កម្មវិធីព័ត៌មានពេលរាត្រី - វីអូអេ podcast - Page 129

September 24, 2021 ព័ត៌មានពេលរាត្រី៖ ២៤ កញ្ញា ២០២១ - កញ្ញា 24, 2021

ព័ត៌មានអំពីកម្ពុជាមាន សហគមន៍ព្រៃឡង់ស្នើអាជ្ញាធរឲ្យទម្លាក់ចោលការចោទប្រកាន់បទឧក្រិដ្ឋលើសកម្មជនព្រៃឈើម្នាក់។ រដ្ឋាភិបាលកម្ពុជាសម្រេចផ្អាកភ្ជុំបិណ្ឌ បន្ទាប់ពីរកឃើញឆ្លងកូវីដ១៩ នៅតាមវត្តអារាមមួយចំនួន។ ក្នុងទិវារដ្ឋធម្មនុញ្ញ អ.ស.ប. ប្រាប់កម្ពុជាឱ្យគោរពសិទ្ធិមនុស្សនិងប្រជាធិបតេយ្យពហុមតិ។ លោក សម រង្ស៊ី រំឭកអ្នកគាំទ្រនៅរដ្ឋធានីវ៉ាស៊ីនតោនពីគ្រោះថ្នាក់នៃប្រទេសចិនចំពោះកម្ពុជា និងតំបន់។ រីឯព័ត៌មានអន្តរជាតិវិញមានដូចជា ក្នុងជំនួបជាមួយរដ្ឋមន្ត្រីការបរទេសអាស៊ាន រដ្ឋមន្ត្រីការបរទេសអាមេរិកអរគុណប្រទេសនានាក្នុងការជួយការជម្លៀសនៅអាហ្វហ្គានីស្ថាន។ អ.ស.ប. សង្កត់ពីភាពចាំបាច់ដើម្បីផលិតម្ហូបអាហារមានសុខភាពសម្រាប់មនុស្សទាំងអស់។ មជ្ឈមណ្ឌលគ្រប់គ្រងនិងបង្ការជំងឺ អនុញ្ញាតឱ្យចាក់វ៉ាក់សាំងដូសជំរុញសម្រាប់អ្នកចាក់ថ្នាំរបស់ក្រុមហ៊ុន Pfizer។ លោក Biden ជំរុញមេដឹកនាំនានាឲ្យប្រឹងសម្រេចតាមគោលនយោបាយមុតមាំស្ដីពីការប្រែប្រួលអាកាសធាតុ។ អាមេរិក សម្រេចមិនផ្តល់កលយុទ្ធអាវុធនុយក្លេអ៊ែរជាថ្មីដល់កូរ៉េខាងត្បូង។ តើការធ្លាក់ចុះនៃទំនាក់ទំនងរវាងចិននិងអូស្ត្រាលីរយៈពេលមួយទសវត្សរ៍មានន័យដូចម្តេច? តុលាការរវ៉ាន់ដាផ្តន្ទាទោសបុរសដែលគេចាត់ទុកថា ជាវីរជន«សណ្ឋាគាររវ៉ាន់ដា» ពីបទភេរវកម្ម៕

