កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

November 03, 2021 ព័ត៌មានពេលរាត្រី៖ ៣ វិច្ឆិកា ២០២១ - វិច្ឆិកា 03, 2021
ព័ត៌មានអំពីកម្ពុជាមាន កម្ពុជា គ្រោងតែងតាំងបេក្ខភាពថ្មីជាប្រេសិតអាស៊ានលើបញ្ហាភូមាឱ្យចូលកាន់តំណែងឆ្នាំក្រោយ។ អវត្តមានកម្ពុជាពីសេចក្ដីប្ដេជ្ញាចិត្តសាកលអំពីការការពារព្រៃឈើ នាំឱ្យមានការរិះគន់។ ក្រុមវេជ្ជបណ្ឌិតខ្មែរអាមេរិកាំងចេញសារប្រឆាំងព័ត៌មានបំផ្លើសពីវ៉ាក់សាំងកូវីដនិងជំរុញអ្នកស្ទាក់ស្ទើរទៅចាក់។ ប្រជានេសាទរងគ្រោះពីខ្យល់មិនទៀងទាត់ និងផលប៉ះពាល់នៃការអភិវឌ្ឍតាមព្រែកសមុទ្រ។ រីឯព័ត៌មានអន្តរជាតិវិញមាន លោក Biden ប្រកាសការប្តេជ្ញាចិត្តខាងអាកាសធាតុ និងរិះគន់គូប្រជែងនៅកិច្ចប្រជុំកំពូលអំពីអាកាសធាតុ។ មីយ៉ាន់ម៉ាប្រឆាំងសម្ពាធអន្តរជាតិ បដិសេធដំណើរទស្សនកិច្ចជួបអ្នកស្រី Suu Kyi។ សហរដ្ឋអាមេរិក យល់ព្រមឱ្យចាក់វ៉ាក់សាំងកូវីដ១៩សម្រាប់កុមារអាយុពី៥ ទៅ១១ឆ្នាំ។ ពលរដ្ឋចិនស្តុកទុកស្បៀងអាហារ ខណៈសីតុណ្ហភាពធ្លាក់ចុះ និងជំងឺកូវីដ១៩រាលដាល។ ផលប៉ះពាល់មុខពីរនៃបម្រែបម្រួលអាកាសធាតុ និងរបៀបដោះស្រាយបញ្ហានេះ។ វិបត្តិសេដ្ឋកិច្ចដោយសារជំងឺកូវីដ១៩ បង្កើនការនេសាទខុសច្បាប់នៅកេនយ៉ា។ ការបោះឆ្នោតមូលដ្ឋានក្នុងប្រទេសអាហ្វ្រិកខាងត្បូង ជាការសាកល្បងដល់អ្នកស្មោះត្រង់នៃគណបក្សរបស់លោក Mandela៕
1 hr
November 02, 2021 ព័ត៌មានពេលរាត្រី៖ ២ វិច្ឆិកា ២០២១ - វិច្ឆិកា 02, 2021
ព័ត៌មានអំពីកម្ពុជាមាន តំបន់ឆ្នេរកម្ពុជា ត្រៀមទទួលទេសចរដែលចាក់វ៉ាក់សាំងរួចរាល់ ពីចុងខែវិច្ឆិកាតទៅ។ សង្គមស៊ីវិលជំរុញរដ្ឋាភិបាលឱ្យបញ្ចប់និទណ្ឌភាពនៃឧក្រិដ្ឋកម្មប្រឆាំងអ្នកកាសែត។ រីឯព័ត៌មានអន្តរជាតិវិញមាន ក្រុមប្រឆាំងតាលីបង់ ចុះបញ្ជីនៅសហរដ្ឋអាមេរិកព្យាយាមបង្កើតចលនាតស៊ូរបស់ជនជាតិអាហ្វហ្គានីស្ថាន។ តៃវ៉ាន់ នឹងទាក់ទាញអ្នកគាំទ្រនៅ APEC សម្រាប់ការសុំចូលរួមក្នុងកតិកាពាណិជ្ជកម្មប៉ាស៊ីហ្វិក។ ប្រទេសចិន ជារបៀបវារៈសំខាន់នៃកិច្ចប្រជុំអាមេរិក-ឥណ្ឌូណេស៊ី។ អគារនៅប្រទេសនីហ្សេរីយ៉ា បាក់សម្លាប់មនុស្សយ៉ាងតិច៣នាក់។ លោក Biden ថ្លែងបើកសន្និសីទ COP26 ដោយមានការប្តេជ្ញាថ្មីរបស់អាមេរិកអំពីអាកាសធាតុ។ លោក Colin Powell បានធ្វើការជូនប្រធានាធិបតីអាមេរិក និងបានជួយរៀបចំគោលនយោបាយការបរទេសអាមេរិក។ ប្រទេសឥណ្ឌា ត្រៀមខ្លួនសម្រាប់ការជាប់គាំងរយៈពេលយូរចំពោះជម្លោះព្រំដែនជាមួយចិន។ ប្រទេសសេណេហ្គាល់ ប្រឈមនឹងវិបត្តិនេសាទ៕
