កម្មវិធីព័ត៌មានពេលរាត្រី - វីអូអេ podcast - Page 127

October 14, 2021 ព័ត៌មានពេលរាត្រី៖ ១៤ តុលា ២០២១ - តុលា 14, 2021

ព័ត៌មានអំពីកម្ពុជាមាន អាមេរិកថាពលរដ្ឋកម្ពុជាសមនឹងបានដឹងរឿងច្រើនអំពីកំណើនសំណង់ថ្មីៗនៅមូលដ្ឋានទ័ពរាម។ ក្រសួងសុខាភិបាលថាការមិនកម្រើកខ្លាំងនៃករណីឆ្លងជំងឺកូវីដ១៩ ដោយសារការគ្រប់គ្រងទាន់ពេល។ គណៈកម្មាធិការអចិន្ត្រៃយ៍សភាបើកផ្លូវឲ្យមានការពិភាក្សាច្បាប់កំណត់សញ្ជាតិ ខ្មែរតែមួយសម្រាប់តំណែងរដ្ឋកំពូលៗបួន។ រដ្ឋាភិបាលបញ្ជាអាជ្ញាធរពាក់ព័ន្ធឲ្យដាក់បម្រាមជាបន្ទាន់លើការវាយបំផ្លាញអគារបេតិកភណ្ឌ។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«ការកសាងស្ថាប័នឯករាជ្យនៅកម្ពុជាក្នុង៣ទសវត្សរ៍ចុងក្រោយ»។ រីឯព័ត៌មានអន្តរជាតិវិញមាន សហរដ្ឋអាមេរិកត្រៀមត្រឡប់ចូលជាសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិឡើងវិញ។ ប្រភពនានាថា អាស៊ាននឹងពិភាក្សាអំពីការដកមេដឹកនាំរបបយោធាមីយ៉ាន់ម៉ាចេញពីកិច្ចប្រជុំអាស៊ាន។ សហរដ្ឋអាមេរិកព្រមានថា កិច្ចប្រឹងប្រែងជួយសង្គ្រោះកិច្ចព្រមព្រៀងនុយក្លេអ៊ែរអ៊ីរ៉ង់ប្រឈមនឹងការបរាជ័យ។ សហរដ្ឋអាមេរិករំឭកដល់ជនរងគ្រោះដែលបានស្លាប់ដោយសារជំងឺកូវីដ១៩៕

1 hr

October 13, 2021 ព័ត៌មានពេលរាត្រី៖ ១៣ តុលា ២០២១ - តុលា 13, 2021

ព័ត៌មានអំពីកម្ពុជាមានដូចជា លោក ហ៊ុន សែន ជំរុញពលរដ្ឋឲ្យទៅចាក់វ៉ាក់សាំងកូវីដ ក្នុងទិវាជាតិនៃការគ្រប់គ្រងគ្រោះមហន្តរាយ។ មេធាវីនិងសាច់ញាតិ៖ សេរីភាពលោក រ៉ុង ឈុន ពឹងលើជំហរមិនលម្អៀងរបស់សាលាឧទ្ធរណ៍។ កម្ពុជាប្រាប់ប្រទេសមិនចូលបក្សសម្ព័ន្ធថាបានទប់ស្កាត់មិនឲ្យមាន«បដិវត្តន៍ពណ៌» និងសម្រេចបានការរួបរួមជាតិ។ មន្ត្រីគ្រប់គ្រងគ្រោះមហន្តរាយ៖ បន្ទាយមានជ័យត្រូវចាត់ទុកជាខេត្តរងផលប៉ះពាល់ធ្ងន់ជាងគេ ដោយគ្រោះទឹកជំនន់ក្នុងឆ្នាំ២០២១។ រីឯព័ត៌មានអន្តរជាតិវិញមាន អ្នកសារព័ត៌មានហ្វីលីពីននិងរុស្ស៊ីទទួលបានពានរង្វាន់ណូបែលសន្តិភាព។ សហរដ្ឋអាមេរិកអះអាងពីតម្រូវការប្រឆាំងភេរវកម្មនិងជំនួយមនុស្សធម៌នៅអាហ្វហ្គានីស្ថាន។ រដ្ឋសភាសហរដ្ឋអាមេរិកអនុម័តពង្រីកអំណាចខ្ចីបំណុលរបស់រដ្ឋាភិបាល។ សហរដ្ឋអាមេរិកព្រមានចិនរឿងការបង្កើនយុទ្ធនាការ «ដាក់សម្ពាធ» លើតៃវ៉ាន់។ គណបក្សប្រឆាំងធំបំផុតរបស់ជប៉ុនផ្តោតលើសិទ្ធិមនុស្សនៅក្នុងគោលនយោបាយបក្ស៕