1 hr

September 23, 2021 ព័ត៌មានពេលរាត្រី៖ ២៣ កញ្ញា ២០២១ - កញ្ញា 23, 2021

ព័ត៌មានអំពីកម្ពុជាមាន លោក ហ៊ុន សែន ស្នើឲ្យពិចារណាផ្អាកភ្ជុំបិណ្ឌ ឬបន្ថយចំនួនមនុស្ស ក្រោយមានករណីឆ្លងនៅតាមវត្តអារាម។ អ្នកឃ្លាំមើលថា គុណតម្លៃដើមនៃរដ្ឋធម្មនុញ្ញកម្ពុជា រងសម្ពាធពីការដឹកនាំបែបឯកបក្ស។ ក្រសួងបរិស្ថានបានឲ្យដឹងថា គម្របព្រៃឈើកម្ពុជានៅសល់ប្រមាណ៤៧% គិតត្រឹមឆ្នាំ២០១៨។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«ការពិបាកសម្រាប់ពលករកម្ពុជា ខណៈថៃអនុញ្ញាតឲ្យចូលវិញដោយបង់ថ្លៃខ្ពស់»។ រីឯព័ត៌មានអន្តរជាតិវិញមានដូចជា នាយករដ្ឋមន្ត្រីអង់គ្លេសលោក Johnson ជួបប្រធានរដ្ឋសភាស.រ.អ. អ្នកស្រី Pelosi។ រដ្ឋបាលម្ហូបអាហារនិងឱសថសហរដ្ឋអាមេរិក អនុម័តវ៉ាក់សាំងកូវីដ១៩ដូសជំរុញរបស់ក្រុមហ៊ុន Pfizer។ ក្រុមរដ្ឋអ៊ីស្លាម Khorasan អាចជាក្រុមភេរវករអាហ្វហ្គានីស្ថានដំបូងគេដែលគំរាមសហរដ្ឋអាមេរិក។ អាមេរិកនិងសម្ព័ន្ធមិត្តអឺរ៉ុប រកផ្លូវដោះស្រាយក្រោយកិច្ចព្រមព្រៀងនាវាមុជទឹកអូស្ត្រាលី។ កង្វះហិរញ្ញប្បទានដើម្បីដោះស្រាយវិបត្តិជំងឺកូវីដ១៩សម្រាប់ជនភៀសខ្លួន ធ្វើឲ្យវិបត្តិជំងឺនេះ អូសបន្លាយពេល និងកាន់តែធ្ងន់ធ្ងរ និងព័ត៌មានមួយចំនួនទៀត៕

1 hr

September 22, 2021 ព័ត៌មានពេលរាត្រី៖ ២២ កញ្ញា ២០២១ - កញ្ញា 22, 2021

ព័ត៌មានអំពីកម្ពុជាមានដូចជា ក្រសួងព័ត៌មានសង្ឃឹមថា ច្បាប់ស្តីពីសិទ្ធិទទួលព័ត៌មាន នឹងត្រូវអនុម័តដោយសភានៅចុងឆ្នាំ២០២១។ ក្រុមសង្គមស៊ីវិលកម្ពុជា អំពាវនាវឲ្យបញ្ឈប់ការបំភិតបំភ័យអ្នកវិភាគ និងអ្នករិះគន់។ អ្នកការពារសិទ្ធិការងារ រិះគន់វិសោធនកម្មច្បាប់ស្តីពីការងារថា ធ្វើឲ្យបាត់ប្រយោជន៍កម្មករ។ រីឯព័ត៌មានអន្តរជាតិវិញមានដូចជា នៅក្នុងសុន្ទរកថាក្នុងមហាសន្និបាតអ.ស.ប. លោក Biden ជំរុញសាមគ្គីភាពប្រឈមបញ្ហាសាកល។ អង្គការសុខភាពពិភពលោកថា ឥឡូវនេះវីរុសបំប្លែងថ្មីប្រភេទដែលតា (Delta) លេចធ្លោជុំវិញពិភពលោក។ សមាជិកសភាជំរុញឱ្យក្រសួងយុត្តិធម៌ ចាត់វិធានការប្រឆាំងឧក្រិដ្ឋកម្មស្អប់ខ្ពើមដែលកំពុងកើនឡើងនៅសហរដ្ឋអាមេរិក។ រហូតមកដល់ពេលនេះ ពួកតាលីបង់មិនបានធ្វើអ្វីសោះតាមការប្តេជ្ញាប្រឆាំងភេរវកម្ម។ ករណីភេរវកម្មក្នុងស្រុករបស់អាមេរិក «ផ្ទុះឡើង»។ បណ្ដាញកំពង់ផែដឹកជញ្ជូនរបស់ចិននៅលើសាកលលោក បង្ហាញពីយុទ្ធសាស្ត្ររបស់រដ្ឋាភិបាលចិន និងព័ត៌មានមួយចំនួនទៀត៕