1 hr
November 01, 2021 ព័ត៌មានពេលរាត្រី៖ ១ វិច្ឆិកា ២០២១ - វិច្ឆិកា 01, 2021
ព័ត៌មានអំពីកម្ពុជាមាន រដ្ឋមន្ត្រី៖ កម្ពុជា មិនធ្វើរោងចក្រអគ្គិសនីដើរដោយធ្យូងថ្មថ្មីបន្ថែមនោះទេ។ ការទទួលសិស្សមករៀនផ្ទាល់វិញនៅជួបការប្រឈម ខណៈសាលារៀនទូទាំងប្រទេសបើកទ្វារឡើងវិញ។ កុមារា កាក់ សុវណ្ណច្ឆ័យ ត្រូវតុលាការកាត់ទោសឱ្យជាប់ពន្ធនាគារពីបទ«ញុះញង់»។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«ការប្រឈមជាទូទៅរបស់ស្រ្តីនៅក្នុងតួនាទីជាអ្នកដឹកនាំ»។ រីឯព័ត៌មានអន្តរជាតិវិញមាន មេដឹកនាំពិភពលោក នឹងផ្តោតលើការប្រែប្រួលអាកាសធាតុនៅក្នុងសន្និសីទចំនួន២សប្តាហ៍។ សកម្មជនហុងកុងបីនាក់ បដិសេធការចោទប្រកាន់អំពីពិធីរំឭកការបង្ក្រាបនៅទីលាន Tiananmen។ កូរ៉េខាងត្បូង និងសហរដ្ឋអាមេរិកធ្វើសមយុទ្ធដែនអាកាសរួមគ្នាស្ងាត់ៗ ចំពេលមានការអំពាវនាវចង់ចរចាជាមួយកូរ៉េខាងជើង។ អ្នកវិទ្យាសាស្រ្តនូវវែលសេឡង់ស៊ើបអង្កេតផលប៉ះពាល់ពីកម្ទេចកម្ទីប្លាស្ទិកលើការប្រែប្រួលអាកាសធាតុ៕
1 hr
October 31, 2021 ព័ត៌មានពេលរាត្រី៖ ៣១ តុលា ២០២១ - តុលា 31, 2021
ព័ត៌មានអំពីកម្ពុជាមាន ប្រជានេសាទ រងគ្រោះពីខ្យល់មិនទៀងទាត់ និងផលប៉ះពាល់នៃការអភិវឌ្ឍតាមព្រែកសមុទ្រ។ រដ្ឋាភិបាល គ្រោងបោះផ្សាយមូលបត្ររដ្ឋលើកដំបូង ខណៈការចំណាយឆ្នាំ២០២២ត្រូវគ្រោងជាង ៨ ពាន់ លានដុល្លារ។ បេក្ខជនគណបក្សប្រជាធិបតេយ្យមូលដ្ឋាន សង្ឃឹមទទួលសំឡេងគាំទ្រក្នុងការបោះឆ្នោតឃុំសង្កាត់។ បទសម្ភាសន៍ដកស្រង់ពីកម្មវិធី Hello VOA៖ អ្នកជំនាញថា កសិករកម្ពុជារងបន្ទុកធ្ងន់ធ្ងរពីជំងឺរាតត្បាតកូវីដ១៩។ ខ្មែរក្រៅស្រុក បង្កើតគណៈកម្មការស៊ើបអង្កេតការរំលោភសិទ្ធិមនុស្ស៕
1 hr
October 30, 2021 ព័ត៌មានពេលរាត្រី៖ ៣០ តុលា ២០២១ - តុលា 30, 2021