1 hr

October 12, 2021 ព័ត៌មានពេលរាត្រី៖ ១២ តុលា ២០២១ - តុលា 12, 2021

ព័ត៌មានអំពីកម្ពុជាមាន ព្រះមហាក្សត្រកម្ពុជាមិនជំទាស់សំណើវិសោធនកម្មរដ្ឋធម្មនុញកំណត់សញ្ជាតិខ្មែរតែមួយសម្រាប់តំណែងកំពូលរបស់រដ្ឋ។ ស្ថាប័នគាំទ្រសេរីភាពសារព័ត៌មានសុំឲ្យរដ្ឋអំណាចងាកទៅស្នើសុំការកែសម្រួលល្អជាងការប្តឹងផ្តល់។ ថា្នក់ដឹកនាំបក្សជំទាស់ចោទតុលាការថាត្រូវអ្នកមានអំណាចបញ្ជាឲ្យមកបំបិទសំឡេងប្រឆាំង។ ក្រុមជនរងគ្រោះត្រូវការយុត្តិធម៌និងសំណងពេលសាលាក្តីខ្មែរក្រហមអំពាវនាវឲ្យមានការចូលរួមគំនិតចម្រុះ។ រីឯព័ត៌មានអន្តរជាតិវិញមានដូចជា អង្គការសហប្រជាជាតិជំរុញពិភពលោកឲ្យបង្ការកុំឲ្យសេដ្ឋកិច្ចអាហ្វហ្គានីស្ថានដួលរលំ។ ម៉ាឡេស៊ីសង្ឃឹមថា បណ្ដាប្រទេសអាស៊ានមានការឯកភាពគ្នាទាក់ទិននឹងរឿងកិច្ចព្រមព្រៀង AUKUS។ មេដឹកនាំកូរ៉េខាងជើងថា សហរដ្ឋអាមេរិកនិងកូរ៉េខាងត្បូងគំរាមដល់សន្តិភាព។ រុស្ស៊ី អាល្លឺម៉ង់ បារាំងនឹងរៀបចំកិច្ចប្រជុំថ្នាក់រដ្ឋមន្ត្រីស្ដីពីប្រទេសអ៊ុយក្រែន។ គណបក្សរបស់លោក Al-Sadr ឈ្នះ អាសនៈភាគច្រើននៅក្នុងការបោះឆ្នោតសភាអ៊ីរ៉ាក់។ ទោះជាមានវ៉ាក់សាំងគុណភាពទាបក្តី ប្រទេសប្រេស៊ីលមានការជឿនលឿនប្រឆាំងជំងឺកូវីដ និងព័ត៌មានផ្សេងៗទៀត៕

1 hr

October 11, 2021 ព័ត៌មានពេលរាត្រី៖ ១១ តុលា ២០២១ - តុលា 11, 2021

ព័ត៌មានអំពីកម្ពុជាមាន រដ្ឋាភិបាលសម្រេចផ្អាកពិធីបុណ្យអុំទូក ដោយលើកហេតុផលនៃការឆ្លងជំងឺកូវីដ១៩។ អ្នកនយោបាយបន្តខ្វែងគំនិតគ្នាលើការធ្វើច្បាប់កំណត់សញ្ជាតិខ្មែរតែមួយសម្រាប់តំណែងកំពូលរដ្ឋ។ អ្នកសារព័ត៌មាននិងសកម្មជនថាច្រកទ្វារអ៊ីនធឺណិតកម្ពុជា បង្កើនការភ័យខ្លាច។ កម្មវិធី Hello VOA អំពី «សេចក្តីព្រាងច្បាប់ស្តីពីសិទ្ធិទទួលព័ត៌មាននៅកម្ពុជា៖ កាន់តែសេរីឬរឹតត្បិតជាងមុន?» រីឯព័ត៌មានអន្តរជាតិវិញមានដូចជា ក្រុមតាលីបង់ថា សហរដ្ឋអាមេរិកបានយល់ព្រមផ្ដល់ជំនួយមនុស្សធម៌ដល់អាហ្វហ្គានីស្ថាន។ ការបោះឆ្នោតនៅអ៊ីរ៉ាក់បានបញ្ចប់ ដោយមានអ្នកចេញមកបោះឆ្នោតក្នុងចំនួនទាបបំផុត។ ការពិភាក្សារវាងឥណ្ឌានិងចិនដើម្បីបន្ធូរបន្ថយភាពតានតឹងនៅព្រំដែនបានបរាជ័យ។ អាជ្ញាធររដ្ឋ Victoria នៅអូស្ត្រាលីថា ការជួបជុំគ្នាដែលបំពានការបិទខ្ទប់ បង្កឲ្យករណីឆ្លងកូវីដកើនឡើង និងព័ត៌មានផ្សេងៗទៀត៕