1 hr

September 21, 2021 ព័ត៌មានពេលរាត្រី៖ ២១ កញ្ញា ២០២១ - កញ្ញា 21, 2021

ព័ត៌មានអំពីកម្ពុជាមានដូចជា លោក ហ៊ុន សែន ចោទមហាអំណាចជ្រៀតជ្រែកកិច្ចការផ្ទៃក្នុង ខណៈលោក សម រង្ស៊ី ចោទមេដឹកនាំកម្ពុជា «ចូលដៃ»ជាមួយចិន។ ពលរដ្ឋ៩នាក់ត្រូវបានដោះលែង ក្រោយសន្យាឈប់តវ៉ារឿងទំនាស់ដីធ្លីក្នុងគម្រោងព្រលានយន្តហោះថ្មីនៅខេត្តកណ្តាល។ សហជីព៖ កម្មករអាចពិចារណាប្រើសិទ្ធិតវ៉ា បើនិយោជកបង្ហាញចេតនាមិនដំឡើងប្រាក់ឈ្នួល។ រីឯព័ត៌មានអន្តរជាតិវិញមានដូចជា លោក Biden នឹងប្រើកិច្ចប្រជុំអង្គការសហប្រជាជាតិជំរុញពហុភាគីនិយម និងសកលនិយម។ សហរដ្ឋអាមេរិក បន្ធូរការរឹតត្បិតអំពីវីរុសកូរ៉ូណាសម្រាប់ការធ្វើដំណើរបរទេស។ អ្នកផលិតឱសថថា វ៉ាក់សាំងកូវីដ១៩របស់ក្រុមហ៊ុន Pfizer មានសុវត្ថិភាពសម្រាប់កុមារអាយុចន្លោះ៥ ដល់១១ឆ្នាំ។ ក្រុមអ្នកវិភាគ៖ ចិនកំពុងពង្រីកឥទ្ធិពលនៅអាហ្វ្រិកតាមរយៈកិច្ចសន្យាផ្គត់ផ្គង់បណ្តាញទូរគមនាគមន៍ និងព័ត៌មានមួយចំនួនទៀត៕

1 hr

September 20, 2021 ព័ត៌មានពេលរាត្រី៖ ២០ កញ្ញា ២០២១ - កញ្ញា 20, 2021

ព័ត៌មានអំពីកម្ពុជាមាន លោក ហ៊ុន សែន ស្នើតុលាការទម្លាក់ចោលដីកាចាប់ខ្លួនអ្នកវិភាគ លោក សេង សារី។ មន្រ្តីសិទ្ធិមនុស្ស និងអ្នកកាសែត បារម្ភពីការបន្តរឹតត្បិតសេរីភាពនៃការបញ្ចេញមតិ ក្រោយពីនាយករដ្ឋមន្រ្តីគំរាមអ្នកវិភាគខ្លះ។ សកម្មជនម្នាក់នៅស្រុកលំផាត់ ខេត្តរតនគិរី ត្រូវសមត្ថកិច្ចឃាត់ខ្លួន រឿងចោទប្រកាន់ទន្រ្ទានដីព្រៃ។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«បណ្តាញស្រ្តីអ្នកដឹកនាំវ័យក្មេង និងស្រ្តីវ័យក្មេងនៅកម្ពុជា»។ រីឯព័ត៌មានអន្តរជាតិវិញមានដូចជា ការសិក្សារកឃើញថា អ្នកជំងឺកូវីដម្នាក់ក្នុងចំណោម៣នាក់ បានរាយការណ៍ពីរោគសញ្ញារយៈពេលយូរ។ ដំណើរទស្សនកិច្ចរបស់ប្រធានាធិបតីវៀតណាមទៅឡាវ ជាការប្រឹងប្រែងដើម្បីរក្សាឥទ្ធិពល។ អគ្គលេខាអង្គការសហប្រជាជាតិ ព្រមានចិននិងអាមេរិកឱ្យចៀសវាងសង្គ្រាមត្រជាក់ថ្មី។ គណបក្សដែលគាំទ្រដោយរដ្ឋាភិបាលវិមានក្រឹមឡាំង នាំមុខក្នុងការបោះឆ្នោតសភារដ្ឋឌុយម៉ា នៅពេលមានការចោទប្រកាន់ពីការអុកឡុក និងព័ត៌មានមួយចំនួនទៀត៕