ព័ត៌មានអំពីកម្ពុជាមាន កសិករនៅតំបន់ជាប់មាត់សមុទ្រកម្ពុជារងផលប៉ះពាល់ ដោយសារទឹកប្រៃជ្រៀតចូលស្រែ។ អ្នកជំនាញថា វាគួរឲ្យអាម៉ាស់ បើកម្ពុជាផ្តល់អាទិភាពដល់ការអភិវឌ្ឍសេដ្ឋកិច្ច ដោយរំលងការបង្ការការប្រែប្រួលអាកាសធាតុ។ សេចក្តីដកស្រង់នៃកម្មវិធីហេឡូវីអូអេស្តីពីផលប្រយោជន៍នៃជំនួយបរទេសក្នុងការអភិវឌ្ឍកម្ពុជាក្នុងរយៈពេល៣០ឆ្នាំនេះ។ រីឯព័ត៌មានអន្តរជាតិវិញមាន ប្រទេសអូស្ត្រាលីខ្វែងគំនិតគ្នាអំពីអនាគតឧស្សាហកម្មធ្យូងថ្មធំមហិមា។ រដ្ឋសភាថៃ ពិភាក្សាលើកំណែទម្រង់ស្ថាប័នប៉ូលិស បន្ទាប់ពីមានរឿងអាស្រូវថ្មីចុងក្រោយ៕
1 hr
October 29, 2021 ព័ត៌មានពេលរាត្រី៖ ២៩ តុលា ២០២១ - តុលា 29, 2021
ព័ត៌មានអំពីកម្ពុជាមាន មេដឹកនាំនិងក្រុមមន្ត្រីកម្ពុជា ថ្លែងសារថ្វាយព្រះពរខួបឡើងសោយរាជ្យសម្បត្តិរបស់ព្រះបាទនរោត្តមសីហមុនី។ កម្ពុជា បានក្លាយជាប្រធានអាស៊ានជាផ្លូវការសម្រាប់ឆ្នាំ២០២២។ ការទូទាត់ប្រាក់អត្ថប្រយោជន៍ផ្សេងៗ នៅមិនច្បាស់លាស់រវាងទូរទស្សន៍ CNC និងអតីតបុគ្គលិក។ រដ្ឋាភិបាលកម្ពុជា បង្ហាញផែនការបន្តសង្គ្រោះពលរដ្ឋរងផលប៉ះពាល់ដោយសារវិបត្តិកូវីដ១៩។ អាកាសធាតុប្រែប្រួលខ្លាំង ទឹកជំនន់ញឹកញាប់ ជាក្តីព្រួយបារម្ភដល់ប្រជាពលរដ្ឋនៅក្រុងព្រះសីហនុ។ អ្នកជំនាញថា វាគួរឲ្យអាម៉ាស់ បើកម្ពុជាផ្តល់អាទិភាពដល់ការអភិវឌ្ឍសេដ្ឋកិច្ច ដោយរំលងការបង្ការការប្រែប្រួលអាកាសធាតុ។ រីឯព័ត៌មានអន្តរជាតិវិញមាន យោធាចិន ផ្តោតលើគោលដៅដើម្បីវ៉ាដាច់សហរដ្ឋអាមេរិក និងរុស្ស៊ី។ ប្រធានាធិបតីចិនលោក Xi ចូលរួមសន្និសីទកំពូល G-20 តាមការភ្ជាប់វីដេអូ។ សហរដ្ឋអាមេរិក នឹងផ្តល់ថវិកា១៤៤លានដុល្លារដល់អាហ្វហ្គានីស្ថានជាជំនួយមនុស្សធម៌។ ប្រទេសរុស្សី ប្រឹងប្រែងពង្រឹងចំណងទាក់ទងជាមួយអាស៊ី ដើម្បីទប់ទល់នឹងសម្ព័ន្ធភាពឥណ្ឌូ-ប៉ាស៊ីហ្វិក៕
1 hr
October 28, 2021 ព័ត៌មានពេលរាត្រី៖ ២៨ តុលា ២០២១ - តុលា 28, 2021
ព័ត៌មានអំពីកម្ពុជាមាន បុគ្គលិកប៉ុស្តិ៍ទូរទស្សន៍ CNC ស្នើសុំអន្តរាគមន៍ពីសហភាពការងារកម្ពុជាដើម្បីការពារអត្ថប្រយោជន៍។ អ្នកពាក់ព័ន្ធក្នុងវិស័យទេសចរណ៍៖ ការងើបឡើងវិញនៃអាជីវកម្មទេសចរណ៍ រំពឹងលើការសាកល្បងទទួលទេសចរដែលចាក់វ៉ាក់សាំងរួចរាល់។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី «ស្ថានភាពកសិករកម្ពុជា