1 hr

October 10, 2021 ព័ត៌មានពេលរាត្រី៖ ១០ តុលា ២០២១ - តុលា 10, 2021

ព័ត៌មានអំពីកម្ពុជាមាន អ្នកសារព័ត៌មាននិងសកម្មជនថាច្រកទ្វារអ៊ីនធឺណិតកម្ពុជា បង្កើនការភ័យខ្លាច។ អនាគតគ្រួសារមួយត្រូវបានបំផ្លាញដោយសារជំងឺកូវីដ១៩ ក្នុងពេលតែមួយប៉ព្រិចភ្នែក។ សង្គមស៊ីវិលអំពាវនាវឲ្យទម្លាក់បទចោទប្រកាន់ប្រឆាំងនឹងកុមារ កាក់ សុវណ្ណច្ឆ័យ។ រដ្ឋមន្ត្រីក្រសួងមហាផ្ទៃប្តេជ្ញាថានឹងបង្កើនចំណេះដឹងពាក់ព័ន្ធការផ្ទេរអំណាចថ្នាក់ក្រោមជាតិដល់ពលរដ្ឋ។ សម្រង់សង្ខេបពីកម្មវិធី Hello VOA អំពី «អាស៊ាន កម្ពុជា និងសន្ដិសុខត្រីភាគីថ្មី អូស្ត្រាលី-អង់គ្លេស-អាមេរិក»។ រីឯព័ត៌មានអន្តរជាតិវិញមានដូចជា ក្រសួងហិរញ្ញវត្ថុអាមេរិកថា ពលរដ្ឋអាមេរិកាំងអ្នកមានបំផុតគេចបង់ពន្ធ រាប់ពាន់លានដុល្លារ។ សហគ្រាសបង្កើតថ្មីមួយនៅបេណាំងធ្វើកុំព្យូទ័រពីសំបកធុងប្លាស្ទិក និងលក់ក្នុងតម្លៃទាប៕

1 hr

October 09, 2021 ព័ត៌មានពេលរាត្រី៖ ៩ តុលា ២០២១ - តុលា 09, 2021

ព័ត៌មានអំពីកម្ពុជាមាន ចិននិងបណ្តាប្រទេសមេគង្គក្រោមរួមគ្នាសិក្សាពីផលប៉ះពាល់នៃទំនប់វារីអគ្គិសនីនិងការប្រែប្រួលអាកាសធាតុលើទន្លេមេគង្គ។ បុគ្គលិកកាស៊ីណូសេនជូរីថាក្រុមហ៊ុនបង្ខំឲ្យពួកគាត់លាឈប់ ទាំងមិនទាន់ជាដាច់ពីជំងឺកូវីដ១៩។ សម្រង់សង្ខេបពីកម្មវិធី Hello VOA អំពី «ការរើសអើងនិងផលប៉ះពាល់ដល់សិទ្ធិនិង ការចូលរួមរបស់ស្ត្រីនៅក្នុងការអភិវឌ្ឍន៍សង្គម»។ រីឯព័ត៌មានអន្តរជាតិវិញមាន វ៉ាក់សាំងកូវីដ១៩ការទូតរបស់ចិនបានទៅដល់ប្រទេសជាង ១០០។ ពួកតាលីបង់និយាយថាពួកគេនឹងប្រើផ្នែកខ្លះនៃរដ្ឋធម្មនុញ្ញរាជានិយមដើម្បីគ្រប់គ្រងប្រទេសនៅពេលនេះ៕