1 hr

September 19, 2021 ព័ត៌មានពេលរាត្រី៖ ១៩ កញ្ញា ២០២១ - កញ្ញា 19, 2021

ព័ត៌មានអំពីកម្ពុជាមាន អ្នកកាសែតចាស់វស្សាជនជាតិអាមេរិករំឭកកម្ពុជាឱ្យការពារកិច្ចព្រមព្រៀងសន្ដិភាពទីក្រុងប៉ារីស។ សាច់ញាតិសពអ្នកកើតកូវីដ៖ ភាពមិនស្ងប់ក្នុងចិត្តនិងក្តីបារម្ភពីការច្រឡំសពនិងធាតុ។ សម្រង់សង្ខេបពីកម្មវិធី Hello VOA អំពី៖ «តើយើងត្រូវការចាក់វ់ាក់សាំងកូវីដ១៩មួយដូសបន្ថែមទៀត ឬវ៉ាក់សាំងជំរុញដែរឬទេ?»។ រីឯព័ត៌មានអន្តរជាតិវិញមានដូចជា «ការអត់ធ្មត់ខាងយុទ្ធសាស្ត្រ»ក្លាយជាការក្រេវក្រោធចំពោះការយឺតយ៉ាវនៃកិច្ចចរចាពាណិជ្ជកម្មរវាងអាមេរិកនិងចិន។ គ្រួសារជនភៀសខ្លួនអាហ្វហ្គានីស្ថានចាប់ផ្តើមកសាងជីវិតថ្មីនៅរដ្ឋ Texas។ អ្នកជំនាញនៅនីហ្សេរីយ៉ាមួយចំនួនព្រមានពីឥទ្ធិពលកាន់តែខ្លាំងរបស់ចិនក្នុងវិស័យបច្ចេកវិទ្យាអាហ្វ្រិក៕

1 hr

September 18, 2021 ព័ត៌មានពេលរាត្រី៖ ១៨ កញ្ញា ២០២១ - កញ្ញា 18, 2021

ព័ត៌មានអំពីកម្ពុជាមានដូចជា NDI និងIRIខកចិត្តនឹងស្ថានភាពលទ្ធិប្រជាធិបតេយ្យកម្ពុជានិងលើកទឹកចិត្តយុវជនឲ្យសកម្មឡើង។ USAID តែងតាំងប្រធានបេសកកម្មថ្មីនៅកម្ពុជានិងថ្លែងពីការធ្លាក់ចុះសិទ្ធិសេរីភាព។ ត្រី៖ ប្រភពអាហារូបត្ថម្ភមិនអាចខ្វះបានសម្រាប់កម្ពុជា។ គន្លឹះទប់ស្កាត់ការខ្វះអាហារូបត្ថម្ភនិងសន្តិសុខស្បៀងអាហារ។ សម្រង់សង្ខេបពីកម្មវិធី Hello VOA អំពី«សង្គមស៊ីវិលទទូចឲ្យរដ្ឋាភិបាលអនុញ្ញាតឲ្យមានក្រុមប្រឹក្សាជាតិឯករាជ្យស្តីពីក្រមសីលធម៌វិជ្ជាជីវៈសារព័ត៌មាន»។ រីឯព័ត៌មានអន្តរជាតិវិញមានដូចជា អ.ស.បស្វែងរកប្រាក់ជំនួយ ៦០០លានដុល្លារដើម្បីដោះស្រាយវិបត្តិផ្នែកមនុស្សធម៌នៅក្នុងប្រទេសអាហ្វហ្គានីស្ថាន។ ចិនរិះគន់ «តុលាការអ៊ុយហ្គ័រ» រឿងស៊ើបអង្កេតលើបញ្ហាសិទ្ធិមនុស្សនៅ Xinjiang។ ស្ត្រីស៊ីមបាវ៉េកំពុងបង្កើនការតស៊ូមតិប្រឆាំងសិទ្ធិកាន់កាប់ទ្រព្យសម្បត្តិ៕