ក្រោមសម្ពាធកូវីដនិងការធ្វើចំណាកស្រុក»។ រីឯព័ត៌មានអន្តរជាតិវិញមាន លោក Biden ទំនងជានឹងទៅចូលរួមកិច្ចប្រជុំ COP26 ដោយគ្មានកិច្ចព្រមព្រៀងចុងក្រោយរបស់សហរដ្ឋអាមេរិក។ ប្រទេស G-20 ប្រឈមនឹងវិសមភាពវ៉ាក់សាំង។ ប្រធានាធិបតីតៃវ៉ាន់បញ្ជាក់ប្រាប់ CNN ថា ទាហានអាមេរិក ហ្វឹកហាត់ទាហាននៅកោះតៃវ៉ាន់។ សហរដ្ឋអាមេរិក ផ្តល់វ៉ាក់សាំងចំនួន ៤,៨ លានដូសដល់ប្រទេស៤នៅទ្វីបអាហ្វ្រិក។ ឥណ្ឌារិះគន់ច្បាប់ថ្មីស្តីពីព្រំដែនគោករបស់ចិន។ បេសកជនអង្គការសហប្រជាជាតិ អំពាវនាវឲ្យមេដឹកនាំរបបសឹកយោធាមីយ៉ាន់ម៉ាចុះចេញពីតំណែង៕
1 hr
October 27, 2021 ព័ត៌មានពេលរាត្រី៖ ២៧ តុលា ២០២១ - តុលា 27, 2021
ព័ត៌មានអំពីកម្ពុជាមាន កម្ពុជា និងកូរ៉េខាងត្បូង ចុះកិច្ចព្រមព្រៀងពាណិជ្ជកម្មសេរីជាមួយគ្នា។ អង្គការសិទ្ធិមនុស្សអាមេរិកថា វិធានការបង្ហាញបណ្ណចាក់វ៉ាក់សាំងកូវីដ១៩ អាចបង្កហានិភ័យដល់សិទ្ធិពលរដ្ឋ។ គណបក្សភ្លើងទៀន នឹងពិនិត្យលទ្ធភាពថា ត្រូវចូលរួមការបោះឆ្នោតឃុំសង្កាត់ ឬអត់។ បំណុលជំពាក់ថៅកែឡឥដ្ឋ នៅតែជាមូលហេតុធ្វើឲ្យក្មេងៗត្រូវធ្វើការទាំងខុសច្បាប់។ រីឯព័ត៌មានអន្តរជាតិវិញមាន លោក Biden ពង្រីក«ភាពជាដៃគូយុទ្ធសាស្ត្រ»អាមេរិក-អាស៊ាន។ ការបង្រ្កាបដោយក្រុមយោធាមីយ៉ាន់ម៉ានៅក្នុងរដ្ឋ Chin។ គណៈកម្មាធិការព្រឹទ្ធសភាប្រេស៊ីល ផ្តល់អនុសាសន៍ឲ្យចោទប្រកាន់បទព្រហ្មទណ្ឌលើប្រធានាធិបតីប្រស៊ីលអំពីជំងឺកូវីដ១៩។ ក្រុមប្រឹក្សាទីភ្នាក់ងារម្ហូបអាហារនិងឱសថអាមេរិក អនុញ្ញាតលើការស្នើសុំចាក់វ៉ាក់សាំងកូវីដ១៩របស់ក្រុមហ៊ុន Pfizer សម្រាប់កុមារ។ បុរសខ្លាំងក្នុងប្រទេសស៊ូដង់ ត្រូវបានគេមើលឃើញថា មានការគាំទ្រដោយសម្ព័ន្ធមិត្តដែលមានអំណាច។ ពេលវេលានៃលទ្ធភាពវាយប្រហារអាមេរិកដោយក្រុមរដ្ឋអ៊ីស្លាម និងអាល់កៃដាកាន់តែជិតមកដល់។ ការសិក្សាថ្មី៖ គម្រោងក្រវាត់ផ្លូវពាណិជ្ជកម្ម (BRI) របស់ចិន ផ្តោតលើប្រាក់ចំណេញ មិនមែនលើការអភិវឌ្ឍនោះទេ។ កម្មវិធីព័ត៌មានអវកាសខែនេះ ស្តីពីកូរ៉េខាងត្បូង បោះជំហានមួយទៀតឆ្ពោះទៅកាន់ឋានព្រះច័ន្ទ និងព័ត៌មានផ្សេងទៀត៕
1 hr
October 26, 2021 ព័ត៌មានពេលរាត្រី៖ ២៦ តុលា ២០២១ - តុលា 26, 2021