1 hr

October 08, 2021 ព័ត៌មានពេលរាត្រី៖ ៨ តុលា ២០២១ - តុលា 08, 2021

ព័ត៌មានអំពីកម្ពុជាមាន សំណើវិសោធនកម្មរដ្ឋធម្មនុញ្ញលើកទី៩ឆ្លងផុតគណៈរដ្ឋមន្ត្រី ក្រោមសន្ធឹកគាំទ្ររបស់បក្សកាន់អំណាច។ តុលាការចោទលោក សម រង្ស៊ី ពីបទរួមគំនិតក្បត់ថ្មីទៀត ចំពោះការប្រកាសឲ្យពលរដ្ឋក្រោកផ្តួលរដ្ឋាភិបាល។ ក្រុមជនរងគ្រោះត្រូវការយុត្តិធម៌និងសំណងពេលសាលាក្តីខ្មែរក្រហមអំពាវនាវឲ្យមានការចូលរួមគំនិតចម្រុះ។ អនាគតគ្រួសារមួយត្រូវបានបំផ្លាញដោយសារជំងឺកូវីដ១៩ ក្នុងពេលតែមួយប៉ព្រិចភ្នែក។ រីឯព័ត៌មានអន្តរជាតិវិញមានដូចជា សមាជិកព្រឹទ្ធសភាអាមេរិកព្រមព្រៀងពង្រីកសិទ្ធិរបស់រដ្ឋាភិបាលដើម្បីខ្ចីប្រាក់។ ក្រុមមន្ត្រីអាមេរិក មានគម្រោងចរចាជាមួយប្រទេសម៉ិកសិក។ លោក Biden សរសើរអំពីជោគជ័យនៃការតម្រូវឲ្យចាក់វ៉ាក់សាំងកូវីដ១៩។ ក្រសួងការពារជាតិអាមេរិកមិនបញ្ជាក់អំពីកងកម្លាំងពិសេសអាមេរិកនៅកោះតៃវ៉ាន់។ សហរដ្ឋអាមេរិកនិងសហភាពអឺរ៉ុបជំរុញឲ្យរុស្ស៊ីស្វែងរកនិងដាក់ទោសមេខ្លោងសម្លាប់អ្នកកាសែតនៅឆ្នាំ២០០៦។ ក្រសួងហិរញ្ញវត្ថុអាមេរិកថា ពលរដ្ឋអាមេរិកាំងអ្នកមានបំផុតគេចបង់ពន្ធរាប់ពាន់លានដុល្លារ៕

1 hr

October 07, 2021 ព័ត៌មានពេលរាត្រី៖ ៧ តុលា ២០២១ - តុលា 07, 2021

ព័ត៌មានអំពីកម្ពុជាមាន រឿងសញ្ជាតិដ៏ចម្រូងចម្រាសនាំឲ្យកម្ពុជាត្រូវធ្វើច្បាប់កំណត់សញ្ជាតិខ្មែរសម្រាប់តំណែងនាយករដ្ឋមន្ត្រី។ នាយករដ្ឋមន្ត្រីយកភ្ជុំបិណ្ឌសាកល្បងមុនបើកប្រទេស ក្រោយឲ្យបន្ថយតេស្តរហ័ស។ កម្មវិធី Hello VOA អំពី «អាស៊ាន កម្ពុជា និងសម្ព័ន្ធភាពសន្ដិសុខត្រីភាគីថ្មី អូស្ត្រាលី-អង់គ្លេស-អាមេរិក»។ រីឯព័ត៌មានអន្តរជាតិវិញមានដូចជា គណបក្សសាធារណរដ្ឋផ្តល់ដំណោះស្រាយបណ្តោះអាសន្នសម្រាប់បញ្ហាកម្រិតបំណុលអតិបរមារបស់សហរដ្ឋអាមេរិក។ អង្គការសុខភាពពិភពលោកគាំទ្រការចាក់វ៉ាក់សាំងគ្រុនចាញ់ដល់កុមារនៅទ្វីបអាហ្វ្រិក។ តៃវ៉ាន់ស្វះស្វែងរកការគាំទ្រពីអន្តរជាតិបន្ទាប់ពីចិនបង្កើនសកម្មភាពរាតត្បាត។ រដ្ឋមន្ត្រីការបរទេសអាមេរិកពិភាក្សាជាមួយសមភាគីរុស្ស៊ីអំពីការស្តារកិច្ចព្រមព្រៀងនុយក្លេអ៊ែរអ៊ីរ៉ង់ឡើងវិញនិងព័តមានមួយចំនួនទៀត៕