1 hr

September 17, 2021 ព័ត៌មានពេលរាត្រី៖ ១៧ កញ្ញា ២០២១ - កញ្ញា 17, 2021

ព័ត៌មានអំពីកម្ពុជាមានដូចជា លោក ហ៊ុន សែន ថា មិនមានការចរចានយោបាយ ហើយការពាររឿងលបចូលស្តាប់កិច្ចប្រជុំផ្ទៃក្នុងបក្សប្រឆាំង។ លោក ហ៊ុន សែន ថា សមត្ថកិច្ចកំពុងតាមចាប់ខ្លួនអ្នកវិភាគម្នាក់ ខណៈព្រមានអ្នកអត្ថាធិប្បាយនយោបាយលោក មាស នី។ លោក ហ៊ុន សែន ថា ការចាក់វ៉ាក់សាំងកូវីដ១៩ ដល់ក្មេងអាយុ៦ឆ្នាំឡើងទៅ «ជាការបោះជំហានមុន»។ តុលាការរាជធានីភ្នំពេញ ឃុំខ្លួនអតីតព្រះសង្ឃកម្ពុជាក្រោមមួយអង្គរឿងបំពាន។ រីឯព័ត៌មានអន្តរជាតិវិញមានដូចជា ក្រុមតាលីបង់ មិនបានច្រានចោលការធ្វើការបោះឆ្នោតនោះទេ។ ស្ថានទូតចិនប្រកាសប្រឆាំងការជ្រៀតជ្រែករបស់អាមេរិក និងអូស្ត្រាលី។ ការវាយតម្លៃរបស់អ.ស.ប.អំពីសិទ្ធិមនុស្សនៅប្រទេសចិន ជាវេទិកាសិទ្ធិមនុស្សសំខាន់។ អ្នកជំនាញនៅនីហ្សេរីយ៉ាមួយចំនួន ព្រមានពីឥទ្ធិពលកាន់តែខ្លាំងរបស់ចិនក្នុងវិស័យបច្ចេកវិទ្យាអាហ្វ្រិក។ ថវិកាចាយវាយរបស់តៃវ៉ាន់កើនឡើង គ្រាដែលប្រទេសចិនបង្កើនសកម្មភាពយោធា និងព័ត៌មានមួយចំនួនទៀត៕