ព័ត៌មានអំពីកម្ពុជាមានដូចជា សកម្មជនសង្គមនិងនយោបាយ ត្រូវបានកាត់ទោសឲ្យជាប់ពន្ធនាគារ២០ខែក្នុងសំណុំរឿងតវ៉ាប្រឆាំងការចាប់ខ្លួនលោក រ៉ុង ឈុន។ ពលរដ្ឋរងគ្រោះនៅជាប់ស្ទឹងព្រែកត្នោតថា កម្រិតទឹកជំនន់ខ្ពស់ជាងឆ្នាំមុន។ រីឯព័ត៌មានអន្តរជាតិវិញមានដូចជា សហរដ្ឋអាមេរិក នឹងទទួលអ្នកដំណើរតាមយន្តហោះដែលបានចាក់វ៉ាក់សាំងគ្រប់ដូស។ បេសកជនអាមេរិកថា ការប្រឹងប្រែងស្តីពីកិច្ចព្រមព្រៀងនុយក្លេអ៊ែរអ៊ីរ៉ង់ កំពុងស្ថិតក្នុងដំណាក់កាលដ៏សំខាន់។ ទីប្រឹក្សាសន្តិសុខជាតិអាមេរិក ជួបតំណាងរដ្ឋាភិបាលស្រមោលរបស់ប្រទេសមីយ៉ាន់ម៉ា។ បាតុករក្នុងប្រទេសស៊ូដង់ តវ៉ាតាមដងផ្លូវ បន្ទាប់ពីមានការប្រកាសអាសន្ន។ ប្រធានាធិបតីអេហ្ស៊ីបថា លោកនឹងមិនពន្យារស្ថានភាពគ្រាអាសន្ននោះឡើយ។ ក្រុមហ៊ុនបច្ចេកវិទ្យា Amazon លុបចោលកម្មវិធីអានគម្ពីរកូរ៉ាន និងគម្ពីរព្រះគ្រិស្តពី Apple Store នៅក្នុងប្រទេសចិន។ ព្រះមហាក្សត្រីយានីអង់គ្លេស យាងត្រឡប់មកធ្វើការវិញក្រោយពីបានផ្ទុំក្នុងមន្ទីរពេទ្យ៕
1 hr
October 25, 2021 ព័ត៌មានពេលរាត្រី៖ ២៥ តុលា ២០២១ - តុលា 25, 2021
ព័ត៌មានអំពីកម្ពុជាមាន រដ្ឋសភាកម្ពុជា អនុម័តទាំងស្រុងលើសេចក្តីព្រាងវិសោធនកម្មរដ្ឋធម្មនុញ្ញ«សញ្ជាតិខ្មែរតែមួយគត់»។ រដ្ឋាភិបាលកម្ពុជានិងអង្គទូត រំឭកស្មារតីនិងគុណតម្លៃនៃកិច្ចព្រមព្រៀងសន្តិភាពទីក្រុងប៉ារីស ក្នុងខួប៣០ឆ្នាំ។ សត្វផ្សោតទន្លេមេគង្គមួយក្បាលចុងក្រោយ ប្រឈមនឹងការផុតពូជ ខណៈទំនប់វារីអគ្គិសនីជាបញ្ហាគំរាមកំហែងមួយ។ កម្មវិធី Hello VOA អំពី«ជំនួយអន្តរជាតិសម្រាប់ការកសាងប្រទេសក្រោយពីជម្លោះ និងការទទួលខុសត្រូវរបស់ម្ចាស់ប្រទេស»។ រីឯព័ត៌មានអន្តរជាតិវិញមាន មន្ត្រីរដ្ឋាភិបាលស៊ូដង់ត្រូវបានឃុំខ្លួន ប្រព័ន្ធអ៊ីនធឺណិតនិងព្រលានយន្តហោះត្រូវបានបិទ ទំនងជាមានរដ្ឋប្រហារ។ លោក Biden ជំរុញជាចុងក្រោយឱ្យបោះឆ្នោតគាំទ្រផែនការចំណាយស្តីពីសុវត្ថិភាពសង្គម។ របាយការណ៍ថា កិច្ចសហការវ៉ាក់សាំងសាកល Covax «បរាជ័យភាគច្រើន»។ អង្គការ Amesty International បិទការិយាល័យនៅហុងកុងដោយសារច្បាប់សន្តិសុខជាតិ។ បេសកជនអាមេរិក ជំរុញឱ្យកូរ៉េខាងជើងបញ្ចប់«ការបង្កហេតុ»៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…