនៅតំបន់ជាប់មាត់សមុទ្រកម្ពុជារងផលប៉ះពាល់ ដោយសារទឹកប្រៃជ្រៀតចូលស្រែ។ រីឯព័ត៌មានអន្តរជាតិវិញមាន ផលប៉ះពាល់មុខពីរនៃបម្រែបម្រួលអាកាសធាតុ និងរបៀបដោះស្រាយបញ្ហានេះ។ ប្រទេសចិនរៀបចំជាថ្មីគម្រោងក្រវ៉ាត់ផ្លូវពាណិជ្ជកម្ម៕

1 hr

November 25, 2021 ព័ត៌មានពេលរាត្រី៖ ២៥ វិច្ឆិកា ២០២១ - វិច្ឆិកា 25, 2021

ព័ត៌មានអំពីកម្ពុជាមាន កិច្ចប្រជុំអាស៊ីអឺរ៉ុបចាប់ផ្តើម ដោយកម្ពុជាធ្វើជាម្ចាស់ផ្ទះក្រោមមូលបទ«ការពង្រឹងពហុភាគីនិយម ដើម្បីកំណើនរួមគ្នា»។ អូស្ត្រាលីទំនងមិនបន្តកិច្ចព្រមព្រៀងជនភៀសខ្លួនជាមួយកម្ពុជាទៀតទេ។ អូស្ត្រាលីរំពឹងថា កម្ពុជារក្សា«តុល្យភាព» ពេលធ្វើជាប្រធានអាស៊ាន។ សង្គមស៊ីវិលអំពាវនាវឲ្យមានកំណែទម្រង់តុលាការ និងទម្លាក់បទចោទប្រកាន់លើសកម្មជនដែលត្រូវបានដោះលែង។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី «ការចំណាកស្រុករបស់ពលករខ្មែរទៅប្រទេសថៃក្រោយកម្ពុជាប្រកាសបើកប្រទេសឡើងវិញ»។ រីឯព័ត៌មានអន្តរជាតិវិញមាន ចិននិយាយថា ខ្លួននឹងមិនធ្វើអនុតរភាពលើតំបន់សមុទ្រដែលមានជម្លោះនោះទេ តើនេះជាការពិតឬទេ? ប្រទេសចិននិយាយថា សហរដ្ឋអាមេរិក មិនត្រូវយល់ខុសអំពីកោះតៃវ៉ាន់នោះទេ។ ជនចំណាកស្រុកយ៉ាងហោចណាស់២៧នាក់ បានស្លាប់ក្នុងការឆ្លងច្រកសមុទ្រអង់គ្លេស។ ប្រទេសអូស្ត្រាលីបញ្ជូនកងទ័ពនិងប៉ូលិសទៅកាន់កោះ Solomons ខណៈពេលមានភាពចលាចលនៅទីនោះ៕

1 hr

November 24, 2021 ព័ត៌មានពេលរាត្រី៖ ២៤ វិច្ឆិកា ២០២១ - វិច្ឆិកា 24, 2021

ព័ត៌មានអំពីកម្ពុជាមានដូចជា លោក ហ៊ុន សែន សរសើរប្រភពជំនួយពីចិន ដោយគោរពតាមការចង់បានរបស់កម្ពុជា។ សកម្មជនសិទ្ធិមនុស្សបង្ហាញមន្ទិលចំពោះការចាប់ខ្លួនជនសង្ស័យក្នុងឃាតកម្មសម្លាប់សកម្មជនគណបក្សជំទាស់ ។ រីឯព័ត៌មានអន្តរជាតិវិញមានដូចជា សហរដ្ឋអាមេរិកនិងប្រទេស៥ទៀត នឹងបញ្ចេញប្រេងបម្រុង ដើម្បីកាត់បន្ថយតម្លៃប្រេងប្រើប្រាស់។ រដ្ឋបាលលោក Biden អញ្ជើញកោះតៃវ៉ាន់ឲ្យចូលរួមសន្និសីទកំពូលរបស់ខ្លួនស្តីពីប្រជាធិបតេយ្យ។ រដ្ឋមន្ត្រីការបរទេសបារាំងថា តំបន់អាស៊ីប៉ាស៊ីហ្វិក ជាអាទិភាពនៅពេលបារាំងធ្វើជាប្រធានសហភាពអឺរ៉ុប។ ក្រុមសកម្មជន រំពឹងថា ទទួលបានលទ្ធផលច្រើនពីការពិភាក្សារវាងលោក Biden និងលោក Xi និងព័ត៌មានដទៃទៀត៕

1 hr