1 hr

September 16, 2021 ព័ត៌មានពេលរាត្រី៖ ១៦ កញ្ញា ២០២១ - កញ្ញា 16, 2021

ព័ត៌មានអំពីកម្ពុជាមានដូចជា ក្រុមហ៊ុន GFX ពន្យារពេលអតិថិជនមកទទួលប្រាក់សំណង៣០% ខណៈលោក ហ៊ុន សែន ឲ្យសម្រុះសម្រួលជម្លោះ មុនប្តឹងទៅតុលាការ។ សង្គមស៊ីវិល ជំរុញរដ្ឋាភិបាលឲ្យពិចារណាផ្តល់សំណងសមរម្យដល់អ្នកមានជម្លោះក្នុងគម្រោងព្រលានយន្តហោះថ្មីនៅខេត្តកណ្តាល។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«តើយើងត្រូវការចាក់វ់ាក់សាំងកូវីដ១៩មួយដូសបន្ថែមទៀត ឬវ៉ាក់សាំងជំរុញដែរឬទេ?»។ រីឯព័ត៌មានអន្តរជាតិវិញមានដូចជា សហរដ្ឋអាមេរិក និងចក្រភពអង់គ្លេស គ្រោងជួយអូស្ត្រាលីផលិតនាវាមុជទឹកប្រើនុយក្លេអ៊ែរ។ មានសេចក្តីរាយការណ៍ថា ឥណ្ឌាជិតបន្តការបញ្ចេញវ៉ាក់សាំងបង្ការជំងឺកូវីដ១៩។ អាមេរិកគាំទ្រប្រទេសលីទុយអានីក្នុងជម្លោះជាមួយចិនអំពីកោះតៃវ៉ាន់។ មេដឹកនាំជនជាតិដើមភាគតិច ជំរុញឱ្យមានគោលដៅថ្មីក្នុងការការពារព្រៃអាម៉ាហ្សូនពីការកាប់បំផ្លាញ និងព័ត៌មានមួយចំនួនទៀត៕

1 hr

September 15, 2021 ព័ត៌មានពេលរាត្រី៖ ១៥ កញ្ញា ២០២១ - កញ្ញា 15, 2021

ព័ត៌មានអំពីកម្ពុជាមានដូចជា រដ្ឋាភិបាលសម្រេចឲ្យក្មេងអាយុ៦ឆ្នាំទៅ១២ឆ្នាំ អាចចាក់វ៉ាក់សាំងបាន ចាប់ផ្តើមពីសប្តាហ៍នេះ។ សាលារៀននៅភ្នំពេញចាប់ផ្តើមបើកឡើងវិញ ប៉ុន្តែសិស្សានុសិស្សបន្តព្រួយបារម្ភអំពីការឆ្លងជំងឺកូវីដ១៩។ ពលរដ្ឋ៩នាក់ត្រូវចោទប្រកាន់និងឃុំខ្លួន ក្នុងជម្លោះដីធ្លីនៃគម្រោងព្រលានយន្តហោះថ្មីក្នុងខេត្តកណ្តាល។ ខ្មែរ-អាមេរិកាំង គ្រោងដាក់ញតិ្តឲ្យអន្តរជាតិជួយកម្ពុជា ចំខួបទី៣០នៃសន្ធិសញ្ញាសន្តិភាពទីក្រុងប៉ារីស។ រីឯព័ត៌មានអន្តរជាតិវិញមានដូចជា សកម្មជនហុងកុង៩នាក់ត្រូវបានផ្តន្ទាទោសពីបទចូលរួមក្នុងពិធីរំឭកព្រឹត្តិការណ៍នៅទីលាន Tiananmen។ កូរ៉េខាងជើងសាកល្បងមីស៊ីលផ្លោងលើកទីពីរក្នុងពេលតែប៉ុន្មានថ្ងៃ។ អ្នកបោះឆ្នោតនៅរដ្ឋកាលីហ្វ័រញ៉ាបដិសេធការប៉ុនប៉ងដកអភិបាលរដ្ឋ លោក Gavin Newsom នៅក្នុងការបោះឆ្នោតតាមការស្នើរបស់ពលរដ្ឋ។ ផ្នែកកណ្តាលនៃប្រទេសវៀតណាមប្រឈមការបិទខ្ទប់យ៉ាងតឹងរ៉ឹងបំផុត។ គ្រូពេទ្យនិរទេសខ្លួនប្រយុទ្ធដើម្បីប្រទេសមីយ៉ាន់ម៉ាល្អប្រសើរ និងព័ត៌មានមួយចំនួនទៀត៕

1 hr