1 hr

October 06, 2021 ព័ត៌មានពេលរាត្រីរី៖ ៦ តុលា ២០២១ - តុលា 06, 2021

ព័ត៌មានអំពីកម្ពុជាមានដូចជា អង្គការសិទ្ធិមនុស្សប្រើឱកាសបុណ្យភ្ជុំបិណ្ឌ សុំឲ្យមានការដោះលែងសកម្មជនបរិស្ថាន។ រដ្ឋបាលរាជធានីភ្នំពេញប្រាប់ពលរដ្ឋឲ្យបង្ហាញបណ្ណចាក់វ៉ាក់សាំងកូវីដ១៩ ក្នុងពេលចេញចូលគ្រឹះស្ថានឯកជន និងសាធារណៈ។ លោក សម រង្ស៊ី រំឭកអ្នកគាំទ្រនៅរដ្ឋធានីវ៉ាស៊ីនតោនពីគ្រោះថ្នាក់នៃប្រទេសចិនចំពោះកម្ពុជា និងតំបន់។ ព័ត៌មានអន្តរជាតិមានដូចជា ប្រមុខអង្គការអូតង់ព្រមានថា គេមិនអាចមើលស្រាលលើសម្ព័ន្ធភាពរបស់អង្គការអូតង់នោះឡើយ។ លោក Biden ថា លោកនិងលោក Xi Jinping ឯកភាពគ្នាគោរពតាមកិច្ចព្រមព្រៀងស្ដីពីកោះតៃវ៉ាន់។ លោក Biden ថា ការបង្កើនកម្រិតបំណុលអតិបរមារបស់សហរដ្ឋអាមេរិកគឺ «ពិតជាអាចទៅរួច»។ ក្រុមសិទ្ធិមនុស្សនៅហ្វីលីពីនប្រឆាំងនឹងការឈរឈ្មោះរបស់កូនប្រុសលោក Marcos ជាបេក្ខជនប្រធានាធិបតី។ គណបក្សរុស្សីរួបរួមគ្នារបស់លោក Putin អះអាងជ័យជម្នះគ្រាមានការចោទប្រកាន់អំពីការបន្លំសន្លឹកឆ្នោតនិងព័ត៌មានមួយចំនួនទៀត៕

1 hr

October 05, 2021 ព័ត៌មានពេលរាត្រី៖ ៥ តុលា ២០២១ - តុលា 05, 2021

ព័ត៌មានអំពីកម្ពុជាមានដូចជា អ្នកជំនាញស្នើឲ្យពលរដ្ឋបន្តការពារខ្លួនពីជំងឺកូវីដ១៩ ខណៈករណីឆ្លងត្រូវរាយការណ៍ថា ថយចុះខ្លាំង។ អង្គការអ្នកកាសែតគ្មានព្រំដែន ថ្កោលទោសការដាក់ពន្ធនាគារអ្នកកាសែតប្រចាំខេត្តកោះកុង។ សង្គមស៊ីវិល និងកម្មករ ស្នើឲ្យរដ្ឋាភិបាលអន្តរាគមន៍ ថ្លៃទឹកដែលមានកម្រិតទាប ខ្ពស់តាមផ្ទះជួល។ រីឯព័ត៌មានអន្តរជាតិវិញមានដូចជា លោក Blinken នៅក្នុងប្រទេសបារាំងដើម្បីស្ដារឡើងវិញសម្ព័ន្ធភាពឆ្លងមហាសមុទ្រអាត្លង់ទិក។ លោក Biden រិះគន់គណបក្សសាធារណរដ្ឋចំពោះការជាប់គាំងកំហិតបំណុលរបស់អាមេរិក។ សហរដ្ឋអាមេរិក គ្រោងពិភាក្សាដោយ«ចំហ»ជាមួយចិនអំពីពាណិជ្ជកម្ម។ កោះតៃវ៉ាន់ថា ចិនបានបញ្ជូនយន្តហោះចម្បាំងជាច្រើនគ្រឿងចូលដែនការពារអាកាសរបស់ខ្លួន។ និយតករសហភាពអឺរ៉ុបនិយាយថា ការចាក់ដូសជំរុញអាចពិចារណាចាក់ឱ្យមនុស្សពេញវ័យទាំងអស់។ វ៉ាក់សាំងកូវីដ១៩ការទូតរបស់ចិន បានទៅដល់ប្រទេសជាង ១០០ និងព័ត៌មានមួយចំនួនទៀត៕

1 hr